Dasara Horoscope: ఈ నెల 17, 18 తేదీల్లో రవి, బుధ గ్రహాలు మారుతున్నందువల్ల చాలా రాశులవారు ‘పండగ’ చేసుకునే అవకాశం ఉంది. ముఖ్యంగా రవి, బుధ గ్రహాలు తులా రాశిలో ప్రవేశించడం, ఈ కలయికను గురువు వీక్షించడం వల్ల తప్పకుండా ఎక్కువగా శుభ ఫలితాలే అనుభవానికి వచ్చే అవకాశం ఉంది. వివిధ రాశుల వారికి ఈ దసరా పర్వదినాలు ఎలా గడవబోతున్నాయన్నది ఇక్కడ పరిశీలిద్దాం.
ఈ నెల 17, 18 తేదీల్లో రవి, బుధ గ్రహాలు మారుతున్నందువల్ల చాలా రాశులవారు ‘పండగ’ చేసుకునే అవకాశం ఉంది. ముఖ్యంగా రవి, బుధ గ్రహాలు తులా రాశిలో ప్రవేశించడం, ఈ కలయికను గురువు వీక్షించడం వల్ల తప్పకుండా ఎక్కువగా శుభ ఫలితాలే అనుభవానికి వచ్చే అవకాశం ఉంది. వివిధ రాశుల వారికి ఈ దసరా పర్వదినాలు ఎలా గడవబోతున్నాయన్నది ఇక్కడ పరిశీలిద్దాం.
1 / 13
మేషం: ఈ రాశివారికి ఎక్కువగా శుభ ఫలితాలే అనుభవానికి వస్తాయి. విజయదశమి లోపున, అంటే 23వ తేదీ లోపున ఈ రాశివారికి ఉద్యోగపరంగా తప్పకుండా శుభవార్త అందే అవకాశం ఉంది. వృత్తి, వ్యాపారాలు కూడా మూడు పువ్వులు ఆరు కాయలుగా సాగిపోతుంది. వృత్తిపరంగా క్షణం కూడా తీరిక లేని పరిస్థితి ఏర్పడుతుంది. కుటుంబపరంగా ఒకటి రెండు శుభ పరిణామాలు చోటు చేసు కుంటాయి. సతీమణి వృత్తి, ఉద్యోగాలకు సంబంధించి కూడా శుభ వార్తలు వినడం జరుగుతుంది.
2 / 13
వృషభం: ఈ నాలుగవ స్థానంలో ఉన్న శుక్రుడు, ప్రస్తుతం అయిదవ స్థానంలో ఉన్న రవి, బుధుల వల్ల వ్యక్తిగత జీవితం ఒక మంచి మలుపు తిరుగుతుంది. వృత్తి, వ్యాపారాల్లో వేగం, యాక్టివిటీ పెరుగు తాయి. సమాజంలో గౌరవ మర్యాదలు పెరుగుతాయి. మీ మాటకు, చేతకు విలువ పెరుగుతుంది. మంచి పరిచయాలు ఏర్పడతాయి. ఇంటికి బంధువుల రాకపోకలుంటాయి. పిల్లల నుంచి శుభ వార్తలు వింటారు. ఉద్యోగ, పెళ్లి ప్రయత్నాలు ఒక కొలిక్కి వస్తాయి. తల్లితండ్రుల చేయూత లభిస్తుంది.
3 / 13
మిథునం: ఈ రాశికి దసరా పర్వదినాల్లో రవి, బుధులతో పాటు గురు గ్రహం కూడా బాగా అనుకూలంగా ఉంటున్నందు వల్ల వ్యక్తిగత, కుటుంబ జీవితంలో పండుగ వాతావరణం నెలకొంటుంది. వృత్తి, ఉద్యోగాల్లో ప్రతిభా పాటవాలకు మంచి గుర్తింపు రావడం, అధికార యోగం పట్టడానికి అవకాశం ఏర్పడడం జరుగుతుంది. ఆర్థిక పరిస్థితి చాలావరకు మెరుగ్గా ఉండడంతో కొన్ని ఇబ్బందికర వ్యవ హారాలు పరిష్కారం కావడంతో పాటు, ఇతరులకు మేలు జరిగే పనులు చేయడం జరుగుతుంది.
4 / 13
కర్కాటకం: ఈ రాశివారికి ఈ పది రోజులు నిజంగానే ఓ పండుగలా గడిచిపోయే అవకాశం ఉంది. నాలుగవ స్థానంలో రవి, బుధులు ప్రవేశించడం, ధన స్థానంలో శుక్రుడు సంచరించడం వంటి కారణాల వల్ల కుటుంబంలోనే కాక, వృత్తి, ఉద్యోగ, వ్యాపారాల్లో కూడా పండుగ వాతావరణం నెలకొంటుంది. ముఖ్యంగా సంపాదన బాగా పెరుగుతుంది. శుభవార్తలు వినడం జరుగుతుంది. పిల్లలు ఆశించిన స్థాయిలో ఉత్తమ ఫలితాలను చూపించడం జరుగుతుంది. ఆరోగ్యం చాలావరకు కుదుటపడుతుంది.
5 / 13
సింహం: భాగ్య స్థానంలో గురువు సంచారం బాగా అనుకూలంగా ఉంది. ధన, లాభ స్థానాధిపతి అయిన బుధ గ్రహం కూడా అనుకూల స్థానాలలో సంచరించడం వల్ల ఆదాయం పెరిగే అవకాశం ఉంది. ఆర్థికంగా స్థిరత్వం లభిస్తుంది. ఆస్తి విలువకు సంబంధించి శుభవార్త వింటారు. తల్లితండ్రుల జోక్యంతో ఆస్తి వివాదం కూడా పరిష్కారం అయి, చాలావరకు ఊరట కలుగుతుంది. గృహ, వాహన సంబంధమైన ఆటంకాలు తొలగిపోతాయి. సతీమణికి అనుకోని అదృష్టం పడుతుంది.
6 / 13
కన్య: ఈ రాశికి రవి, బుధుల కలయిక జరుగుతున్నందువల్ల వృత్తి, ఉద్యోగాలపరంగా జీవితం మంచి మలుపు తిరిగే అవకాశం ఉంది. రాజకీయ ప్రముఖులతో పరిచయాలు పెరుగుతాయి. ఉద్యోగంలో ప్రాధాన్యం, ప్రాభవం వృద్ధి చెందుతాయి. సతీమణికి కూడా మంచి యోగం పట్టే అవకాశం ఉంది. కొత్త ప్రయత్నాలు, నిర్ణయాల వల్ల ఆశించిన ప్రయోజనాలు నెరవేరుతాయి. అనుకున్న పెళ్లి సంబంధం కుదిరే సూచనలున్నాయి. నిరుద్యోగులకు కోరుకున్న కంపెనీ నుంచి ఆఫర్ అందుతుంది.
7 / 13
తుల: ఈ రాశివారికి గురు గ్రహ కటాక్ష వీక్షణాలు మరింత శుభ ప్రదం అయ్యే అవకాశం ఉంది. ఇంటా బయటా పండుగ వాతావరణం నెలకొంటుంది. లాభస్థానంలో రాశ్యధిపతి శుక్రుడు, ధనాధిపతి కుజుడు ఇదే రాశిలో, 17తర్వాత ఇదే రాశిలో రవి, బుధుల ప్రవేశం వంటివి ఆర్థికంగా శుభ యోగాలను కలుగుజేస్తాయి. వృత్తి, ఉద్యోగ, వ్యాపారాల్లో ప్రాభవం, ప్రాధాన్యాలతో పాటు ఆదాయం కూడా బాగా పెరిగే అవకాశం ఉంది. బంధుమిత్రులతో బాగా ఎంజాయ్ చేస్తారని చెప్పవచ్చు.
8 / 13
వృశ్చికం: ఈ రాశికి దశమ స్థానంలో శుక్ర సంచారం, ప్రస్తుతం లాభ స్థానంలో రవి, బుధ సంచారం వల్ల ఆర్థిక పరిస్థితి చాలావరకు మెరుగ్గా ఉండే అవకాశం ఉంది. వృత్తి, ఉద్యోగాల్లో స్థిరత్వం లభిస్తుంది. ఈ నెల 17 తర్వాత రవి, బుధులు వ్యయ స్థానంలోకి వస్తున్నందువల్ల శుభ కార్యాల మీదా, వేడుకల మీద ఖర్చు చేసే అవకాశం ఉంటుంది. బంధుమిత్రులు, కుటుంబ సభ్యులతో సుఖ సంతోషాలతో గడిపే సూచనలున్నాయి. కుటుంబపరంగా శుభవార్తలు వినడం జరుగుతుంది.
9 / 13
ధనుస్సు: ఈ రాశివారు కుటుంబపరంగానే కాకుండా, వృత్తి, ఉద్యోగ, వ్యాపారాల పరంగా కూడా పండుగ వాతావరణాన్ని అనుభవించడం జరుగుతుంది. అనుకున్న పనులు అనుకున్నట్టు పూర్తయి, వ్యక్తిగతంగా ఎంతో మనశ్శాంతి లభిస్తుంది. ప్రధానమైన వ్యక్తిగత సమస్యలు చాలావరకు పరిష్కా రం అవుతాయి. ఆర్థిక పరిస్థితి కూడా మెరుగ్గా ఉంటుంది. అదనపు ఆదాయ ప్రయత్నాలు సఫ లం అవుతాయి. కుటుంబ సమేతంగా ఇష్టమైన ఆలయాలకు వెళ్లి దైవ కార్యాల్లో పాల్గొంటారు.
10 / 13
మకరం: ధన, కుటుంబ స్థానంలో రాశ్యధిపతి శనీశ్వరుడు, సుఖ స్థానంలో గురువు, భాగ్య, దశమ స్థానాల్లో బుధ సంచారం వల్ల పండుగ రోజులు ఉత్సాహంగా, ఉల్లాసంగా గడిచిపోతాయి. వృత్తి, ఉద్యోగాల్లో ప్రాధాన్యం పెరుగుతుంది. అధికారులు గట్టి నమ్మకంతో ప్రత్యేక బాధ్యతలను అప్పగించడం జరుగు తుంది. జీతభత్యాలు పెరిగే అవకాశం ఉంది. కుటుంబంలో సుఖ సంతోషాలు వెల్లి విరుస్తాయి. బంధుమిత్రులతో బాగా ఎంజాయ్ చేయడం జరుగుతుంది. ఇష్టమైన దైవ కార్యాల్లో పాల్గొంటారు.
11 / 13
కుంభం: ఈ నెల 17 తర్వాత రాశ్యధిపతి శనీశ్వరుడితో సహా ప్రధాన గ్రహాలు అనుకూలంగా మారుతు న్నందు వల్ల దసరా వేడుకలను భక్తి శ్రద్ధలతో నిర్వహించడం జరుగుతుంది. కుటుంబ సమేతంగా శుభకార్యాలు, దైవ కార్యాల్లో పాల్గొంటారు. ఇష్టమైన బంధువులు, కుటుంబ సభ్యులతో సరదా గడపడం మీద ఎక్కువగా ఖర్చు చేస్తారు. వృత్తి, ఉద్యోగాల్లో అధికారుల నుంచి ఆదరణ, ప్రోత్సాహం పెరుగుతాయి. సతీమణికి వృత్తి, ఉద్యోగాల్లో శుభ పరిణామాలు చోటు చేసుకుంటాయి.
12 / 13
మీనం: ఈ రాశివారికి సమయం అనుకూలంగా ఉంది. ముఖ్యమైన వ్యవహారాలు సంతృప్తికరంగా పూర్తవుతాయి. ఆర్థిక వ్యవహారాలు చక్కబడతాయి. ఆర్థికంగా ఇతరులకు సహాయం చేసే స్థితిలో ఉంటారు. వృత్తి, ఉద్యోగ, వ్యాపారాల్లో కూడా అంచనాలకు మించి ఆదాయం పెరుగుతుంది. కుటుంబ జీవితం సాఫీగా, హ్యాపీగా సాగిపోతుంది. సతీమణి నుంచి వృత్తి, ఉద్యోగాలపరంగా శుభ వార్తలు వినడం జరుగుతుంది. శుభ ఫలితాలు ఎక్కువగా ఉన్న కారణంగా పండుగ ఆనందంగా గడిచిపోతుంది.
