Telugu News Photo Gallery Do you feel thirsty in morning? 5 symptoms of high blood pressure to look out for
High Blood Pressure Symptoms: ఉదయం నిద్రలేవగానే దాహంగా అనిపిస్తుందా? జాగ్రత్త లైట్‌ తీసుకోకండి
ఈరోజుల్లో హైపర్‌టెన్షన్ ప్రతి ఒక్కరి జీవితంలో పెద్ద సమస్యగా మారింది. లావు నుండి సన్నగా, పెద్దవారి నుంచి యువకుల వరకు ప్రతి ఒక్కరూ అధిక రక్తపోటు సమస్యతో బాధపడుతున్నారు. అధిక రక్తపోటు గుండె సమస్యలను కలిగిస్తుంది. గుండెపోటుతోపాటు బ్రెయిన్ స్ట్రోక్‌కు కూడా అధిక రక్తపోటు కారణం. చూపు సమస్యలు తలెత్తుతాయి..
ఈరోజుల్లో హైపర్‌టెన్షన్ ప్రతి ఒక్కరి జీవితంలో పెద్ద సమస్యగా మారింది. లావు నుండి సన్నగా, పెద్దవారి నుంచి యువకుల వరకు ప్రతి ఒక్కరూ అధిక రక్తపోటు సమస్యతో బాధపడుతున్నారు. అధిక రక్తపోటు గుండె సమస్యలను కలిగిస్తుంది. గుండెపోటుతోపాటు బ్రెయిన్ స్ట్రోక్‌కు కూడా అధిక రక్తపోటు కారణం. చూపు సమస్యలు తలెత్తుతాయి.
1 / 5
క్రమరహిత జీవనశైలి, అధిక ఒత్తిడి అధిక రక్తపోటు స్థాయిల హెచ్చుతగ్గులకు ప్రధాన కారణాలు. అంతేకాకుండా ఊబకాయం, మధుమేహం సమస్యలు కూడా రక్తపోటును పెంచుతాయి. రక్తపోటు స్థాయి పెరిగితే, ప్రతిరోజూ ఉదయం నిద్రలేచిన తర్వాత శరీరంలో ఈ లక్షణాలు కనిపిస్తాయి. వీటిని గుర్తించిన వెంటనే అస్సలు నిర్లక్ష్యం చేయకూడదు. ఎందుకంటే.. రక్తపోటు నియంత్రణలో లేకపోతే చాలా ప్రమాదకరం.
2 / 5
ఉదయం నిద్ర లేవగానే కళ్లు తిరుగుతున్నట్ల అనిపిస్తే నిర్లక్ష్యం చేయవద్దు. ఇది అధిక రక్తపోటుకు సంకేతం కావచ్చు. రక్తపోటు స్థాయి పెరిగినప్పుడు, గొంతు, నోటి లోపలి భాగం పొడిగా మారుతుంది. ఫలితంగా, ఉదయం నిద్రలేచిన తర్వాత చాలా దాహంగా ఉంటుంది. ఇలా అనిపిస్తే వెంటనే రక్తపోటును తనిఖీ చేసుకోవాలి.
3 / 5
ప్రతిరోజూ ఉదయం వికారంగా ఉన్నట్లయితే, దానిని నిర్లక్ష్యం చేయవద్దు. ఇది అధిక రక్తపోటుకు సంకేతం కావచ్చు. వెంటనే బీపీని చెక్‌ చేసుకుని, వైద్యుడిని సంప్రదించాలి.
4 / 5
అలాగే బీపీ కొలిచేటప్పుడు ప్రశాంతంగా కూర్చోవాలి. ఈ సమయంలో ఎక్కువ మాట్లాడకూడదు. ఇది అనవసరమైన ఒత్తిడిని కలిగిస్తుంది. రక్తపోటును కొలిచేటప్పుడు, కుర్చీపై కూర్చుని, రెండు చేతులను టేబుల్‌పై ఉంచాలి. చేతులు గుండె స్థాయిలో ఉండే ఒకే స్థాయిలో ఉండే విధంగా ఉంచాలి. బీపీ కొలిచేటప్పుడు చొక్కా స్లీవ్ గట్టిగా ఉండకూడదు. ఇప్పుడు బ్లడ్ ప్రెషర్ కొలిచే కప్పును మోచేయికి 2.5 సెం.మీ పైన కట్టాలి. చాలా వదులుగా లేదా చాలా గట్టిగా కట్టకూడదు. లావుగా ఉన్నవారికి, పిల్లలకు వేర్వేరు కఫ్ పరిమాణాలు ఉంటాయి.
