Bharat Bandh Today Live: రైతుల ఆందోళనకు దేశవ్యాప్త మద్దతు.. కొనసాగుతోన్న భారత్ బంద్.. వాటికే అనుమతి.!

అమృత్‌సర్-ఢిల్లీ రైల్వే ట్రాక్‌పై రైతుల ఆందోళన…

పంజాబ్‌లోని అమృత్‌సర్-ఢిల్లీ రైల్వే ట్రాక్ పై కిసాన్ మజ్దూర్ సంఘర్ష్ సమితి సభ్యులు నిరసన తెలుపుతున్నారు. రైతులు అర్ధ నగ్నంగా ఆందోళనలు చేస్తున్నారు.

Punjab: Kisan Mazdoor Sangharsh committee members block Amritsar-Delhi railway track in Amritsar, during the 12 hour long ‘Bharat Bandh’ called by Samyukt Kisan Morcha pic.twitter.com/is8yrF5ZTR

— ANI (@ANI) March 26, 2021

కేంద్రంతో చర్చలకు సిద్ధం.. బీకేయు నాయకుడు

భారతీయ కిసాన్ యూనియన్ ఉత్తరప్రదేశ్ అధ్యక్షుడు రాజ్‌వీర్ సింగ్ జాడౌన్ భారత్ బంద్‌పై మాట్లాడుతూ.. ”సాగు చట్టాలపై మా ఉద్యమం సుమారు నాలుగు నెలలుగా జరుగుతోంది. ఈ భారత్ బంద్‌లో ప్రజలు, వ్యాపారులు, రవాణాదారులు తమకు పూర్తిస్థాయిలో సహకారం అందిస్తున్నారు. ఇదే మేము ప్రభుత్వానికి ఇస్తున్న సందేశం. కేంద్రంతో చర్చలకు ఎప్పుడైనా కూడా తాము సిద్దం అని పేర్కొన్నారు.

భారత్ బంద్.. చంఢీగర్ - అంబాలా హైవే బ్లాక్..

భారత్ బంద్‌లో భాగంగా నిరసనకారులు చంఢీగర్ -అంబాలా హైవేను బ్లాక్ చేశారు. ఆ విజువల్స్ ఇలా ఉన్నాయి..

Punjab: Protestors blocked Chandigarh-Ambala highway during the 12 hour long ‘Bharat Bandh' called by Samyukt Kisan Morcha in SAS Nagar pic.twitter.com/68t3fBkON0

— ANI (@ANI) March 26, 2021

అమృత్‌సర్‌లో రైల్వే ట్రాక్‌లపై రైతుల బైఠాయింపు..

పంజాబ్‌లోని అమృత్‌సర్‌లో భారత్ బంద్ సందర్భంగా రైల్వే ట్రాక్‌‌పై రైతులు బైఠాయించారు. నిరసనలను తెలుపుతూ రైలును అడ్డుకున్నారు. 

సాధారణ ప్రజలు మా వెంట ఉన్నారు- రాకేశ్ టికైట్

భారతీయ కిసాన్ యూనియన్  జాతీయ ప్రతినిధి రాకేశ్ టికైట్ మాట్లాడుతూ, నేటి 'భారత్ బంద్'లో సాధారణ ప్రజలు తమ వెంటే ఉన్నారని తెలిపారు. "తమ పోరాటం రైతులు, కార్మికుల ప్రయోజనాలను కాపాడుతుందని అన్నారు". ఈ మేరకు ఆయన ట్వీట్ చేశారు. 

32 చోట్ల రైలు సర్వీసులపై బంద్ ప్రభావం.. 4 శతాబ్ది రైళ్లు రద్దు..

భారత్ బంద్ నేపథ్యంలో రైల్వే శాఖ అప్రమత్తమైంది. పంజాబ్, హర్యానాలోని 31 చోట్ల నిరసనకారులు నిరసన తెలుపుతున్న నేపథ్యంలో రైలు సర్వీసులపై ప్రభావం పడింది. దీనితో 4 శతాబ్ది రైళ్లు రద్దు అయ్యాయి. 

భారత్ బంద్: ఏపీ వ్యాప్తంగా అన్నీ బ్లాక్..

ప్రకాశం జిల్లాలో కొనసాగుతున్న బంద్

ప్రకాశం జిల్లాలో బంద్ వాతావరణం కొనసాగుతోంది. జిల్లా వ్యాప్తంగా వస్త్ర, వ్యాపార సంస్థలు, దుకాణాలను మూసివేశారు. అంతేకాకుండా చీరాల ముఖ్య కూడళ్లలో పోలీసులు బందోబస్తు ఏర్పాటు చేసారు.

విశాఖపట్నంలో కొనసాగుతోన్న బంద్ ప్రభావం

కేంద్రానికి వ్యతిరేకంగా ఉక్కు కార్మికులు రిలే నిరాహార దీక్షలు కొనసాగిస్తున్న సంగతి తెలిసిందే. రిలే నిరాహార దీక్షలు 43వ రోజుకు చేరగా.. ప్రస్తుతం విశాఖ ఉక్కు పరిరక్షణ పోరాట కమిటీ ఆధ్వర్యంలో కూర్మన్నపాలెం కూడలి వద్ద దీక్షలు కొనసాగుతున్నాయి.

భారత్ బంద్: ఒడిశాలో అన్ని పాఠశాలలు బంద్..

భారత్ బంద్ దృష్ట్యా రాష్ట్రమంతా అన్ని పాఠశాలలను మూసివేస్తున్నట్లు ఒడిశా పాఠశాల, విద్యా విభాగం ప్రకటించింది.

పశ్చిమ గోదావరి: 16వ నెంబర్ జాతీయ రహదారిపై రైతు సంఘాల రాస్తారోకో

ఏపీలో కొనసాగుతున్న బంద్ ప్రభావం

ఏపీలో కొనసాగుతున్న భారత్  బంద్ ప్రభావం

భారత్ బంద్‌కు రాష్ట్రంలో పలు సంఘాలు మద్దతు

ఏపీ అమరావతి ఐకాస, ఏపీ సచివాలయ ఉద్యోగుల సంఘాలు భారత్ బంద్ కు మద్దతు

బంద్‌ను శాంతియుతంగా నిర్వహించాలని.. విజయవంతం చేయాలని పార్టీ నేతలకు పిలుపునిచ్చిన టీడీపీ

భారత్ బంద్: రాష్ట్రంలో కొనసాగుతున్న బంద్ ప్రభావం

ఏపీలో కొనసాగుతోన్న బంద్ ప్రభావం.. కర్నూలులో డిపోలకే పరిమితమైన బస్సులు..

భారత్ బంద్ నేపథ్యంలో ఢిల్లీలో భద్రత కట్టుదిట్టం..

భారత్ బంద్ నేపథ్యంలో దేశ రాజధాని ఢిల్లీలో పోలీసులు భద్రతను కట్టుదిట్టం చేశారు. మార్కెట్లు, జనసాంద్రత ప్రదేశాల్లో ఎలాంటి అవాంఛనీయ సంఘటనలు జరగకుండా జాగ్రత్తలు తీసుకుంటున్నామని ఢిల్లీ పోలీసులు తెలిపారు.

మద్దిలపాలెం వద్ద వామపక్షాల బంద్..

భారత్ బంద్‌లో భాగంగా విశాఖపట్నం జిల్లాలోని మద్దిలపాలెం బస్టాండ్ వద్ద వామపక్షాలు నిరసనలు వ్యక్తం చేస్తున్నాయి. స్టీల్ ప్లాంట్ ప్రైవేటీకరణను వ్యతిరేకిస్తూ వామపక్షాలు, ప్రజా సంఘాలు నినాదాలతో హోరెత్తిస్తున్నారు. ఈ బంద్‌లో సీపీఎం కార్పొరేటర్ గంగరావు, సీపీఎం నాయకులు పాల్గొన్నారు.

భారత్ బంద్‌కు వైసీపీ మద్దతు.. మధ్యాహ్నం 1 గంట వరకు ఆర్టీసీ బస్సులు బంద్...

రైతు సంఘాలు, విశాఖ స్టీల్ ప్లాంట్ కార్మికులు కేంద్ర ప్రభుత్వానికి వ్యతిరేకంగా చేపడుతోన్న భారత్ ‌బంద్‌కు ఆంధ్రప్రదేశ్ ప్రభుత్వం సంఘీభావం తెలిపింది. ఈ క్రమంలోనే ఏపీలో ఆర్టీసీ బస్సులు మధ్యాహ్నం 1 గంట వరకు బంద్ కానున్నాయి. అటు ప్రభుత్వ సంస్థలను సైతం మూసివేయనున్నారు. బంద్‌ను శాంతియుతంగా నిర్వహించాలని.. ఎలాంటి అవాంఛనీయ సంఘటనలు చోటు చేసుకోకుండా చూసుకోవాలని రైతు సంఘాలకు, ఉక్కు కార్మికులకు ఏపీ రాష్ట్ర సమాచార, రవాణా శాఖ మంత్రి పేర్ని నాని విజ్ఞప్తి చేశారు. ఈ బంద్ సమయంలో అత్యవసర ఆరోగ్య సేవలన్నీ కూడా యథావిధిగా కొనసాగుతాయని తెలిపారు.

భారత్ బంద్: ఏవేవి బంద్ కానున్నాయంటే.!

రైతు సంఘాలు, ఉక్కు కార్మికులు తలపెట్టిన భారత్ బంద్‌కు రాజకీయ పార్టీల నుంచి పూర్తిస్థాయి మద్దతు లభించింది. అటు కేంద్ర కార్మిక, ఉద్యోగ, విద్యార్థి సంఘాలు సైతం మద్దతు ప్రకటించాయి. ఈ బంద్ సమయంలో రహదారులను మూసి వేయనుండగా.. ప్రజా రవాణా అంతా బంద్ కానుంది. రైలు, రోడ్డు రవాణా మార్గాలను, మార్కెట్లు, షాపింగ్ మాల్స్, అన్ని సంస్థలు బంద్ కానున్నాయి. అంబులెన్స్, అత్యవసర ఆరోగ్య సేవలకు మాత్రమే మినహాయింపు ఉందని.. మిగిలిన అన్నింటినీ అడ్డుకుంటామని రైతులు తెలిపారు. అటు బ్యాంకు సేవలకు సైతం ఆటంకం కలిగే అవకాశం ఉంది. ఉదయం 6 గంటల నుంచి సాయంత్రం 6 గంటల వరకు ఈ బంద్ కొనసాగనుంది.

అన్నదాతలను గౌరవించి, బంద్‌కు పూర్తి మద్దతు తెలపాలని విజ్ఞప్తి...

కేంద్రానికి వ్యతిరేకంగా అఖిల భారత సంయుక్త కిసాన్ మోర్చా ఈరోజు భారత్ బంద్‌కు పిలుపునిచ్చిన సంగతి తెలిసిందే. దీనితో దేశవ్యాప్తంగా ప్రజా రవాణా 12 గంటల పాటు స్తంభించనుంది. బంద్‌ను శాంతియుతంగా నిర్వహించాలని దేశ పౌరులు అందరూ కూడా అన్నదాతలను గౌరవించి ఈ భారత్ బంద్‌ను పూర్తిస్థాయిలో విజయవంతం చేయాలనీ సీనియర్ రైతు నాయకుడు బల్బీర్ సింగ్ రాజేవాల్ తెలిపారు.

కేంద్ర ప్రభుత్వానికి వ్యతిరేకంగా రైతులు, ఉక్కు కార్మికుల 'భారత్ బంద్'

కేంద్ర ప్రభుత్వానికి వ్యతిరేకంగా కొత్త వ్యవసాయ చట్టాలను రద్దు చేయాలని డిమాండ్ చేస్తూ రైతులు, విశాఖ స్టీల్ ప్లాంట్‌ ప్రైవేటీకరణను అడ్డుకుంటూ ఉక్కు కార్మికులు ఇవాళ 12 గంటల పాటు పూర్తి స్థాయి 'భారత్ బంద్'కు పిలుపునిచ్చారు. ఉదయం 6 గంటల నుంచి సాయంత్రం 6 గంటల వరకు ఈ బంద్ కొనసాగనుంది.