Water on Mars: అంగారక గ్రహంపై నీరు.. కీలక డేటాను సెండ్ చేసిన నాసా పర్సీవరెన్స్ రోవర్..

NASA Mars Mission: మార్స్‌పై నాసా జరుపుతున్న అధ్యయనంలో భాగంగా కీలక సమాచారాన్ని సేకరించింది. నాసాకు చెందిన పర్సీవరెన్స్ రోవర్ ఆసక్తికర విషయాన్ని పసిగట్టింది.

  • Shiva Prajapati
  • Publish Date - 12:12 pm, Tue, 13 April 21
1/6
Water Flows On Mars 1
మార్స్‌పై నాసా జరుపుతున్న అధ్యయనంలో భాగంగా కీలక సమాచారాన్ని సేకరించింది. నాసాకు చెందిన పర్సీవరెన్స్ రోవర్ ఆసక్తికర విషయాన్ని పసిగట్టింది. భూమికి సమీపంగా ఉన్న అంగారక గ్రహంపై నీటి జాడ ఉండే ఉంటుందని శాస్త్రవేత్తలు ఇంతకాలం భావిస్తూ వచ్చారు. ఆ భావనకు బలం చేకూర్చే కీలక సమాచారం తాజాగా లభ్యమైంది.
2/6
Water Flows On Mars 3
భూమిపై పొరల్లో తడి, పొడి స్థితులు ఉన్నట్లుగానే అంగారక గ్రహం శిలాజాల్లోనూ ఉన్నట్లు గుర్తించారు. తాజాగా రోవర్ పంపిన డేటాతో ఈ అంశంపై శాస్త్రవేత్తలో కొత్త ఆశలు రేకెత్తుతున్నాయి.
3/6
Water Flows On Mars 2
నాసా మార్స్‌ మిషన్‌లో భాగంగా అంగారక గ్రహంపై అడుగు పెట్టిన పర్సీవరెన్స్ రోవర్ కొంత కాలంగా మార్స్‌ను క్షుణ్ణంగా అధ్యయనం చేస్తుంది. అంగారకుడిపై సంచరిస్తున్న ఈ రోవర్ తాజాగా కొత్త విషయాన్ని కనిపెట్టింది.
4/6
Water Flows On Mars 4
ఐయోలిస్ మోన్స్ పర్వతంపై సంచరిస్తూ అక్కడ ఉన్న భారీ బిలంలోని అవక్షేప శిలలను పర్సీవరెన్స్ రోవర్ పరీక్షించింది. దానికి సంబంధించిన డేటాను నాసా కేంద్రానికి పంపించింది. ఈ డేటాను పరిశీలించిన శాస్త్రవేత్తలు షాక్ అయ్యారు. మార్స్‌పై నీరు ఉండే ఛాన్స్ ఉందని నిర్ధారణకు వచ్చారు.
5/6
Diagram Of Lake Stratificat
భూమి మాదిరిగానే మార్స్‌పై వందల అడుగుల లోపల పరిస్థితులు వేగంగా మారుతున్నాయని శాస్త్రవేత్తలు గుర్తించారు. అక్కడి రాళ్ల నిర్మాణంలోనూ నీటి జాడకు సంబంధించి అనేక ఆనవాళ్లను గుర్తించారు.
6/6
Water Flows On Mars 5
పర్సీవర్ రోవర్ పంపిన డేటాను నాసా శాస్త్రవేత్తలు పరిశీలిస్తున్నారు. పూర్తి అధ్యయనం చేసిన తరువాత మరింత సమాచారాన్ని వెల్లడించనున్నారు.