తనను నమ్మిన స్నేహితులను విడిచి పెట్టని గుణం తోడేళ్ళ సొంతం.. వీటిని పట్టుకోవడం ఎందుకు కష్టమో తెలుసా

అడవిలో క్రూర మృగాల్లో తోడేళ్ల ఒకటి. వీటి ప్రస్తావన వస్తే అవి సృష్టించే భీభత్సం గురించి మాత్రమే చర్చిస్తారు. అది వరుణ్ ధావన్ చిత్రం భేదియా కావచ్చు లేదా ఉత్తరప్రదేశ్‌లోని బహ్రైచ్‌లో జరిగిన సంఘటన కావచ్చు. బహ్రైచ్‌లో ఒక మహిళతో సహా 8 మంది అమాయకులను తోడేళ్ల బారిన పడ్డారు. ఇప్పటి వరకు 4 నరమాంస భక్షక తోడేళ్లను పట్టుకున్నామని, మరో 2 చురుకుగా ఉన్నాయని, వాటిని పట్టుకునేందుకు సన్నాహాలు చేస్తున్నామని జిల్లా అటవీశాఖ అధికారులు చెబుతున్నారు. వారిని పట్టుకునేందుకు డ్రోన్లు, ట్రాంక్విలైజర్ల సాయం తీసుకుంటున్నామని చెప్పారు.

ఇతర జంతువులతో పోలిస్తే తోడేళ్ళను ఆపడం అంత సులభం కాదు. దీనికి అతిపెద్ద కారణం వీటి స్వభావం, లక్షణాలు. తోడేలును పట్టుకోవడం ఎందుకు చాలా కష్టం, అవి పిల్లలను ఎందుకు ఎక్కువగా లక్ష్యంగా చేసుకుంటాయి ఈ జంతువును ఎదుర్కొంటే ఏమి చేయాలో తెలుసుకుందాం..

తోడేలును పట్టుకోవడం ఎందుకు అంత కష్టం?

తోడేలుకు వాసన చూసే సామర్ధ్యం ఎక్కువ అని నిపుణులు అంటున్నారు. ఇవి తమ సహచరులను ఒంటరిగా వదిలిపెట్టవు. వేటలో చిక్కుకుని సహచరుడిని ఎక్కడికైనా తీసుకువెళితే.. అక్కడికి చేరుకునే సామర్థ్యం తోడేళ్ళకు ఉంటుంది. దీనికి కారణం తోడేళ్ళకు ఉన్న వాసన చూసే సామర్ధ్యం. చాలా సందర్భాలలో వేటగాళ్లు ఈ సామార్ధ్యంతోనే మోసపోతున్నారు. వీటిని బంధించడానికి సరైన వ్యూహం రచించాలి. లేదంటే వీటిని పట్టుకోవడం కష్టం. చుట్టుపక్కల ఉన్న ఇతర జంతువుల కంటే ఇవి తెలివిగా ఉండడానికి ఇదే కారణం వీటికి వాసన చూసే సామర్ధ్యమే.

ఇవి కూడా చదవండి

తెలంగాణలో 31 కొత్త FM రేడియో స్టేషన్లకు కేంద్రం పచ్చజెండా

గణపతికి ఏఏ రాష్ట్రాల్లో ఏఏ ఆహరాన్ని నైవేద్యంగా సమర్పిస్తారంటే

బ్రిటన్ రాణి విక్టోరియా ఇష్టపడిన మధుర పెడ గురించి తెలుసా..

తోడేళ్ళు ఎక్కువగా పిల్లలను ఎందుకు లక్ష్యంగా చేసుకుంటాయంటే

తోడేళ్ళు వృద్ధుల కంటే పిల్లలనే ఎక్కువగా లక్ష్యంగా చేసుకుంటాయి. పిల్లలు శారీరకంగా బలహీనంగా, తక్కువ సైజ్ లో ఉంటారు. అందుకే వీటినే ఎక్కువగా టార్గెట్ గా చేసుకుని వేటాడతాయి. అంతేకాదు పిల్లలు తోడేళ్లను కుక్కలుగా పొరబడి వాటివైపు ఆకర్షితులై ఆడుకోవడానికి వెళ్లడం చాలా సందర్భాలలో కనిపిస్తుంది. ఈ విధంగా ప్రమాదాలు జరిగే అవకాశం మరింత ఎక్కువ.

తోడేళ్ళ నిపుణుడు హామ్ బెర్గర్ మాట్లాడుతూ తోడేళ్ళు ఆడుకోవడానికి, బెదిరించడానికి లేదా కాటు వేయడానికి దాడి చేయవని.. తమ ఆకలిని తీర్చుకోవడానికి ఆహారం కోసం వెతుకుతాయని చెప్పారు. తోడేళ్లకు పిల్లలు సులభమైన ఆహారం అని చెప్పారు. ఈ కారణంగానే తోడేళ్ల భీభత్సం ఎక్కడ సృష్టిస్తే అక్కడ చిన్నారుల మరణాలు ఎక్కువగా నమోదవుతాయని పేర్కొన్నారు.

రోజూ 50 కిలోమీటర్లు ప్రయాణం

తోడేళ్ళు తమ బృందంతో కలిసి ఒక రోజులో 50 కిలోమీటర్ల వరకు ప్రయాణిస్తాయి. ఇవి తమ సహచరులతో కమ్యూనికేట్ చేయడానికి వాయిస్, బాడీ లాంగ్వేజ్, సువాసనతో సహా అనేక పద్ధతులను ఉపయోగిస్తాయి. పెరిగిన చెవులు, నేరుగా ఉండే తోక వాటి ప్రభావం గురించి చెబుతాయి. అంటే ఆధిపత్యం కోసం ప్రయత్నిస్తున్నాట్లు అర్ధం చేసుకోవాలి. అదే సమయంలో తెరిచిన దంతాలు, ముఖం ముందుకు విస్తరించి బెదిరింపు సందేశాన్ని ఇతరులకు అందిస్తాయి.

స్నేహం విషయంలో వెనకంజ వేయని తోడేలు

స్నేహం విషయంలో తోడేళ్ళు నిజమైన నేస్తాలు అని తోడేలు నిపుణులు అంటున్నారు. తమ సహచరులను చూసుకోవడంలో ముందుంటారు. తోడేళ్ళు వృద్ధాప్యం వరకు తోడుగా ఉంటాయి. చాలా అరుదుగా తమ స్నేహితులను విడిచిపెడతాయి. ఇవి తమ అనుభవాలను తదుపరి తరాలకు అందజేస్తాయి. పాత తోడేలు కొత్త తోడేలుకు వేటాడే వ్యూహాలను నేర్పుతుంది.

తోడేలును ఎదుర్కొవాలంటే ఏమి చేయాలంటే

కన్జర్వేషన్ నార్త్‌వెస్ట్ నివేదిక ప్రకారం తోడేలును ఎదుర్కొనే సమయంలో గుర్తుంచుకోవలసిన కొన్ని విషయాలు ఉన్నాయి. ఉదాహరణకు దూకుడుగా ఉండే తోడేలు లేదా తోడేళ్ల గుంపు వైపు ఎప్పుడూ వీపును చూపించకండి. తోడేలు దూరంగా ఉంటే తోడేలును ఎదురైనప్పుడు నెమ్మదిగా వెనక్కి నడవండి. వీలైతే తోడేలు చూపుతో కలిపి చూపు కలపండి. ఒకటి కంటే ఎక్కువ తోడేలు ఉన్నట్లయితే, నెమ్మదిగా తోడేళ్ళ నుండి నెమ్మదిగా దూరంగా వెళ్లండి. ఎట్టి పరిస్తితిల్లోనూ వీపు చూపి పరిగెత్త వద్దు.

తోడేళ్ళను తరిమి కొట్టేందుకు గాలి కొమ్ములు లేదా ఇతర ధ్వనిని ఉత్పత్తి చేసే పరికరాలను ఉపయోగించండి. తోడేళ్ళను సమీపించకుండా నిరోధించడానికి కర్రలు, కొమ్మలు లేదా ఇతర ఉపయోగకరమైన వస్తువులను దూకుడుగా ఉపయోగించండి. తోడేలు దాడి చేస్తే కర్రలు, రాళ్లు లేదా దాడి చేయడానికి ఉపయోగించే ఏదైనా వంటివి. సమీపంలో చెట్టు ఉంటే వెంటనే చెట్టు ఎక్కండి. ఎందుకంటే తోడేళ్ళు చెట్లు ఎక్కలేవు.

మరిన్ని జాతీయ వార్తల కోసం ఇక్కడ క్లిక్ చేయండి..