Telugu News Photo Gallery Eat these 5 dry fruits on an empty stomach helps you stay away from health problems
ఉదయం ఖాళీ కడుపుతో ఈ 5 డ్రై ఫ్రూట్స్ తీసుకోవడం వల్ల ఆరోగ్యానికి ఎంతో లాభం..వ్యాధులు పరార్..!
మీ ఆహారం మీ ఆరోగ్యంపై సానుకూల లేదా ప్రతికూల ప్రభావాన్ని చూపుతుంది. అందుకే మీ రోజు వారి భోజనంలో ఆరోగ్యకరమైన, సమతుల్య ఆహారం తప్పనిసరిగా ఉండేలా చూసుకోవాలని వైద్య ఆరోగ్య నిపుణులు సిఫార్సు చేస్తున్నారు. మీరు ఫిట్‌గా, ఆరోగ్యంగా ఉండాలనుకుంటే మీ ఆహారంలో కొన్ని డ్రై ఫ్రూట్స్‌ను చేర్చుకోవాలని సూచిస్తున్నారు. డ్రై ఫ్రూట్స్‌ను సరైన పరిమాణంలో సరైన రీతిలో తీసుకోవడం వల్ల మన ఆరోగ్యానికి చాలా మేలు చేస్తుందని చెబుతున్నారు. డ్రైఫ్రూట్స్‌ తింటే ఆరోగ్యానికి ఎంతో మేలు చేస్తుంది. రోజూ గుప్పెడు డ్రైఫ్రూట్స్‌ తీసుకుంటే.. నీరసం, నిస్సత్తువ దరిచేరవు, శరీరానికి కావలసిన పోషకాలు అందుతాయి. వాటిలో ముఖ్యంగా ఈ ఐదు డ్రై ఫ్రూట్స్ తినడం వల్ల అనేక ఆరోగ్య ప్రయోజనాలు ఉన్నాయి.
ఎండుద్రాక్ష : ఎండుద్రాక్షలో విటమిన్-బి, సి ఖనిజాలు ఉంటాయి. వీటిల్లో ఐరన్, పొటాషియం, మెగ్నీషియం యాంటీ ఆక్సిడెంట్లు సమృద్దిగా ఉంటాయి. ఇవి సహజమైన చక్కెరలు కలిగి ఉంటాయి. ఉదయం లేదా మధ్యాహ్నం పనిలో శక్తి పుంజుకోవడానికి వీటిని తినవచ్చు. ఫైబర్ పుష్కలంగా ఉండటం వల్ల ఇవి ప్రేగు ఆరోగ్యానికి దోహదపడతాయి. మలబద్దకాన్ని నివారిస్తాయి. జీర్ణఆరోగ్యాన్ని మెరుగుపరుస్తాయి. ఎండుద్రాక్షలో కాల్షియం, బోరాన్ ఉంటాయి. ఇవి ఎముకలకు బలాన్ని చేకూర్చుతాయి. వీటిలో ఉండే పొటాషియం శరీరంలో సోడియం స్థాయిని నియంత్రణలో ఉంచుతుంది. రక్తపోటును కూడా నియంత్రిస్తుంది.
1 / 5
పిస్తా పప్పులు: ఈ పప్పులో జింక్ అధికంగా ఉంటుంది. వీటిలో విటమిన్ బి 6 ఉంటుంది. ఇవి రోగ నిరోధక శక్తిని పెంచుతోంది. వీటిలో సెలీనియం యాంటీఆక్సిడెంట్‍గా పని చేస్తోంది. ఇది కణాలు దెబ్బతినకుండా కాపాడుతోంది. వీటిలో జింక్.. వైరల్ ఇన్ఫెక్షన్లనే కాదు.. వాటి తీవ్రతను సైతం తగ్గిస్తుంది. వీటిలో ఏఎండీ.. కంటిశుక్లాలు, కళ్ళపై ఆక్సీకరణ ఒత్తిడిని తగ్గించడానికి ఉపయోగపడుతుంది. తద్వారా కంటి దృష్టిని కాపాడుతుంది. పిస్తాపప్పులో పాలీఫెనాల్స్, కెరోటినాయిడ్లు రోగనిరోధక కణాల కార్యకలాపాలను పెంచుతుంది. ఇందులోని ప్రీ బయోటిక్ లక్షణాలు పేగులోని బ్యాక్టీరియాను పోషిస్తుంది. ఇది శ్లేష్మ పొర రోగనిరోధక వ్యవస్థను నియంత్రించడంలో కీలక పాత్ర పోషిస్తుంది.
2 / 5
Walnuts
3 / 5
బాదం: బాదం పప్పులోని మోనోశాచురేటెడ్ కొవ్వులు గుండె ఆరోగ్యాన్ని మెరుగుపరుస్తాయి. ఇవి చెడు కొలెస్ట్రాల్‌ను తగ్గించి, మంచి కొలెస్ట్రాల్‌ను పెంచుతాయి. బాదం పప్పులోని ఫైబర్, ప్రోటీన్లు జీర్ణక్రియను మెరుగుపరుస్తాయి. ఎక్కువసేపు నిండుగా ఉండేలా చేస్తాయి, తద్వారా బరువు నియంత్రణకు సహాయపడతాయి. ఇందులోని విటమిన్ E అధిక మొత్తంలో, బాదం పప్పు చర్మాన్ని మెరుగుపరుస్తుంది. జుట్టు రాలడాన్ని తగ్గిస్తుంది. బాదం పప్పులోని విటమిన్ E, యాంటీ ఆక్సిడెంట్లు మెదడు ఆరోగ్యాన్ని కాపాడతాయి, జ్ఞాపకశక్తిని మెరుగుపరుస్తాయి. బాదంలోని కాల్షియం, మెగ్నీషియం వంటి ఖనిజాలు ఎముకలను బలపరుస్తాయి. ఉదయం ఖాళీ కడుపుతో బాదం తినడం కూడా ఆరోగ్యానికి మేలు చేస్తుంది.
4 / 5
ఖర్జూరం: ఖర్జూరాల్లోని ఫైబర్, విటమిన్లు జీర్ణవ్యవస్థను మెరుగుపరచడంతో పాటూ పొట్టను శుభ్రం చేస్తాయి. ఖర్జూరాలు విరివిగా తీసుకోవడం వల్ల మలబద్ధకాన్ని నివారిస్తాయి. మెదడు పనితీరును మెరుగుపరచడంలో ఖర్జూరాలు ఎంతో సాయపడతాయి. ఖర్జూరాల్లోని కాల్షియం, ఫాస్పరస్, వంటి ఖనిజాలు ఎముకల వ్యాధులను దూరం చేస్తాయి. నానబెట్టిన ఖర్జూరాలు తినడం వల్ల ఎసిడిటీ కంట్రోల్లో ఉంటుంది. చర్మం, జుట్టు సంరక్షణలో కూడా ఖర్జూరాలు ప్రయోజనకరంగా పనిచేస్తాయి. ఖర్జూరాల్లోని ఐరన్ కంటెంట్ హిమోగ్లోబిన్ ఉత్పత్తికి దోహదపడుతుంది. ఖర్జూరంలో విటమిన్ డి కంటెంట్ వృద్ధాప్య ప్రక్రియను ఆలస్యం చేస్తాయి. మీరు రోజంతా ఉత్సాహంగా ఉండాలనుకుంటే, ప్రతి ఉదయం ఖాళీ కడుపుతో ఖర్జూరం తినడం ప్రారంభించాలి.
