Telugu News Photo Gallery Hair Care Tips: mix these five things in mehendi to increase hair shine and growth
Hair Care Tips: జుట్టు ఒత్తుగా పొడవుగా పెరగాలంటే ఈ 5 వస్తువులను మెహందీలో కలపండి.. బెస్ట్ రిజల్ట్ మీ సొంతం
ఆధునిక కాలంలో మానవ జీవన శైలిలో వచ్చిన మార్పుల్లో ఒకటి జుట్టుకి పోషణ చేసుకునే విధానం. ప్రస్తుతం జుట్టుకు అనేక రకాల రంగులు మార్కెట్ లో లభిస్తున్నాయి. అయితే గత కొన్ని ఏళ్ల క్రితం వరకూ జుట్టుకు రంగు రావడానికి గోరింటాకు అంటే హెన్నాను మాత్రమే ఉపయోగించేవారు. నేటికీ చాలా మంది ప్రజలు జుట్టుకు హెన్నాను అప్లై చేస్తారు. అసలైన హెన్నా జుట్టుకు సహజ రంగు ఇవ్వడంతో పాటు, జుట్టు మూలాలను బలోపేతం చేస్తుంది. అంతేకాదు అనేక జుట్టు సమస్యలను తొలగించడంలో కూడా ప్రభావవంతంగా పని చేస్తుంది. హెన్నాను ఎప్పటికప్పుడు జుట్టుకు అప్లై చేయడం వల్ల జుట్టు నిగనిగలాడుతుంది. జుట్టు ఊడడం తగ్గి పెరుగుతుంది కూడా.. అయితే హెన్నాను అప్లై చేయడం వల్ల కొంతమందికి జుట్టు పొడిబారుతుంది. జుట్టుకు హెన్నాను అప్లై చేయాలనుకుంటే గోరింటాకులో కొన్ని వస్తువులను మిక్స్ చేయడం వల్ల జుట్టు రంగు మెరుగుపడటమే కాదు.. జుట్టు మెరుస్తుంది. జుట్టు ఒత్తుగా పెరుగుతుంది.
గోరింటాకు మాత్రమే కాదు అనేక సహజ పదార్థాలు కూడా జుట్టుకి సహజమైన మెరుపుని అందించడంలో చాలా ప్రభావవంతంగా పని చేస్తాయి. ఈ పదార్థాలను విడివిడిగా జుట్టుకు పట్టించే బదులు వాటిని మెహందీలో కలిపి రాసుకుంటే మంచి ఫలితం లభిస్తుంది. ఈ రోజు మెరిసే, దృఢమైన జుట్టు కోసం హెన్నాలో ఏవి కలిపితే మంచి ఫలితాలు ఇస్తాయో తెలుసుకుందాం..
1 / 5
జుట్టు రంగు మెరుగు పడడానికి టీ ఆకులు: హెన్నాను జుట్టుకు అప్లై చేయాలనుకుంటే.. టీ ఆకులను నీటిలో వేసి మరిగించి, చల్లార్చి, ఫిల్టర్ చేసిన తర్వాత.. ఆ నీటిలో గోరింటాకు వేసి కలపండి. ఈ మిశ్రమం జుట్టు రంగుని మెరుగుపరుస్తుంది జుట్టు చిట్లి పోకుండా చేస్తుంది. అంతేకాదు ఎండిన మందార పువ్వులను జోడించడం వల్ల జుట్టు రంగు మెరుగుపడుతుంది. జుట్టు పెరుగుదలకు కూడా సహాయపడుతుంది.
2 / 5
మెహందీలో మెంతులు: హెన్నాను జుట్టుకు అప్లై చేయాలనుకుంటే మెంతి పొడి కూడా మంచిది. ముందుగా మెంతి గింజలను నానబెట్టండి. మెంతులను మిక్సీలో వేసి గ్రైండ్ చేసి ఈ మిశ్రమంలో గోరింటలో కలపండి. దీంతో చుండ్రు తగ్గిపోయి జుట్టు మృదువుగా, మెరిసేలా చేస్తుంది.
3 / 5
కలబంద కలపండి: మెహెందీలో తాజా కలబంద జెల్ జోడించండి. ఇది మీ జుట్టును బాగా హైడ్రేట్ చేస్తుంది. తలంటుకున్న తర్వాత కూడా జుట్టు పొడిగా మారదు. జుట్టును బలంగా, మృదువుగా, మెరిసేలా చేయడంలో కూడా కలబంద ప్రభావవంతంగా పనిచేస్తుంది.
4 / 5
అద్భుతాలు చేసే గుడ్డు: గుడ్డును అప్లై చేయాలనుకుంటే దానిని మెహందీలో కలపండి. గుడ్డు ప్రోటీన్ మంచి మూలం. కనుక ఇది జుట్టు మెరుపును పెంచడమే కాదు జుట్టు ధృడంగా ఉండేలా చేస్తుంది. గుడ్డు జుట్టు రాలడాన్ని నివారించడమే కాకుండా జుట్టు చిట్లిపోవడాన్ని తగ్గిస్తుంది. ఇది జుట్టు చివర్లు చిట్లడం సమస్య నుండి ఉపశమనం లభిస్తుంది. అందుకే గుడ్డును హెన్నాతో కలిపి అప్లై చేయండి.
