ఎన్ని ఎక్సర్‌సైజెస్ చేసినా బెల్లీ తగ్గట్లేదా.. ఈ ఆకులతో సింపుల్‌గా కంట్రోల్ చేసుకోండి..
దాదాపు అందరి ఇళ్లలో వంటల్లో పుదీనాను వాడుతుంటారు. పుదీనా వంటకు అద్భుత రుచి ఇవ్వడమే కాకుండా శరీరానికి ఎంతో మేలు చేస్తుంది. ఇక పుదీనా వాసన చూస్తే చాలు మూడ్‌ అంతా రిఫ్రెష్‌ అయిన ఫీలింగ్‌ కలుగుతుంది. పుదీనా తీసుకోవడం వల్ల బెల్లీ ఫ్యాట్ సమస్యను దూరం చేసుకోవచ్చునని నిపుణులు చెబుతున్నారు. కాబట్టి ఇందులో నిజమెంత ఉందో కచ్చితంగా తెలుసుకోవాలి.
పుదీనా ఆకుల్ని తీసుకోవడం వల్ల గ్యాస్, వికారం, నోటి దుర్వాసన నుంచి ఉపశమనం కలుగుతుందని ఆరోగ్య నిపుణులు చెబుతున్నారు. అంతేకాకుండా విపరీతంగా పెరిగిపోయిన బెల్లీ ఫ్యాట్‌ని తగ్గించడంలో కూడా పుదీనా అద్భుతంగా సాయపడుతుంని తెలిపారు. అందుకే ఆయుర్వేదంలో పుదీనా ఆకుల్ని సాంప్రదాయ ఔషధంగా ఉపయోగిస్తున్నారు. ఇది జీర్ణక్రయను మెరుగుపర్చడంతో పాటు బరువు తగ్గడంలో సాయపడుతుంది.
1 / 5
పుదీనా ఆకుల్లో మెంథాల్, మెంథోన్ వంటి సమ్మేళనాలు ఉంటాయి. ఇవి కడుపు కండరాలు రిలాక్స్ చేయడంతో పాటు వికారం తగ్గిస్తాయి. పుదీనా ఆకులు జీర్ణ ఎంజైమ్‌ల ఉత్పత్తిని పెంచడం ద్వారా పేగు ఆరోగ్యాన్ని మెరుగుపరుస్తాయి. జీవక్రియను పెంచి బరువు తగ్గించడంలో సాయపడుతుంది. నిపుణుల ప్రకారం పుదీనా ఆకుల సువాసన ఆకలిని అణిచివేసే మంచి సామర్థ్యాన్ని కలిగి ఉంటుంది. ఇది కేలరీలను నియంత్రించడంలో సహాయపడుతుంది.
2 / 5
పుదీనా ప్రయోజనాలను పొందేందుకు పుదీనాతో టీ తయారు చేసుకుని తాగడం ఉత్తమమని నిపుణులు చెబుతున్నారు. పుదీనా ఆకులను నీటిలో మరిగించి తాగినా కూడా ఫలితం ఉంటుంది. భోజనం తర్వాత కూడా పుదీనా ఆకుల్ని నమలాలని చెబుతున్నారు. పుదీనా ఆకుల్ని సలాడ్ లేదా స్మూతీలో చేర్చడం ద్వారా అనేక సమస్యల నుంచి ఉపశమనం పొందవచ్చు.
3 / 5
పుదీనాతో విటమిన్‌ ఏ సమృద్ధిగా లభిస్తుంది. ఇది కంటి ఆరోగ్యానికి మేలు చేస్తుంది. కంటి చూపును మెరుగుపరుస్తుంది. పుదీనా ఆకుల్లోని విటమిన్‌ సి, రోగనిరోధక శక్తిని పెంచే శక్తివంతమైన యాంటీఆక్సిడెంట్‌గా పనిచేస్తుంది. పుదీనాలో ఐరన్‌, మాంగనీస్‌, ఫోలేట్‌లు సమృద్ధిగా ఉంటాయి. ఇవి జీవక్రియ విధులు, కణాల పెరుగుదలకు తోడ్పడతాయి.
4 / 5
పుదీనాతో ఆరోగ్య లాభాలు మాత్రమే కాదు..అందానికి కూడా మేలు చేసే ఎన్నో ఔషద గుణాలు నిండివున్నాయి. పుదీనాలోని యాంటీఆక్సిడెంట్‌ లక్షణాలు.. చర్మాన్ని సంరక్షిస్తాయి. పుదీనాలో శక్తివంతమైన యాంటీఆక్సిడెంట్‌ గుణాలు ఫ్రీరాడికల్స్‌ నుంచి చర్మ కణాలను రక్షిస్తాయి. పుదీనా చర్మానికి తాజాదనం అందిస్తాయి, రియాక్టివేట్‌ చేస్తాయి.
