Rakesh Tikait: బీకేయూ నేత రాకేశ్ తికాయత్ కాన్వాయ్‌పై దాడి.. నలుగురు అరెస్ట్.. ఘాజీపూర్‌లో రైతుల ఆందోళన
Rakesh Tikait’s convoy attacked: కేంద్ర ప్రభుత్వం తీసుకువచ్చిన కొత్త వ్యవసాయ చట్టాలకు వ్యతిరేకంగా ఢిల్లీ సరిహద్దుల్లో నాలుగు నెలల నుంచి రైతులు నిరసన తెలుపుతున్న విషయం తెలిసిందే. ఈ క్రమంలో
Updated on: Apr 02, 2021 | 9:53 PM
Rakesh Tikait’s convoy attacked: కేంద్ర ప్రభుత్వం తీసుకువచ్చిన కొత్త వ్యవసాయ చట్టాలకు వ్యతిరేకంగా ఢిల్లీ సరిహద్దుల్లో నాలుగు నెలల నుంచి రైతులు నిరసన తెలుపుతున్న విషయం తెలిసిందే. ఈ క్రమంలో రైతు ఉద్యమానికి నాయకత్వం వహిస్తున్న భారతీయ కిసాన్ యూనియన్ నాయకుడు రాకేశ్ తికాయత్ కాన్వాయ్‌పై శుక్రవారం దాడి జరిగింది. ఈ ఘటనలో బీకేయూ నేత తికాయత్ కారు అద్దాలు ధ్వంసమయ్యాయి. ఈ సంఘటన రాజస్థాన్‌లో జరిగింది. తికాయత్ అల్వార్ నుంచి బన్సూర్ వెళ్తుండగా తాతార్పూర్ గ్రామం వద్ద ఈ దాడి జరిగింది.
మధ్యాహ్నం హర్సోరాలో జరిగిన రైతు సభలో తికాయత్ ప్రసంగించిన అనంతరం ఆయన తిరిగి బన్సూర్ వెళ్తున్నారు. ఈ ఘటనపై రాకేశ్ తికాయత్ ట్విట్టర్లో స్పందించారు. బీజేపీ గూండాలే తనపై దాడి చేశారంటూ ఆరోపించారు. రాజస్థాన్‌లోని అల్వార్ జిల్లా తాతార్పూర్ క్రాస్‌ రోడ్డు వద్ద బీజేపీకి చెందిన గూండాలు దాడి చేశారు.. ప్రజాస్వామ్యం చచ్చిపోయింది.. అంటూ తికాయత్ పేర్కొన్నారు. ఈ దాడికి సంబంధించిన వీడియోను కూడా ఆయన షేర్ చేశారు.
రాకేశ్ తికాయత్ ట్విట్టర్లో షేర్ చేసిన వీడియో..
राजस्थान के अलवर जिले के ततारपुर चौराहा, बानसूर रोड़ पर भाजपा के गुंडों द्वारा जानलेवा पर हमला किए गए, लोकतंत्र के हत्या की तस्वीरें pic.twitter.com/aBN9ej7AXS
— Rakesh Tikait (@RakeshTikaitBKU) April 2, 2021
అయితే ఈ సంఘటనకు సంబంధించి నలుగురిని అదుపులోకి తీసుకున్నట్లు పోలీసులు వెల్లడించారు. దీనిపై విచారణ జరుగుతుందని పోలీసులు పేర్కొన్నారు. కాగా.. రాకేశ్ తికాయత్‌పై దాడి జరిగిందన్న వార్త తెలియగానే.. ఢిల్లీ ఘాజీపూర్ సరిహద్దున ఆందోళన చేస్తున్న రైతులు ఎన్‌హెచ్-9పై ఆందోళన నిర్వహించారు. అనంతరం పోలీసులు ట్రాఫిక్‌ను పునరుద్ధరించారు.
Protestors blocked the National Highway 9 at the Ghazipur border after the convoy of Bharatiya Kisan Union leader Rakesh Tikait was attacked in Rajasthan’s Alwar earlier today
The Highway was opened for traffic movement later. pic.twitter.com/NlSgNlWAx7
— ANI (@ANI) April 2, 2021
Also Read:
