రైతుల నిరసనలో కొత్త మలుపు, ఆన్ లైన్ లో నేతల ప్రసంగాలకు ఇక ఇంగ్లీష్ సబ్ టైటిల్స్ !
రైతు చట్టాలను రద్దు చేయాలనీ కోరుతూ అన్నదాతలు చేస్తున్న ఆందోళన దాదాపు మూడు నెలలకు చేరుకుంటోంది. ఈ నేపథ్యంలో దీన్ని పాన్-ఇండియా ఉద్యమంగా..
రైతు చట్టాలను రద్దు చేయాలనీ కోరుతూ అన్నదాతలు చేస్తున్న ఆందోళన దాదాపు మూడు నెలలకు చేరుకుంటోంది. ఈ నేపథ్యంలో దీన్ని పాన్-ఇండియా ఉద్యమంగా మార్చాలని రైతునేతలు యోచిస్తున్నారు. తాము ఎన్ని ప్రయత్నాలు చేసినా..మహాపంచాయత్ లు నిర్వహించినా ఇంకా ఎన్నో రాష్ట్రాలకు ఉద్యమాన్ని తీసుకువెళ్లలేకపోతున్నామని రైతు నేతలు భావిస్తున్నారు. ముఖ్యంగా దేశంలోని దక్షిణాది రాష్ట్రాల విషయంలో తాము సమస్యనెదుర్కొంటున్నామని అంటున్నారు. ఈ కారణంగా తమ ప్రసంగాలను కింది స్థాయి వరకు తీసుకువెళ్లాలని, ఈ విషయంలో భాష ప్రధాన అంశంగా మారుతోందని వారు పేర్కొంటున్నారు. తమ నేతల్లో చాలామంది హిందీ లేదా పంజాబీలో ప్రసంగిస్తున్నారని, హిందీ మాట్లాడని ప్రాంతాలవారికి ఇది అర్థం కాదని జగ్ తార్ సింగ్ బాజ్వా అనే నేత తెలిపారు. అందువల్ల అన్ని ప్రసంగాలను ఇంగ్లీష్ సబ్ టైటిల్స్ తో ఆన్ లైన్ ద్వారా ప్రచారం చేయాలని అనుకుంటున్నామని, కానీ ఇది అంత సులభం కాదని ఆయన అభిప్రాయపడ్డారు.
బెంగాలీ, ఒరియా, తెలుగు, కన్నడ , మలయాళం వంటి ప్రాంతీయ భాషల్లో స్పీచ్ లను అనువదించాలనుకుంటున్నామని, కానీ ఈ అన్ని భాషల్లో సబ్-టైటిల్స్ వేయడం సాధ్యం కాదు గనుక మొదట ఆంగ్ల భాషలో మొదలు పెడతామని ఆయన చెప్పారు. ఆ తరువాత క్రమంగా ఇతర భాషల్లో ఈ ప్రక్రియ చేపడుతామన్నారు.అటు- ఘాజీపూర్ బోర్డర్ లో ఇందుకోసం ప్రయత్నాలు మొదలుపెట్టారు. ప్రస్తుతం మేము ఐటీ విభాగం ఏర్పాటుపై దృష్టి పెట్టాం.. అని మరో నేత తెలిపారు. ఇప్పటికే కొన్ని రాష్ట్రాల నుంచి 15 నుంచి 20 మందితో కూడిన టీమ్ ని ఏర్పాటు చేశామని, రాబోయే రోజుల్లో దాదాపు అన్ని రాష్ట్రాల నుంచి కూడా మరికొంతమంది యువకులను, వలంటీర్లను తీసుకుంటామని ఆయన చెప్పారు. రైతు చట్టాల రద్దుపై మా పోరాటం ఇంకా ఎన్ని మలుపులు తిరుగుతుందో చెప్పలేం అన్నారు. కానీ రైతు నాయకులు ఇలా ఆన్ లైన్ ద్వారా ఆంగ్ల భాషా సబ్ టైటిల్స్ తో దేశంలోని నాన్-హిందీ ప్రాంతాలకు కూడా చేరువ కావాలన్న వీరి నిర్ణయం చెప్పుకోదగినదే అంటున్నారు.
Also Read:
