Operation Garuda: దేశవ్యాప్తంగా ఆపరేషన్ గరుడ.. సీబీఐ మెరుపుదాడిల్లో 175 మంది డ్రగ్‌ పెడ్లర్ల అరెస్ట్‌..
ఎన్సీబీ సహకారంతో ఆపరేషన్ గరుడను నిర్వహించింది సీబీఐ . దాడులకు ఇంటర్పోల్ సహాయం కూడా తీసుకున్నారు. దేశవ్యాప్తంగా..
Updated on: Sep 29, 2022 | 8:11 PM
దేశవ్యాప్తంగా డ్రగ్‌ రాకెట్‌పై సీబీఐ మెరుపుదాడులు చేసింది. ఎన్సీబీ సహకారంతో ఆపరేషన్ గరుడను నిర్వహించింది సీబీఐ . దాడులకు ఇంటర్పోల్ సహాయం కూడా తీసుకున్నారు. దేశవ్యాప్తంగా 175 మంది డ్రగ్‌ పెడ్లర్లను అదుపు లోకి తీసుకున్నారు. భారీగా డ్రగ్స్‌ను స్వాధీనం చేసుకున్నారు. హెరాయిన్‌ , గంజా చరస్ ,స్మాక్‌తో పాటు పలు రకాల డ్రగ్స్‌ను పట్టుకుంది సీబీఐ. దేశవ్యాప్తంగా ఉన్న డ్రగ్‌ నెట్‌వర్క్‌ను భగ్నం చేసేందుకు ఆపరేషన్ గరుడ నిర్వహించారు. వివిధ రాష్ట్రాల దర్యాప్తు సంస్థల సహకారంతో సీబీఐ ఈ సోదాలను నిర్వహించింది. పంజాబ్ , హిమాచల్‌ప్రదేశ్‌ , గుజరాత్ ., మహారాష్ట్ర , తమిళనాడు ,. ఢిల్లీ , మణిపూర్ రాష్ట్రాల్లో మెరుపుదాడులు నిర్వహించింది సీబీఐ. సోదాలు తరువాత మొత్తం 127 కేసులు నమోదు చేశారు.
డ్రగ్స్‌ కేసులో సీబీఐ 6600 మంది అనుమానితులను అదుపు లోకి తీసుకొని విచారంచింది. గతంలో ఎన్నడు లేని విధంగా డ్రగ్‌ మాఫియాపై సీబీఐ గురిపెట్టింది. దేశవ్యాప్తంగా డ్రగ్‌ రాకెట్‌ మాఫియాపై సుప్రీంకోర్టు సుమోటోగా కేసు నమోదు చేసింది.
NCB సహకారంతో పంజాబ్, ఢిల్లీ, హిమాచల్ ప్రదేశ్, మణిపూర్, మహారాష్ట్రతో సహా అనేక రాష్ట్ర పోలీసు బలగాలు చేసిన ఈ ప్రత్యేక ఆపరేషన్‌లో, సుమారు 6600 మంది అనుమానితులను తనిఖీ చేశారు, 127 కొత్త కేసులు నమోదు చేయబడ్డాయి. ఆరుగురు పరారీలో ఉన్నవారు/ప్రకటిత నేరస్థులు సహా 175 మందిని అరెస్టు చేశారు.
ఈ వారం ప్రారంభంలో ప్రారంభమైన ‘ఆపరేషన్ గరుడ’లో ఇంటర్పోల్ కూడా పాలుపంచుకుంది. సిబిఐ, ఎన్‌సిబి, రాష్ట్ర పోలీసులు ఇప్పటి వరకు 127 కేసులు నమోదు చేశారన్నారు. దేశవ్యాప్తంగా పంజాబ్, హర్యానా, గుజరాత్, మహారాష్ట్ర, తమిళనాడు, ఢిల్లీ, మణిపూర్‌లలో సోదాలు నిర్వహిస్తున్నట్లు అధికారులు తెలిపారు. వివిధ ప్రాంతాల నుంచి పెద్దఎత్తున మత్తు పదార్థాలు స్వాధీనం చేసుకున్నట్లు తెలిపారు.
అనేక రకాల మత్తు పదార్థాలు స్వాధీనం ..
5.125 కిలోల హెరాయిన్‌తో సహా అక్రమ మందులు, సైకోట్రోపిక్ పదార్థాలు, 33.936 కిలోల గంజాయి, 3.29 కిలోల చరస్. 1365 గ్రాముల మెఫెడ్రోన్, 33.80 స్మాక్, సుమారు 87 మాత్రలు, 122 ఇంజెక్షన్లు, 87 బుప్రెనార్ఫిన్ సిరంజిలు, 946 మాత్రలు అల్పాజోలం, 105.0 గ్రా. ఆయిల్, 105.997 కెజి. కిలో గసగసాల పొట్టు, 1.437 కిలోల మత్తు పొడి, 11,039 మాత్రలు / క్యాప్సూల్స్ స్వాధీనం చేసుకున్నారు అధికారులు.
మరిన్ని జాతీయ వార్తల కోసం
