Rohit Sharma: గేల్ రికార్డ్‌ను మడతెట్టేసిన రోహిత్.. ఐసీసీ నాకౌట్‌లో తొలి ప్లేయర్‌గా భారత సారథి..
Rohit Sharma Records: టీ20 ప్రపంచకప్ రెండో సెమీఫైనల్ మ్యాచ్ ద్వారా టీమిండియా కెప్టెన్ రోహిత్ శర్మ మూడు గొప్ప రికార్డులను లిఖించాడు. ఈ రికార్డులతో క్రిస్ గేల్, మహేల జయవర్ధనే ప్రపంచ రికార్డులను బద్దలు కొట్టాడు. రోహిత్ శర్మ లిఖించిన కొత్త రికార్డుల జాబితా ఎలా ఉందో ఓసారి చూద్దాం..
Rohit Sharma Records: టీ20 ప్రపంచకప్ 2వ సెమీఫైనల్‌లో టీమిండియా కెప్టెన్ రోహిత్ శర్మ అద్భుతమైన బ్యాటింగ్ ప్రదర్శనను ప్రదర్శించి ఎన్నో రికార్డులను సొంతం చేసుకున్నాడు. ఇంగ్లండ్‌తో జరిగిన ఈ మ్యాచ్‌లో ఓపెనర్‌గా బరిలోకి దిగిన హిట్‌మ్యాన్ 39 బంతుల్లో 2 భారీ సిక్సర్లు, 6 ఫోర్లతో 57 పరుగులు చేశాడు.
1 / 6
ఈ రెండు సిక్సర్లతో రోహిత్ శర్మ ఐసీసీ నాకౌట్ మ్యాచ్‌లలో అత్యధిక సిక్సర్లు బాదిన ప్రపంచ రికార్డు హోల్డర్‌గా నిలిచాడు. గతంలో ఈ రికార్డు యూనివర్స్ బాస్ ఫేమ్ క్రిస్ గేల్ పేరిట ఉండేది.
2 / 6
వెస్టిండీస్ తరపున టీ20 ప్రపంచకప్, ఛాంపియన్స్ ట్రోఫీ, వన్డే ప్రపంచకప్ నాకౌట్ మ్యాచ్‌లు ఆడిన క్రిస్ గేల్ మొత్తం 21 సిక్సర్లు కొట్టి ఈ ప్రపంచ రికార్డు సృష్టించాడు. ఇప్పుడు ఈ ప్రపంచ రికార్డును హిట్‌మ్యాన్ బ్రేక్ చేసేశాడు.
3 / 6
టీమ్ ఇండియా తరపున టీ20 ప్రపంచకప్, ఛాంపియన్స్ ట్రోఫీ, వన్డే ప్రపంచకప్‌లో నాకౌట్ మ్యాచ్‌లు ఆడిన రోహిత్ శర్మ ఇప్పటివరకు 22 సిక్సర్లు బాదాడు. దీంతో ఐసీసీ నాకౌట్‌లో అత్యధిక సిక్సర్లు బాదిన బ్యాట్స్‌మెన్‌గా నిలిచాడు.
4 / 6
దీంతో పాటు టీ20 ప్రపంచకప్‌లో అత్యధిక ఫోర్లు బాదిన ప్రపంచ రికార్డు కూడా రోహిత్ శర్మ పేరిటే చేరింది. గతంలో ఈ రికార్డు శ్రీలంకకు చెందిన మహేల జయవర్ధనే పేరిట ఉండేది. జయవర్ధనే మొత్తం 111 ఫోర్లు బాదితే.. ఇప్పుడు రోహిత్ శర్మ 113 ఫోర్లు కొట్టి సరికొత్త చరిత్ర సృష్టించాడు.
5 / 6
అలాగే టీ20 ప్రపంచకప్‌లో 50 సిక్సర్లు బాదిన రెండో బ్యాట్స్‌మెన్‌గా రోహిత్ శర్మ నిలిచాడు. ఈ జాబితాలో 31 ఇన్నింగ్స్‌ల్లో 63 సిక్సర్లు బాదిన క్రిస్ గేల్ అగ్రస్థానంలో ఉండగా, ప్రస్తుతం రోహిత్ శర్మ 43 ఇన్నింగ్స్‌ల్లో 50 సిక్సర్లతో రెండో స్థానానికి చేరుకున్నాడు.
