ఉన్నావ్ రేప్‌ కేసు..: బీజేపీ బహిష్కృత ఎమ్మెల్యేకు పదేళ్ల జైలు శిక్ష..

ఉన్నావ్‌ అత్యాచార బాధితురాలి తండ్రి హత్య కేసులో.. బీజేపీ బహిష్కృత ఎమ్మెల్యే కుల్దీప్ సింగ్ సెంగార్‌కు పదేళ్ల జైలు శిక్ష పడింది. ఉన్నావ్ బాధితురాలి తండ్రి లాకప్‌ డెత్ కేసులో.. సెంగార్‌ను ఢిల్లీకోర్టు దోషిగా తేల్చింది. ఈ మేరకు శుక్రవారం ఆయనకకు శిక్షను ఖరారు చేసింది. సెంగార్‌తో పాటుగా.. మరో ఆరుగురు దోషులకు కూడా పదేళ్ల జైలుశిక్ష విధించింది ఢిల్లీలోని తీస్ హజారీ కోర్టు. దీంతో పాటు బాధితురాలి కుటుంబానికి.. పరిహారం కింద సెంగార్, ఆయన సోదరుడు అతుల్ సెంగార్.. చెరో రూ.10 లక్షలు చెల్లించాలని కోర్టు ఆదేశించింది.

కాగా.. 2017 ఉన్నావ్ హత్యాచార ఘటన కేసులో కుల్దీప్ సెంగార్‌కు ఢిల్లీ కోర్టు ఇప్పటికే జీవిత ఖైదు విధించిన విషయం తెలిసిందే.