Friendship Astrology: ఆ రాశుల వారు స్నేహం కోసం ప్రాణాలైనా ఇస్తారు..! 12 రాశుల వారు స్నేహం విషయంలో ఇలా..
జీవితంలో స్నేహితుల పాత్రకు అత్యంత ప్రాధాన్యం ఉన్నందువల్ల సహజంగా మనకు ఎటువంటి స్నేహితులు లభిస్తారు అన్న అంశం మీద ఆసక్తి కలుగుతుంది. జ్యోతిష్య శాస్త్రంలో స్నేహాలకు సంబంధించినంత వరకు 11వ స్థానానికి, గురు గ్రహానికి ప్రాధాన్యం ఇవ్వవలసి ఉంటుంది.
జీవితంలో స్నేహితుల పాత్రకు అత్యంత ప్రాధాన్యం ఉన్నందువల్ల సహజంగా మనకు ఎటువంటి స్నేహితులు లభిస్తారు అన్న అంశం మీద ఆసక్తి కలుగుతుంది. జ్యోతిష్య శాస్త్రంలో స్నేహాలకు సంబంధించినంత వరకు 11వ స్థానానికి, గురు గ్రహానికి ప్రాధాన్యం ఇవ్వవలసి ఉంటుంది. సాధారణంగా వృషభం, కన్య, మకర రాశులకు చెందిన వారు స్నేహం కోసం ఎన్ని త్యాగాలకైనా సిద్ధపడతారని జ్యోతిష్య శాస్త్రం చెబుతోంది. ఈ రాశులలో ఉన్న గ్రహాలు కూడా స్నేహానికి అనుకూలంగా మారుతాయి. ఇదంతా కూడా వ్యక్తిగత జాతక చక్రాలలోని గ్రహాల స్థితి గతుల మీద కూడా ఆధారపడి ఉంటుంది. వివిధ రాశులకు స్నేహ సంబంధాలు ఎలా ఉండబోయేది ఇక్కడ పరిశీలిద్దాం.
1 / 13
మేషం: సాధారణంగా ఈ రాశి వారికి స్నేహితులు ఎక్కువ సంఖ్యలో ఉన్నప్పటికీ అత్యంత సన్నిహితులు ప్రాణ స్నేహితులు ఉండే అవకాశాలు మాత్రం చాలా తక్కువ. స్నేహ సంబంధాలు ఎంతవరకు ఉండాలో అంతవరకే పరిమితం అవుతాయి. స్నేహితులకు ఈ రాశి వారు అండగా ఉండే అవకాశం ఉన్నప్పటికీ ఎక్కడా బంధం ఏర్పడటం జరిగే వ్యవహారం కాదు. ఈ రాశి వారి స్వభావాన్ని బట్టి సరైన స్నేహితులు దొరకడం కూడా కష్టమే. అయితే ఈ ఏడాది మాత్రం ముఖ్యమైన వ్యక్తులు పరిచయం అయ్యే అవకాశం ఉంది.
2 / 13
వృషభం: ఈ రాశి వారు స్నేహం విషయంలో ఎంతో విధేయతగా, ఎంతో ఆదర్శంగా వ్యవహరిస్తారు. స్నేహం అంటూ ఏర్పడితే ఆ బంధాన్ని జీవిత కాలం వదులుకోవడం జరగదు. స్నేహం కోసం ఎటువంటి త్యాగాలు చేయడానికి అయినా సిద్ధపడతారు. సాధారణంగా ఒక పట్టాన ఎవరితోనూ స్నేహం చేయరు. స్నేహం చేస్తే వదిలిపెట్టరు. జీవితకాలంలో ఎవరో ఒక స్నేహితుడి కుటుంబాన్ని పోషిస్తూ ఉంటారు. ఈ ఏడాది వీరికి కొత్త స్నేహాలు పరిచయం అయ్యే అవకాశం ఉంది. స్నేహం విషయంలో వీరికి ఎటువంటి తారతమ్యాలు ఉండవు.
3 / 13
మిథునం: సాధారణంగా ఈ రాశి వారికి శాశ్వత స్నేహాలు చాలా అరుదుగా చోటుచేసుకుంటాయి. ముఖ్యంగా చిన్ననాటి స్నేహాలు, పాత స్నేహాలు కొనసాగే అవకాశం ఉండదు. స్నేహితులకు అవసరమైనప్పుడు సహాయం చేయటం జరుగుతుంది గానీ అటువంటిది చాలావరకు పరిమితం గానే ఉంటుంది. ఎక్కువగా ఆయా రంగాలకు చెందిన ప్రముఖులతోనే పరిచయాలు పెంచుకునే అవకాశం ఉంటుంది. తారతమ్యాలకు అధిక ప్రాధాన్యం ఇస్తారు. ఈ ఏడాది ఈ రాశి వారికి సమాజంలోని ముఖ్యమైన వ్యక్తులతో పరిచయం అయ్యే అవకాశం ఉంది.
4 / 13
కర్కాటకం: సాధారణంగా ఈ రాశి వారి స్నేహాలు భావోద్వేగం మీద ఆధారపడి ఉంటాయి. వీరికి ఎక్కువగా స్నేహాలు నిలబడవు. కొద్ది కాలం పాటు అవినా భావ సంబంధం గా స్నేహాలు కొనసాగినప్పటికీ కొద్దికాలం తరువాత అవి దూరం అయ్యే అవకాశం ఉంటుంది. అంతేకాక ఈ రాశి వారికి పాత స్నేహాలను ఎక్కువ కాలం గుర్తుపెట్టుకునే అవకాశం కూడా ఉండదు. ఈ రాశి చరరాశి అయినందువల్ల ఎక్కువ కాలం ఒకే ప్రదేశంలో ఉండటం కూడా జరగదు. ఈ రాశి వారికి ఈ ఏడాది వెనకటి స్నేహాలే కొనసాగే అవకాశం ఉంది.
5 / 13
సింహం: ఈ రాశి వారికి ఎక్కువగా ఒంటరిగా ఉండే తత్వం. పైగా అంతర్ముఖులు. ఎక్కువమందితో స్నేహ సంబంధాలు ఏర్పడడానికి అవకాశం ఉండదు. వీరికి జీవితం లో అతి తక్కువ మంది స్నేహితులు ఉండటం జరుగుతుంది. కోపతాపాలు అహంకారం వంటి లక్షణాలు ఈ రాశి వారిలో ఎక్కువగా ఉండే అవకాశం ఉన్నందువల్ల స్నేహ సంబంధాలు పటిష్టంగా ఉండటం తక్కువనే చెప్పవచ్చు. స్నేహితులలో భావ సారూప్యత కలిగిన స్నేహితులు చాలా తక్కువ. ఈ ఏడాది ఈ రాశి వారు కొత్త పరిచయాలు పెంచుకునే అవకాశం ఉంది.
6 / 13
కన్య: ఈ రాశి వారికి విస్తృతంగా స్నేహ సంబంధాలు ఏర్పడతాయి. ఒకసారి స్నేహం ఏర్పడితే జీవిత కాలం విడిచి పెట్టే అవకాశం ఉండదు. స్నేహం కోసం ఎన్నో త్యాగాలు కూడా చేయడం జరుగు తుంది. ఈ రాశి వారు స్నేహితులను అతి తేలి కగా ఆకట్టుకుంటారు. వీరు చిన్ననాటి స్నేహితు లను సైతం మర్చిపోరు. పాత స్నేహితులు సహచరులతో సంబంధాలు కొనసాగిస్తూ ఉంటారు. ఈ రాశి వారి వల్ల జీవితంలో పైకి వచ్చిన స్నేహితులు ఎందరో ఉంటారు. ఈ ఏడాది ఈ రాశి వారికి అత్యంత పలుకుబడి కలిగిన వ్యక్తులతో పరిచయాలు ఏర్పడతాయి.
7 / 13
తుల: సాధారణంగా ఈ రాశి వారు తమకంటే ఎక్కువ స్థాయి వ్యక్తులతోనే పరిచయాలు ఏర్పరచుకుం టారు. ఏ పరిచయం అయినప్పటికీ అది సన్నిహిత సంబంధంగా ప్రగాఢ స్నేహంగా మారే అవకాశం చాలా తక్కువ. నిజానికి స్నేహితుల సంఖ్య ఈ రాశి వారికి ఎక్కువగానే ఉన్నప్పటికీ, విస్తృత సంబంధాలకు అవకాశం ఉన్నప్పటికీ అవి ఎక్కువ కాలం కొనసాగే అవకాశం ఉండదు. వీరి దృష్టిలో స్నేహాలకు సైతం పరిమితులు ఉంటాయి. ప్రాణ స్నేహాలు చాలా తక్కువగా ఉంటాయి. ఈ ఏడాది ఈ రాశి వారికి ప్రముఖులతో పరిచయాలు పెరుగుతాయి.
8 / 13
వృశ్చికం: స్నేహ సంబంధాలకు ఈ రాశి వారు ఎక్కువగా ప్రాధాన్యం ఇవ్వరు. సాధారణంగా వీరి మన స్తత్వం ఇతరుల మనస్తత్వాలతో కలవడం జర గదు. పైగా ఈ రాశి వారు ఎక్కువగా ఒంటరిగా ఉండటానికి ఇష్టపడతారు. ఇతరులతో సాధక బాధకాలను పంచుకోవడానికి వీరికి ఇష్టం ఉండదు. సాధారణ స్నేహాలు కూడా ఈ రాశి వారికి అతి తక్కువ సంఖ్యలో ఉండే అవకాశం ఉంది. చిన్ననాటి స్నేహాలు, పాత స్నేహాలు వంటివి వీరికి కొనసాగటం కూడా తక్కువే. ఈ ఏడాది ఈ రాశి వారికి కొత్త పరిచయాలు ఏర్పడే అవకాశం తక్కువ అని చెప్పవచ్చు.
9 / 13
ధనుస్సు: ఈ రాశి వారికి స్నేహ సంబంధాలు విస్తారంగా ఉండే అవకాశం ఉంది. అయితే ప్రగాఢమైన స్నేహాలకు, ప్రాణ స్నేహాలకు అవకాశం తక్కువ. వీరికి అన్ని రకాల స్నేహాలకు అవకాశం ఉన్నప్ప టికీ అవి ఎక్కువ కాలం కొనసాగే అవకాశం ఉండదు. ఇందులో ఎక్కువ స్నేహాలు పరస్పర ప్రయోజనాల మీద ఆధారపడి ఉండటం జరుగు తుంది. నిజానికి ఈ రాశి వారు ఇతరులకు ఎంతో సహాయపడటం అండగా నిలబడటం వంటివి జరిగినప్పటికీ స్నేహ సంబంధాలు పట్టిష్టంగా ఉండే అవకాశం మాత్రం చాలా తక్కువ. ఈ ఏడాది వీరికి పరిచయాలు పెరిగే అవకాశం ఉంది.
10 / 13
మకరం: సాధారణంగా ఈ రాశి వారికి పరిచయాలు ఎక్కువగానే ఉన్నప్పటికీ స్నేహ సంబంధాలు అతి తక్కువగా ఉండే అవకాశం ఉంది. స్నేహాల విషయంలో ఈ రాశి వారికి ఎటువంటి తేడాలు ఉండవు. వయసుతో కూడా నిమిత్తం ఉండదు. అయితే స్నేహ బంధం ఏర్పడిన తర్వాత ఈ రాశి వారు ఎటువంటి త్యాగాలకైనా సిద్ధపడతారు. ఎంత దూరం వెళ్లడానికైనా వెనుకాడరు. ఈ రాశి వారికి బంధుత్వాల కంటే స్నేహ సంబంధాలే ఎక్కువ. వీరికి చిన్ననాటి స్నేహితులు, పాత స్నేహితులతో సంబంధాలు ఎక్కువగా ఉంటాయి. ఈ ఏడాది వీరికి మరి కొంతమంది ప్రముఖులు బాగా సన్నిహితులు అయ్యే అవకాశం ఉంది.
11 / 13
కుంభం: ఈ రాశి వారికి స్నేహాలు అతి తక్కువ. కొద్ది సంఖ్యలో పరిచయాలు మాత్రం ఉంటాయి. సాధారణంగా ఈ రాశి వారు ఏకాంతానికి ప్రాధాన్యం ఇస్తుంటారు. ఎక్కువగా బంధు వర్గం లోనే స్నేహ సంబంధాలు కలిసి ఉంటాయి. ఎంతోకాలం పరిచయాలు కొనసాగితే తప్ప అవి స్నేహంగా మారే అవకాశం ఉండదు. కొద్దిమంది స్నేహితులతో కూడా వీరికి ఎక్కువగా సాన్ని హిత్యం ఉండకపోవచ్చు. స్నేహం విషయంలో వీరు ఎక్కువగా వృద్ధులతో, అనుభవజ్ఞులతో స్నేహ సంబంధాలు కొనసాగిస్తూ ఉంటారు. ఈ ఏడాది కొన్ని పరిచయాలు ఏర్పడినప్పటికీ అవి ఎక్కువ కాలం కొనసాగకపోవచ్చు.
12 / 13
మీనం: ఈ రాశి వారికి మంచి పరిచయాలు, స్నేహాలు ఏర్పడే అవకాశం ఉంటుంది. ఈ రాశి వారు స్నేహితులకు ఎక్కువగా ఉపయోగపడతారు. అనేక విధాలుగా సహాయ సహకారాలు అందిస్తారు. అయితే, వీరు సున్నిత మనస్కులు అయినందువల్ల వీరి మనస్తత్వానికి తగ్గట్టుగా స్నేహితులు దొరికే అవకాశం ఉండదు. స్నేహ సంబంధాలను ఏర్పరచుకునే విషయంలో ఈ రాశి వారు ఎక్కువగా ఆచితూచి వ్యవహరిస్తారు. ఎంతోకాలం ఆలోచించి కానీ స్నేహం చేసుకునే అవకాశం ఉండదు. ఈ ఏడాది వీరికి అతి తక్కువ సంఖ్యలో వీరికి తగ్గ పరిచయాలు ఏర్పడే అవకాశం ఉంది.
