Tamil Nadu: ‘జర్నీ’ సినిమాను మించిన ప్రమాదం.. ఘోరంగా ఢీకొన్న రెండు ప్రైవేటు బస్సులు..
‘జర్నీ’ సినిమా మీకు గుర్తుందా? రెండు బస్సులు ఢీకొన్న నేపథ్యంలో రూపొందించిన ఈ సినిమా ప్రేక్షకులను ఎంతగానో ఆకట్టుకున్న విషయం తెలిసిందే. అయితే, ఆ ప్రమాదం కారణంగా ఎంతో మంది ప్రాణాలు కోల్పోవడం, మరెంతోమంది అనాథలుగా మారడం, కుటుంబ పెద్దలను కోల్పోవడం అనే అంశం
Updated on: Jun 19, 2023 | 2:10 PM
‘జర్నీ’ సినిమా మీకు గుర్తుందా? రెండు బస్సులు ఢీకొన్న నేపథ్యంలో రూపొందించిన ఈ సినిమా ప్రేక్షకులను ఎంతగానో ఆకట్టుకున్న విషయం తెలిసిందే. అయితే, ఆ ప్రమాదం కారణంగా ఎంతో మంది ప్రాణాలు కోల్పోవడం, మరెంతోమంది అనాథలుగా మారడం, కుటుంబ పెద్దలను కోల్పోవడం అనే అంశం అందరి మనసులను కలచివేసింది. అచ్చం సినిమాలో చోటు చేసుకున్నటువంటి దుర్ఘటనే తాజాగా తమిళనాడులో జరిగింది. రెండు బస్సులో ఘోరంగా ఢీకొన్నాయి. ఇందుకు సంబంధించిన వివరాలు ఇలా ఉన్నాయి.
తమిళనాడు లోని కడలూరులో ఘోర రోడ్డుప్రమాదం జరిగింది. వేగంగా వచ్చిన రెండు ప్రైవేట్‌ బస్సులు ఢీకొట్టుకున్నాయి. ఈ ప్రమాదంలో ఐదుగురు చనిపోగా.. 74 మందికి తీవ్రగాయాలయ్యాయి. బస్సులో చిక్కుకున్న ప్రయాణికులను సహాయక సిబ్బంది కాపాడారు. గాయపడ్డవాళ్లను కడలూరు ప్రభుత్వాసుపత్రికి తరలించారు.
ప్రమాదంలో రెండు బస్సులు పూర్తిగా ధ్వంసమయ్యాయి, గాయపడ్డవారిలో స్కూల్‌ పిల్లలు కూడా ఉన్నారు. బస్సు ప్రమాదం కారణంగా రోడ్డుపై పూర్తిగా ట్రాఫిక్‌ స్తంభించింది. భారీ క్రేన్ల సాయంతో రెండు బస్సులను తొలగించారు. గాయపడ్డవారిలో పలువురి పరిస్థితి విషమంగా ఉన్నట్లు సమాచారం. ప్రమాదంపై కేసు నమోదు చేసుకున్న పోలీసులు దర్యాప్తు చేస్తున్నారు.
మరిన్ని జాతీయ వార్తల కోసం ఈ లింక్ క్లిక్ చేయండి..
