kurukshetra: కురుక్షేత్రలో జరగనున్న గీతా మహోత్సవ వేడుకలకు వెళ్తున్నారా.. ఈ ప్రదేశాలపై ఓ లుక్ వేయండి..
అంతర్జాతీయ గీతా మహోత్సవం 28 నవంబర్ నుంచి 15 డిసెంబర్ 2024 వరకూ హర్యానాలోని కురుక్షేత్రలో జరగబోతోంది. అటువంటి పరిస్థితిలో మీరు మీ కుటుంబంతో పాటు 2 నుంచి 3 రోజుల పాటు కురుక్షేత్రాన్ని సందర్శించబోతున్నట్లయితే.. అక్కడ ఉన్న కొన్ని చారిత్రక, అందమైన ప్రదేశాలను కూడా అన్వేషించవచ్చు.
ఈ ఏడాది గీతా మహోత్సవం నవంబర్ 28 నుంచి కురుక్షేత్రలో ప్రారంభం కానుంది. ఈ నెల 28 నుంచి డిసెంబర్ 15 వరకు ఈ ఉత్సవాలు అంగరంగ వైభవంగా సాగనున్నాయి. ఈ గీతా జయంతిని పురస్కరించుకుని డిసెంబర్ 11వ తేదీన ఏకాదశి రోజున దీపదానం చేయనున్నారు.
1 / 6
ఇలాంటి పరిస్థితుల్లో ఈ ఉత్సవాలపై ప్రజల్లో అత్యుత్సాహం నెలకొంది. అటువంటి పరిస్థితిలో మీరు మూడు రోజులు ఆ ఉత్సవాలను దర్శించుకోవడానికి కురుక్షేత్రానికి వెళ్లాలని అనుకుంటే.. కుటుంబంతో కలిసి సందర్శించడానికి ప్లాన్ చేస్తుంటే కురుక్షేత్రంతో పాటు చుట్టుపక్కల చూడదగ్గ కొన్ని ప్రదేశాల గురించి తెలుసుకుందాం..
2 / 6
శ్రీ కృష్ణ మ్యూజియం: హర్యానాలోని కురుక్షేత్రలో ఉన్న శ్రీ కృష్ణ మ్యూజియం.. శ్రీ కృష్ణుడికి అంకితం చేయబడింది. శ్రీ కృష్ణుడికి సంబంధించిన అనేక సమాచారం ఇక్కడ అందుబాటులో ఉంది. ఈ మ్యూజియంలో అనేక శిల్పాలు, పెయింటింగ్‌లు, శాసనాలు, కళాఖండాలు, టెర్రకోట కళాఖండాలు శ్రీకృష్ణుని గురించి సమాచారాన్ని అందించడానికి ఉంచబడ్డాయి. ఈ మ్యూజియంలో కురుక్షేత్ర, ద్వారక, మధురకు సంబంధించిన సేకరణలు ఉన్నాయి. ఈ మ్యూజియాన్ని కుటుంబంతో సందర్శించడం మంచి అనుభూతిని ఇస్తుంది.
3 / 6
బ్రహ్మ సరోవరం: ఈ పేరులోనే ఉంది.. బ్రహ్మ సరోవరం పేరు బ్రహ్మ దేవుడితో ముడిపడి ఉంది. ఇక్కడ సరోవరంలో స్నానం చేయడానికి చాలా మంది వస్తుంటారు. ఈ సరస్సు ఉత్తర ఒడ్డున ఉన్న శివుని ఆలయాన్ని సర్వేశ్వర మహాదేవ ఆలయాన్ని అని కూడా అంటారు. ఈ సరస్సు చాలా అందంగా ఉంటుంది. సూర్యగ్రహణం సందర్భంగా ఇక్కడ జరిగే స్నానాల జాతరకు వేలాది మంది ప్రజలు తరలివస్తారు. ఇక్కడ సూర్యాస్తమయం అందమైన దృశ్యాన్ని చూడటానికి ప్రజలు గంటల తరబడి వేచి ఉంటారు.
4 / 6
భీష్మ కుండం: కురుక్షేత్రలోని నరకతారి గ్రామంలో ఉంది. ఈ కుండం చరిత్ర మహాభారతానికి సంబంధించినది. కురుక్షేత్రంలో భీష్ముడు బాణాలతో గాయపడినప్పుడు.. అతను అంపశయ్య మీద నుంచే యుద్ధాన్ని వీక్షించాడని నమ్ముతారు. ఈ ప్రదేశంలో ఒక దేవాలయం .. ఒక చెరువు ఉన్నాయి. భీష్మ కుండాన్ని బంగంగా అని కూడా అంటారు.
5 / 6
జ్యోతిసర్ దేవాలయం: జ్యోతిసర్ దేవాలయం కురుక్షేత్ర-పిహోవా రహదారిపై థానేసర్‌కు పశ్చిమాన ఐదు కిలోమీటర్ల దూరంలో ఉంది. ఇక్కడ మర్రిచెట్టు కింద కూర్చొని శ్రీకృష్ణుడు అర్జునుడికి గీతా ఉపదేశించాడని ప్రతీతి. ఇది మతపరమైన, ప్రసిద్ధ పర్యాటక కేంద్రం. ఇక్కడ సాయంత్రం హిందీ, ఆంగ్లంలో సౌండ్ షో నడుస్తుంది
