PM Narendra Modi: నౌషేరా చేరుకున్న ప్రధాని మోడీ.. సైనికులతో కలిసి దీపావళి వేడుకలు..
ప్రధానమంత్రి నరేంద్ర మోడీ భారత సైనికులతో కలిసి దీపావళి పండుగను జరుపుకునేందుకు జమ్మూకశ్మీర్‌లో నౌషేరా ప్రాంతానికి చేరుకున్నారు...
Ravi Kiran | Edited By: Anil kumar poka
Updated on: Nov 06, 2021 | 1:29 PM
ప్రధానమంత్రి నరేంద్ర మోడీ భారత సైనికులతో కలిసి దీపావళి పండుగను జరుపుకునేందుకు జమ్మూకశ్మీర్‌లో నౌషేరా ప్రాంతానికి చేరుకున్నారు. 2014లో దేశ ప్రధానిగా బాధ్యతలు చేపట్టినప్పటి నుంచి మోడీ సైనికులతోనే దీపావళి పండుగను జరుపుకుంటున్నారు. ఇక ప్రతీ ఏడాది ఇదే ఆనవాయితీ కొనసాగుతోంది.
ఇదిలా ఉంటే గతేడాది, రాజస్థాన్‌లోని జైసల్మేర్‌ లోంగేవాలా ప్రాంతంలో ప్రధాని మోడీ సైనికులతో కలిసి దీపావళి పండుగను జరుపుకుని ”భారత సైనికులు ఉన్నంత కాలం ఈ దేశంలో దీపావళి వేడుకలు ఉత్సాహంగా, కాంతివంతంగా ఉంటాయని” ఆయన వివరించారు. ఇక 2019లో ఆయన రాజౌరీ జిల్లాలోని నియంత్రణ రేఖ వద్ద బాధ్యతలు నిర్వర్తిస్తోన్న జవాన్లతో పండగ జరుపుకొని నియంత్రణ రేఖ వెంబడి ప్రయాణం చేశారు.
2018లో ప్రధాని మోడీ ఉత్తరాఖండ్‌లోని హర్సిల్‌లో భారత్ సైన్యం, ఇండో-టిబెటన్ బోర్డర్ పోలీస్ జవాన్లతో కలిసి దీపావళి జరుపుకున్నారు. ఆ తర్వాత కేదార్‌నాధ్ దేవాలయాన్ని సందర్శించి ప్రార్ధనలు జరిపారు. 2017లో జమ్మూ కశ్మీర్లోని బందిపోరా జిల్లా గురేజ్ వ్యాలీలో ఆర్మీ సైనికులు, సరిహద్దు భద్రతా దళాలతో కలిసి ప్రధాని మోడీ దీపావళి పండుగ జరుపుకున్నారు.
2016లో హిమాచల్ ప్రదేశ్‌లోని ఒక అవుట్ పోస్ట్‌లో ఇండో-టిబెటన్ బోర్డర్ పోలీస్ సిబ్బందితో కలిసి ప్రధాని మోడీ దీపావళి పండుగ జరుపుకున్నారు. కాగా, 2015లో పంజాబ్ సరిహద్దును సందర్శించిన ప్రధాని మోడీ.. అక్కడ సైనికులతో.. 2014లో సియాచిన్‌లోని సైనికులతో కలిసి దీపావళి పండుగను జరుపుకున్నారు.
Read Also: ఉపకారం మరువని ఉడత… వీడియో చూస్తే మైమరచిపోతారు
ప్రతి ఒక్కరు విమానంలో తినే సదా అవకాశం… ఎయిర్‌క్రాఫ్ట్‌ రెస్టారెంట్‌.. ఎక్కడ ఉన్నదో తెలుసా..??
