School Closed: స్కూళ్లకు బాంబు బెదిరింపు మెయిల్.. ప్రభుత్వ, ప్రైవేట్ పాఠశాలలకు సెలవులు!
School Closed: పరిపాలనా వర్గాల సమాచారం ప్రకారం, మునుపటి కేసుల్లో విద్యార్థులకు ఇలాంటి ఇమెయిల్లు చిలిపిగా ఉన్నాయని తేలింది. అందుకే ప్రతి అంశాన్ని క్షుణ్ణంగా పరిశీలిస్తున్నారు. పరిస్థితిని నిశితంగా పర్యవేక్షిస్తున్నా, పోలీసులు పూర్తిగా అప్రమత్తంగా ఉన్నారని పేర్కొంటూ, ప్రజలు భయపడవద్దని పోలీసులు..
Updated on: Dec 13, 2025 | 12:43 PM
School Closed: పంజాబ్లోని అమృత్సర్ జిల్లాలోని అనేక పాఠశాలలు అకస్మాత్తుగా మూసివేయాల్సి వచ్చింది. ఇటీవల నగరంలోని అనేక ప్రముఖ పాఠశాలలకు బాంబు బెదిరింపు ఇమెయిల్లు అందిన తర్వాత జిల్లా యంత్రాంగం అప్రమత్తమైంది. భద్రతకు ప్రాధాన్యతనిస్తూ, జిల్లాలోని అన్ని ప్రభుత్వ, ప్రైవేట్, ఎయిడెడ్ పాఠశాలలను వెంటనే మూసివేశారు. 13 నుంచి పాఠశాలలు మూసివేస్తున్నట్లు ప్రకటించారు. అయితే ఎన్ని రోజులు అనేది తెలియదు. రంగంలోకి దిగిన పోలీసులు ఈ బాంబు బెదిరింపుల మెయిల్ పై దర్యాప్తు కొనసాగిస్తున్నారు.
పరీక్షలు వాయిదా:
జిల్లా విద్యాశాఖ అధికారి రాజేష్ శర్మ అధికారిక ఉత్తర్వులు జారీ చేస్తున్నట్లు తెలిపారు. అన్ని పాఠశాలలు సురక్షితంగా ఉన్నాయని, పరిపాలన పరిస్థితిని నిశితంగా పర్యవేక్షిస్తోందని ఆయన పేర్కొన్నారు. అధికారులు అనేక పాఠశాలలను తనిఖీ చేయగా ఇప్పటివరకు అనుమానాస్పదంగా ఏమీ కనిపించలేదు. తత్ఫలితంగా కొన్ని పరీక్షలు వాయిదా వేశారు. కొత్త తేదీలు ప్రకటించారు. 13న జరగాల్సి పరీక్షలు జనవరి 2కు, 15న జరగాల్సిన పరీక్షలు జనవరి 3వ తేదీకి వాయిదా వేస్తున్నట్లు అధికారులు ప్రకటించారు.
ఇది కూడా చదవండి: PM Kisan: పీఎం కిసాన్ డబ్బు రెట్టింపు అవుతుందా? పార్లమెంట్లో క్లారిటీ ఇచ్చిన కేంద్రం!
బెదిరింపు ఇమెయిల్ అందిన తర్వాత అనేక పాఠశాలలు ఉదయాన్నే తల్లిదండ్రులకు సెలవు నోటీసులు పంపాయి. వెంటనే పాఠశాలకు వెళ్లి పిల్లలను తీసుకెళ్లాలని కోరారు. ఇంతలో సీనియర్ పోలీసు అధికారులు పాఠశాలల వద్ద భద్రతా ఏర్పాట్లను పర్యవేక్షిస్తున్నారు. నగరం, చుట్టుపక్కల గ్రామీణ ప్రాంతాల్లోని అనేక పాఠశాలలకు అనుమానాస్పద ఇమెయిల్లు వచ్చాయని అమృత్సర్ పోలీస్ కమిషనరేట్ ట్వీట్ చేసింది. భద్రతా సంస్థలు వెంటనే దర్యాప్తు ప్రారంభించాయి. ప్రతి పాఠశాలలో ఒక గెజిటెడ్ అధికారిని నియమించారు. ఏవైనా బెదిరింపులను నివారించడానికి యాంటీ-సాబోటేజ్ తనిఖీలు నిర్వహిస్తున్నారు. ఈ ఇమెయిల్ మూలంపై సైబర్ పోలీస్ స్టేషన్ సాంకేతిక దర్యాప్తు నిర్వహిస్తోంది.
ఇది కూడా చదవండి: Gold Price Updates: ఇదేందిరా సామి బంగారం ధర ఇంత తగ్గిందా..? వెండిపై భారీ తగ్గింపు!
అమృత్సర్ పోలీసులు అప్రమత్తం:
పరిపాలనా వర్గాల సమాచారం ప్రకారం, మునుపటి కేసుల్లో విద్యార్థులకు ఇలాంటి ఇమెయిల్లు చిలిపిగా ఉన్నాయని తేలింది. అందుకే ప్రతి అంశాన్ని క్షుణ్ణంగా పరిశీలిస్తున్నారు. పరిస్థితిని నిశితంగా పర్యవేక్షిస్తున్నా, పోలీసులు పూర్తిగా అప్రమత్తంగా ఉన్నారని పేర్కొంటూ, ప్రజలు భయపడవద్దని పోలీసులు తెలిపారు. అదేవిధంగా, పాఠశాలలకు వచ్చిన ఇమెయిల్ను ఉద్దేశించి అమృత్సర్ డిసిపి లా అండ్ ఆర్డర్ ఆలం విజయ్ సింగ్ మాట్లాడుతూ.. దీనిపై భయపడాల్సిన అవసరం లేదని అన్నారు. పోలీసులు పూర్తి అప్రమత్తంగా ఉన్నారు. భద్రతా సంస్థలు ఆపరేషన్ ప్రారంభించాయి.
ఇది కూడా చదవండి: Pension Plan: ఇందులో ఒక్కసారి పెట్టుబడి పెడితే జీవితాంతం ప్రతి నెల రూ.12 వేల పెన్షన్!
Some schools across the city and rural belt have received a suspicious email. A Gazetted Officer is deployed at each school and anti-sabotage checks are underway. The Cyber Police Station is tracking the source of the mail. 1/2
— Commissionerate Police Amritsar (@cpamritsar) December 12, 2025
మరిన్ని జాతీయ వార్తల కోసం ఇక్కడ క్లిక్ చేయండి
