Jasmine tea: సమ్మర్‌ స్పెషల్‌..! జాస్మిన్ టీలో దాగున్న అద్భుతమైన ప్రయోజనాలు తెలిస్తే..
మండు వేసవి అంటే మల్లెలల సీజన్‌.. ఈ సీజన్‌లో మల్లెలు విరగబూస్తాయి. పూల మహారాణిగా మల్లెపువ్వును పిలుస్తారు. మల్లె పూవు పరిమళం అంటే ప్రతి ఒక్కరూ ఇష్టపడతారు. ఇక, మహిళలకైతే చెప్పేదే లేదు. అయితే, దేవుడి పూజకు, లేదంటే మహిళలు తలలో పెట్టుకోవడానికి మాత్రమే అనుకుంటే పొరపడినట్టే...! మల్లెపూలలో మన ఆరోగ్యానికి మేలు చేసే ఔషధ గుణాలు అనేకం ఉన్నాయంటున్నారు ఆరోగ్య నిపుణులు. మల్లెపూవ్వు టీని రోజూ తాగితే.. అనేక ఆరోగ్య ప్రయోజనాలు పొందవచ్చని నిపుణులు చెబుతున్నారు.
మల్లెపూలలో అనేక రుగ్మతలను దూరం చేసే గుణాలు ఉన్నాయి. ఈ పువ్వుల ప్లేవర్ గ్రీన్ టీ, ఇతర టీలలో రుచి పెంచడానికి ఉపయోగిస్తారు. జాస్మిన్ టీని మల్లెపూల నుండి తయారు చేయరు, కానీ ఇది మల్లె పువ్వుల సువాసనతో ఉంటుంది. తేయాకునీ, మల్లెపూలను ప్రత్యేక పద్ధతుల్లో డీహైడ్రేట్‌ చేసి ఈ టీని తయారు చేస్తారు. మల్లెపువ్వు టీ తాగడం వల్ల కలిగే ఆరోగ్య ప్రయోజనాలు ఏమిటో ఈ స్టోరీలో చూద్దాం.
1 / 6
జాస్మిన్ టీ చెడు బ్యాక్టీరియాతో పోరాడుతుంది. జీర్ణక్రియకు సహాయపడుతుంది. జాస్మిన్ టీలో క్యాటెచిన్స్ ఉన్నాయి, ఇవి కొవ్వును కాల్చే లక్షణాలను కలిగి ఉంటాయి మరియు బరువు తగ్గడంలో సహాయపడతాయి.
జాస్మిన్ టీలో ఔషధ గుణాలు ఉన్నాయి. ఇది అరోమాథెరపీకి సమర్థవంతమైన పద్ధతి.
2 / 6
జాస్మిన్ టీలో యాంటీఆక్సిడెంట్లు పుష్కలంగా ఉన్నాయి, క్యాన్సర్ ప్రమాదాన్ని తగ్గిస్తుంది. జాస్మిన్ టీలో యాంటీ ఇన్ఫ్లమేటరీ లక్షణాలు ఉన్నాయి, ఇవి కీళ్ల నొప్పులు మరియు ఆర్థరైటిస్ సంబంధిత నొప్పులను తగ్గిస్తాయి.
జాస్మిన్ టీ తాగడం వల్ల మీరు ఇన్సులిన్ స్థాయిలను నియంత్రిస్తున్నప్పుడు మధుమేహాన్ని నివారించవచ్చు లేదా నియంత్రించవచ్చు.
3 / 6
గ్రీన్ టీ తో తయారు చేసిన జాస్మిన్ టీలో ఫాలీఫెనాల్స్‌ మెండుగా ఉంటాయి. ఈ టీలో ప్రత్యేకించి శక్తివంతమైన కాటెచిన్ ఎపిగాల్లోకాటెచిన్ గాలెట్ ఉంటుంది. ఇది బరువు తగ్గించడానికి, రక్తంలో చక్కెర స్థాయిలు కంట్రోల్‌లో ఉంచడానికి, గుండె, నోటి ఆరోగ్యాన్ని కాపాడుతుంది. EGCGలో బ్లడ్-లిపిడ్-తగ్గించే ప్రభావాలు ఉంటాయి. ఇది గుండె జబ్బుల ప్రమాదాన్ని తగ్గిస్తుందని నిపుణులు చెబుతున్నారు.
4 / 6
మల్లపూ ప్లేవర్ టీ మెదడు పనితీరును మెరుగుపరుస్తుంది. దీనిలోని కెఫీన్ మెదడు కార్యకలాపాలను మెరుగుపరుస్తుంది. డోపమైన్, సెరోటోనిన్ వంటి ఇతర మానసిక స్థితిని మెరుగుపరిచే న్యూరోట్రాన్స్‌మిటర్‌లను విడుదల చేయడంలో సహాయపడుతుంది.
5 / 6
జాస్మిన్ టీలో అమైనో యాసిడ్ ఎల్-థియానైన్ కూడా ఉంది, ఇది గామా-అమినోబ్యూట్రిక్ యాసిడ్ (GABA) విడుదలను ప్రేరేపిస్తుంది - ఇది మిమ్మల్ని రిలాక్స్‌డ్‌గా ఉంచి మానసిక స్థితిని మెరుగుపరుస్తుంది.(ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
