ఆస్పత్రి ఐసీయూలో ఆవు హడావుడి.. వైరలవుతున్న వీడియో.. ఇంతకీ ఏం జరిగిందంటే..
ఆసుపత్రి లోపల హాయిగా నడుస్తున్న ఆవు అక్కడ చెత్త కుండీలో వేసిన వైద్య వ్యర్థాలను తింటోంది. రోజంతా ఆసుపత్రిలో సెక్యూరిటీ గార్డులను మోహరించినా ఆవును తరిమికొట్టే వారు లేరు.
ఆసుపత్రిలోని ఇంటెన్సివ్ కేర్ యూనిట్‌లోకి ఎవరినీ అనుమతించరు. కొన్నిసార్లు రోగి బంధువులలో ఒక్కరిని మాత్రమే డాక్టర్ అనుమతిపై చేర్చుకుంటారు. అయితే ఇక్కడ మాత్రం ఓ ఆవు ఇంటెన్సివ్ కేర్ యూనిట్‌లోకి ప్రవేశించి బహిరంగ మైదానంలా తిరుగుతోంది. ఐసీయూ వార్డులో అటు ఇటూ చక్కర్లు కొడుతుంది. ఈ ఘటనకు సంబంధించిన వీడియో ఇప్పుడు సోషల్ మీడియాలో వైరల్‌గా మారడంతో ప్రజలు తీవ్ర ఆగ్రహం వ్యక్తం చేస్తున్నారు. ఈ ఘటన మధ్యప్రదేశ్‌లోని రాజ్‌గఢ్ జిల్లాలోని ఓ ఆస్పత్రిలో చోటుచేసుకుంది. ఆసుపత్రి లోపల హాయిగా తిరుగుతున్న ఆవు అక్కడ చెత్త డబ్బాల్లో వేసిన వైద్య వ్యర్థాలను తింటోంది. రోజంతా ఆసుపత్రిలో సెక్యూరిటీ గార్డులు ఆస్పత్రిలోనే ఉన్నప్పటికీ ఆవును తరిమికొట్టే వారు లేరు. అలాగే, ఈ ఆసుపత్రిలో విచ్చలవిడి పశువులను ఆపలేకపోయారు. అయితే ఈ వీడియో సోషల్ మీడియాలో వైరల్ కావడంతో సెక్యూరిటీ గార్డు, ఇద్దరు ఆసుపత్రి సిబ్బందిని సస్పెండ్ చేశారు ఉన్నతాధికారులు.
ఈ సంఘటనపై జిల్లా ఆసుపత్రి సర్జన్ రాజేంద్ర కటారియా మాట్లాడుతూ.. ఈ సంఘటన తమ దృష్టికి వచ్చిందని చెప్పారు. వార్డు బాయ్, సెక్యూరిటీ గార్డుపై చర్యలు తీసుకున్నామని చెప్పారు. పాత కోవిడ్ ఇంటెన్సివ్ కేర్ యూనిట్ వార్డులో ఈ ఘటన జరిగిందని ఆసుపత్రి వర్గాల ద్వారా తెలిసిందన్నారు.
मध्य प्रदेश के राजगढ़ में अस्पताल के ICU वार्ड में गाय घुस गई। pic.twitter.com/ffHMkbwoYS
— Priya singh (@priyarajputlive) November 19, 2022
దీనిపై స్పందించిన మధ్యప్రదేశ్ ప్రజారోగ్య, కుటుంబ సంక్షేమ శాఖ మంత్రి ప్రభురామ్ చదుదరి ఈ ఘటన గురించి తనకు తెలియదని అన్నారు. అయితే ఆ వీడియో వైరల్ కావడంతో ముగ్గురిని సస్పెండ్ చేశారు. గతేడాది ఉత్తరప్రదేశ్‌లోని మొరాదాబాద్‌లో ఇలాంటి ఘటనే చోటుచేసుకుంది. ఆసుపత్రి వార్డులో ఓ వీధి కుక్క హాయిగా తిరుగుతోంది. సెక్యూరిటీ గార్డులు ఆసుపత్రి గేటు వద్ద ఉండగా, ఆసుపత్రి బెడ్‌పై పడుకున్న కుక్క వారి ఎదుటే దొంగచాటుగా వెళ్లిన వీడియో సోషల్ మీడియాలో వైరల్‌గా మారింది. ఇలాంటి ఘటనల పట్ల ప్రజలు తీవ్ర విమర్శలు చేస్తున్నారు.
మరిన్ని జాతీయ వార్తల కోసం ఇక్కడ క్లిక్ చేయండి
