Telugu News Photo Gallery Cricket photos 2022 Women World cup: Indian Women Cricket Team defeats Pakistan Women Cricket Team pooja vastrakar jhulan goswami sneh Rana smriti mandhana Rajeshwari gayakwad
INDW vs PAKW: పాకిస్తాన్‌పై వరుసగా 11వ విజయం సాధించిన భారత్.. కీలక పాత్ర పోషించిన 5గురు ఆటగాళ్లు..
ఐసీసీ మహిళల క్రికెట్ ప్రపంచ కప్ 2022ను భారత్ విజయంతో ప్రారంభించింది. తమ తొలి మ్యాచ్‌లో మిథాలీ రాజ్‌ నేతృత్వంలోని జట్టు పాకిస్థాన్‌ను సునాయాసంగా ఓడించింది.
ఐసీసీ మహిళల క్రికెట్ ప్రపంచ కప్ 2022ను భారత్ విజయంతో ప్రారంభించింది. తమ తొలి మ్యాచ్‌లో మిథాలీ రాజ్‌ నేతృత్వంలోని జట్టు పాకిస్థాన్‌ను సునాయాసంగా ఓడించింది. తొలుత బ్యాటింగ్ చేసిన భారత్ 244 పరుగులు చేసింది. దీనికి సమాధానంగా పాక్ జట్టు కేవలం 137 పరుగులకే కుప్పకూలింది. వన్డే క్రికెట్‌లో పాకిస్థాన్‌పై భారత్‌కు ఇది వరుసగా 11వ విజయం. 50 ఓవర్ల ఫార్మాట్‌లో ఇప్పటి వరకు పొరుగు దేశంతో భారత్ ఓడిపోలేదు. టీమ్ ఇండియా విజయంలో నలుగురు కీలక ఆటగాళ్లతో ముడిపడి ఉంది.
1 / 6
పూజా వస్త్రాకర్ - ఈ ఆల్ రౌండర్ భారత విజయంలో కీలకంగా వ్యవహరించింది. పాకిస్థాన్‌తో జరిగిన మ్యాచ్‌లో అద్భుతంగా ఆడి భారత్‌ను భారీ స్కోర్ చేసేందుకు సహాయం చేసింది. భారత జట్టు ఆరు వికెట్లు కోల్పోయి కష్టాల్లో ఉన్న సమయంలో పూజా తుఫాను బ్యాటింగ్ చేసింది. 59 బంతుల్లో ఎనిమిది ఫోర్ల సాయంతో 67 పరుగులు చేసింది. ఈ ఇన్నింగ్స్ ఆధారంగా భారత జట్టు 244 పరుగులకు ఆలౌటైంది. స్నేహ రాణాతో కలిసి పూజా ఏడో వికెట్‌కు 122 పరుగుల ముఖ్యమైన భాగస్వామ్యాన్ని నెలకొల్పారు.
2 / 6
రాజేశ్వరి గైక్వాడ్ - ఈ భారత స్పిన్నర్ భారత జట్టుకు ఎంత ముఖ్యమో రుచి చూపించింది. 10 ఓవర్లలో 31 పరుగులిచ్చి 4 కీలక వికెట్లు తీసింది. దీంతో పాక్ లక్ష్యాన్ని చేరుకోవాలన్న కల చెదిరిపోయింది. ప్రపంచకప్‌లో రాజేశ్వరి గైక్వాడ్‌కు మంచి రికార్డు ఉంది. ఇది పాకిస్థాన్‌తో జరిగిన మ్యాచ్‌లోనూ కొనసాగింది. 38 డాట్ బాల్స్ సంధించింది. దీంతో పాకిస్థాన్‌పై ఒత్తిడి పెంచి, భారత్‌కు వికెట్లు అందించింది.
3 / 6
స్నేహ రాణా- ఈ ప్లేయర్ భారతదేశానికి చాలా కీలకం. ఎందుకంటే ఆమె తన ఆఫ్-స్పిన్‌తో 10 ఓవర్లు బౌలింగ్ చేయగల సామర్థ్యంతో పాటు లోయర్ ఆర్డర్‌లో ఉపయోగకరమైన పరుగులు సాధించగలదు. పాకిస్థాన్‌తో జరిగిన మ్యాచ్‌లోనూ అదే పని చేసింది. స్నేహ రాణా ఇన్నింగ్స్‌లో 53 పరుగులతో నాటౌట్‌గా నిలిచింది. ఆ తర్వాత బౌలింగ్‌లో రెండు వికెట్లు పడగొట్టింది. ఈ విధంగా ఆల్ రౌండ్ ఆటతో భారత్ విజయంలో నిర్ణయాత్మక పాత్ర పోషించింది.
4 / 6
స్మృతి మంధాన - భారత జట్టు ఓపెనర్ అద్భుతంగా బ్యాటింగ్ చేస్తూ హాఫ్ సెంచరీ చేసింది. షెఫాలీ వర్మ త్వరగా పెవిలియన్ చేరడంతో.. 52 పరుగులు సాధించి కీలక ఇన్నింగ్స్‌తో ఆకట్టుకుంది. ఈ విధంగా ఆమె ఫిఫ్టీతో ప్రపంచ కప్ 2022ని ప్రారంభించింది. తన ఇన్నింగ్స్‌లో మంధాన మూడు ఫోర్లు, ఒక సిక్సర్ కొట్టింది. దీప్తి శర్మతో కలిసి రెండో వికెట్‌కు 92 పరుగుల అమూల్యమైన భాగస్వామ్యాన్ని నెలకొల్పింది. దీంతో భారత్ బలమైన స్కోరుకు పునాది వేసింది.
5 / 6
ఝులన్ గోస్వామి: గోస్వామి తన చివరి ప్రపంచ కప్‌ను ఆడుతోంది. అయితే ఆమె బౌలింగ్‌లో ఏమాత్రం వేడి తగ్గలేదని మరోసారి చూపించింది. 10 ఓవర్లు బౌలింగ్ చేసి 26 పరుగులిచ్చి రెండు వికెట్లు తీసింది. ఝులన్ తన కోటా ఓవర్లలో 42 బంతులు చేసింది. సిద్రా అమీన్, నిదా దార్ల వికెట్లు తీసింది. ప్రపంచకప్‌లో అత్యధిక వికెట్లు తీసిన బౌలర్లలో ఆమె ప్రస్తుతం రెండో స్థానంలో నిలిచింది. ప్రపంచకప్‌కు ముందు ఆమె పేరు మీద 36 వికెట్లు ఉన్నాయి. అది ఇప్పుడు 38కి చేరుకుంది. మరో రెండు వికెట్లు తీస్తే మహిళల ప్రపంచకప్‌ చరిత్రలో అత్యంత విజయవంతమైన బౌలర్‌గా రికార్డులకెక్కనుంది.
