Smartphones Under 20K: ఫీచర్స్‌తో టాప్ రేపుతున్న స్మార్ట్ ఫోన్లు.. రూ.20 వేలల్లో ది బెస్ట్ ఇవే మరి
ప్రస్తుతం ప్రపంచంలో స్మార్ట్ ఫోన్స్ హవా నడుస్తుంది. ప్రతి ఒక్కరి చేతిలో స్మార్ట్ ఫోన్ ఉండాల్సి పరిస్థితి నెలకొంది. దీంతో ప్రతి నెలా సరికొత్త కొత్త ఫోన్లు లాంచ్ అవుతున్నాయి. అయితే భారతదేశంలో మధ్యతరగతి ప్రజలు ఎక్కువగా ఉన్న నేపథ్యంలో బడ్జెట్ ఫ్రెండ్లీ స్మార్ట్ ఫోన్లను ఇష్టపడుతున్నారు. కాబట్టి ప్రస్తుం రూ. 20 వేల ధర పరిధిలో అందుబాటులో ఉన్న బడ్జెట్ ఫ్రెండ్లీ ఫోన్లపై ఓ లుక్కేద్దాం.
ఐక్యూ జెడ్-9 స్మార్ట్ ఫోన్ మీడియాటెక్ డైమెన్సిటీ 7200 ఆక్టా-కోర్ ప్రాసెసర్‌తో ఆధారంగా పని చేస్తుంది. ఈ ఫోన్ 120హెచ్‌జెడ్ రిఫ్రెష్ రేట్‌తో 6.67 అంగుళాల ఎమోఎల్ఈడీ డిస్‌ప్లేతో ఆకర్షిస్తుంది. బ్యాక్ కెమెరా విషయానికి వస్తే 2 ఎంపీ సెకండరీ సెన్సార్‌తో జత చేసిన 50ఎంపీ ప్రైమరీ సెన్సార్ ఉంటుంది. అలాగే 16 ఎంపీ సెల్పీ కెమెరా ఉంది. 8 జీబీ + 128 జీబీ వేరయంట్‌లో వచ్చే ఈ ఫోన్ 5000 ఎంఏహెచ్ బ్యాటరీతో వస్తుంది. అలాగే 44 వాట్స్ ఫాస్ట్ చార్జింగ్‌కు మద్దతునిస్తుంది. ఈ ఫోన్ ధర రూ.19,998గా ఉంది.
1 / 5
మోటో జీ 85 ఫోన్ స్నాప్‌డ్రాగన్ 6ఎస్ జెన్-3 ఆక్టా-కోర్ ప్రాసెసర్‌తో పని చేస్తుంది. 120 హెచ్‌జెడ్ రిఫ్రెష్ రేట్‌తో 6.67 అంగుళాల పీఓఎల్ఈడీ డిస్‌ప్లేతో ఆకట్టుకుంటుంది బ్యాక్ కెమెరా సిస్టమ్‌లో 50 ఎంపీ ప్రైమరీ సెన్సార్, 8 ఎంపీ అల్ట్రా-వైడ్ లెన్స్ ఉన్నాయి. అయితే ఫ్రంట్ కెమెరా హై-రిజల్యూషన్ సెల్ఫీల కోసం 32 ఎంపీ సెన్సార్ ఆధారంగా పని చేస్తుంది. 33 వాట్స్ ఫాస్ట్ ఛార్జింగ్‌కు మద్దతు ఇచ్చే 5000ఎంఏహెచ్ బ్యాటరీ ఈ ఫోన్ ప్రత్యేకత. ఈ ఫోన్ ధర రూ.19,198గా ఉంది.
2 / 5
వన్ ప్లస్ నార్డ్ సీఈ-4 లైట్ 5 జీ ఫోన్ 1,080 x 2,400 పిక్సెల్ రిజల్యూషన్‌తో 6.67 అంగుళాల ఫుల్ హెచ్‌డీ ప్లస్ ఎమోఎల్ఈడీ స్క్రీన్‌తో పని చేస్తుంది. స్నాప్ డ్రాగన్ 695 చిప్‌సెట్‌తో పని చేసే ఈ ఫోన్ ఆండ్రాయిడ్ 14 ఆధారంగా పనిచేస్తుంది. 50 ఎంపీ సోనీ లైట్-600 ప్రైమరీ సెన్సార్‌తో ఆప్టికల్ ఇమేజ్ స్టెబిలైజేషన్, 2 ఎంపీ డెప్త్ సెన్సార్‌తో కూడిన డ్యూయల్ రియర్ కెమెరా సెటప్‌‌తో వచ్చే ఈ ఫోన్ 16 ఎంపీ సెల్ఫీ కెమెరాతో వస్తుంది. 5,500 ఎంఏహెచ్ బ్యాటరీ, 80 వాట్స్ వైర్డ్ ఫాస్ట్ ఛార్జింగ్, 5 వాట్స్ రివర్స్ ఛార్జింగ్‌కు మద్దతు ఇస్తుంది. ఈ ఫోన్ ధర రూ.16,999గా ఉంది.
3 / 5
రియల్ మీ పీ1 స్మార్ట్ ఫోన్ 2400 x 1080 పిక్సెల్‌ల రిజల్యూషన్‌తో 6.67 అంగుళాల ఫుల్ హెచ్‌డీ ప్లస్ ఎమోఎల్ఈడీ డిస్‌ప్లేతో పని చేస్తుంది. ఈ ఫోన్‌కు మూడేళ్లపాటు ఓఎస్ అప్‌డేట్‌లు, నాలుగేళ్ల పాటు సెక్యూరిటీ అప్‌డేట్స్ కూడా ఇస్తుంది. మీడియా టెక్ 7050 ప్రాసెసర్‌తో పని చేసే ఈ ఫోన్‌లో 50 ఎంపీ సోనీ లైట్ 600 ప్రైమరీ, 2 ఎంపీ సెకండరీ సెన్సార్‌ల ఆధారంగా పని చేస్తుంది. సెల్ఫీ, వీడియో కాలింగ్ అవసరాలను నిర్వహించడానికి 16 ఎంపీ సెల్ఫీ కెమెరాతో వస్తుంది. 45 వాట్స్ ఫాస్ట్ చార్జింగ్‌కు మద్దతునిస్తుంది. ఈ స్మార్ట్ ఫోన్ ధర రూ.18,999గా ఉంది.
4 / 5
ఇన్‌ఫినిక్స్ నోట్ 40 ఎక్స్ స్మార్ట్ ఫోన్ అల్ట్రా నారో బెజెల్ 120 హెచ్‌జెడ్ ఎమో ఎల్ఈడీ డిస్‌ప్లేతో పిన చేస్తుంది. ఈ ఫోన్ గేమింగ్, స్ట్రీమింగ్‌కు అనువైనది. డ్యూయల్ వీడియో రికార్డింగ్, సూపర్ నైట్ మోడ్ వంటి ఫీచర్లతో 32 ఎంపీ ఫ్రంట్ కెమెరా, 108 MP ట్రిపుల్ బ్యాక్ కెమెరా ఈ ఫోన్ ప్రత్యేకతలుగా ఉంటాయి. 33 వాట్స్ ఫాస్ట్ ఛార్జర్, 15 వాట్స్ వైర్‌లెస్ ఛార్జింగ్ సపోర్ట్‌తో 5000 ఎంఏహెచ్ బ్యాటరీతో పని చేస్తుంది. మీడియాటెక్ డైమెన్సిటీ 7020 ప్రాసెసర్ ద్వారా పని చేసే ఈ ఫోన్ ధర రూ.13,99గా ఉంది.
