PM Modi: ప్రధాని మోదీ మహారాష్ట్ర పర్యటన ఖరారు.. రూ. 22600 కోట్ల విలువైన ప్రాజెక్టులకు శ్రీకారం

ప్రధాన మంత్రి న‌రేంద్ర మోదీ మ‌హారాష్ట్ర పర్యటన ఖరారైంది. శనివారం(సెప్టెంబర్ 29) పూణెలోని జిల్లా కోర్టు నుంచి స్వర్గేట్ వరకు మెట్రో లైన్‌ను ప్రధాని నరేంద్ర మోదీ ప్రారంభించనున్నారు. దీనితో పాటు, మహారాష్ట్రలోని వివిధ అభివృద్ధి కార్యక్రమాలను కూడా ప్రధాని ఆన్‌లైన్‌లో ప్రారంభించి, జాతికి అంకితం చేయనున్నారు.

మహారాష్ట్రలోని పూణెలో ప్రధాని గురువారం పలు అభివృద్ధి కార్యక్రమాలను ప్రారంభించబోతున్నారని ముందుగా సమాచారం ఇచ్చారు. కానీ వర్షం కారణంగా ప్రధాని నరేంద్ర మోదీ పూణె పర్యటన రద్దయింది. అందుకే, ఇప్పుడు ప్రధాని నరేంద్ర మోదీ ఈ కార్యక్రమాలన్నింటినీ సెప్టెంబర్ 29న ఆన్‌లైన్‌లో ప్రారంభించనున్నారు. వీటిలో డిస్ట్రిక్ట్ కోర్ట్ మెట్రో స్టేషన్ నుండి పూణేలోని స్వర్గేట్ మెట్రో స్టేషన్ వరకు భూగర్భ మార్గం ప్రారంభోత్సవం, స్వర్గేట్-కట్రాజ్ మెట్రో స్టేషన్‌కు భూమి పూజ ఉన్నాయి. అలాగే, క్రాంతిజ్యోతి సావిత్రీబాయి ఫూలే స్మారక్ భిదేవాడ మొదటి బాలికల పాఠశాల, ఈ భవనానికి శంకుస్థాపన చేయనున్నారు. దీంతో పాటు షోలాపూర్ విమానాశ్రయాన్ని కూడా ప్రధాని మోదీ ఆన్‌లైన్‌లో ప్రారంభించనున్నారు.

మహారాష్ట్ర అసెంబ్లీ ఎన్నికలకు ముందు ఆయన మెట్రో కారిడార్‌ను జెండా ఊపి రూ.22,600 కోట్ల విలువైన అభివృద్ధి ప్రాజెక్టులను ప్రారంభించనున్నారు. ఇక దాదాపు రూ. 2,955 కోట్లతో అభివృద్ధి చేయనున్న పూణే మెట్రో ఫేజ్-1లోని స్వర్గేట్-కత్రాజ్ ఎక్స్‌టెన్షన్‌కు ప్రధాని శంకుస్థాపన చేస్తారు. దాదాపు 5.46 కి.మీల ఈ దక్షిణ విస్తరణ మార్కెట్ యార్డ్, పద్మావతి, కత్రాజ్ అనే మూడు స్టేషన్లతో పూర్తిగా భూగర్భంలో నిర్మిస్తున్నారు.

ఇక, ప్రభుత్వ జాతీయ పారిశ్రామిక కారిడార్ డెవలప్‌మెంట్ ప్రోగ్రామ్ కింద 7,855 ఎకరాల విస్తీర్ణంలో విస్తారమైన పరివర్తన ప్రాజెక్ట్ బిడ్కిన్ ఇండస్ట్రియల్ ఏరియాను ప్రధాని జాతికి అంకితం చేస్తారు. భారతదేశంలోని, మహారాష్ట్రలోని ఛత్రపతి శంభాజీనగర్‌కు దక్షిణాన 20 కిలోమీటర్ల దూరంలో ఈ కారిడార్ రూపుదిద్దుకుంటోంది. ఢిల్లీ ముంబై ఇండస్ట్రియల్ కారిడార్ కింద అభివృద్ధి చేసిన ప్రాజెక్ట్ మరఠ్వాడా ప్రాంతంలో శక్తివంతమైన ఆర్థిక కేంద్రంగా అపారమైన సామర్థ్యాన్ని కలిగి కేంద్రంగా అవరతించబోతోంది. కేంద్ర ప్రభుత్వం మొత్తం 3 దశల్లో అభివృద్ధి చేస్తున్న ఈ ప్రాజెక్టు వ్యయం రూ. 6,400 కోట్లు.

పర్యాటకులు, వ్యాపార, యాత్రికులు, పెట్టుబడిదారులకు షోలాపూర్‌ను మరింత అందుబాటులోకి తీసుకురావడానికి, కనెక్టివిటీని గణనీయంగా మెరుగుపరిచే షోలాపూర్ విమానాశ్రయాన్ని ప్రధాని ప్రారంభిస్తారు. షోలాపూర్‌లోని ప్రస్తుత టెర్మినల్ భవనం సంవత్సరానికి 4.1 లక్షల మంది ప్రయాణికులకు సేవలందించేలా పునరుద్ధరించడం జరగుతోంది. అనంతరం భిదేవాడలో క్రాంతిజ్యోతి సావిత్రిబాయి ఫూలే మొదటి బాలికల పాఠశాల స్మారకానికి కూడా ప్రధాన మంత్రి శంకుస్థాపన చేస్తారు.

మరిన్ని జాతీయ వార్తల కోసం ఇక్కడ క్లిక్ చేయండి..