ఛీ..ఛీ ఇదేం బుద్ధి.. తనను పెళ్లి చేసుకోవాలంటూ చెల్లిని వేధించిన అన్న.. చివరికి
కొంతమంది ప్రేమించినవారిని పెళ్లి చేసుకుంటారు. మరికొందరు పెద్దలు చూపించినవారిని చేసుకుంటారు. మరికొందరైతే తమ బంధువుల్లో వరుసకు బావా లేదా మరదలు అయిన వారని వివాహం చేసుకుంటారు.
Updated on: Jul 23, 2023 | 5:06 PM
కొంతమంది ప్రేమించినవారిని పెళ్లి చేసుకుంటారు. మరికొందరు పెద్దలు చూపించినవారిని చేసుకుంటారు. మరికొందరైతే తమ బంధువుల్లో వరుసకు బావా లేదా మరదలు అయిన వారని వివాహం చేసుకుంటారు. కానీ వరుసకు చెల్లి అయ్యే అమ్మాయిని పెళ్లి చేసుకోవాలని అడిగితే ఎలా ఉంటుంది. తలుచుకుంటేనే ఆశ్యర్యంగా ఉంది కదా. అచ్చం ఇలాంటి ఘటనే తమిళనాడులో చోటుచేసుకుంది. ఓ యువకుడు తనకు వరుసకు చెల్లి అయ్యే చిన్న నాన్న కూతురుని పెళ్లి చేసుకోమ్మని వేధించడం స్థానికంగా కలకలం రేపుతోంది. ఇక వివరాల్లోకి వెళ్తే తిరువళ్లూరు జిల్లా ఎడూర్ కాలనీలో సుమిత (22) అనే అమ్మాయి ఉంటోంది. అయితే అదే ప్రాంతాంలోని తమ పెద్ద నాన్న కొడుకు త్యాగరాజన్ (27) కూడా ఉంటున్నాడు.
ఇద్దరు వరుసకు అన్నా చెల్లిల్లు. అయితే త్యాగరాజన్ పెద్దనాన్న కొడుకు కావడంతో సుమిత అతనితో చనువుగా ఉండేది. అయితే ఇటీవల సుమితకు పెళ్లి చేయాలని ఆమె తల్లిదండ్రులు నిర్ణయించారు. చివరికి పెళ్లి చూపులు ఏర్పాటు చేసి ముహూర్తం కూడా ఖరారు చేశారు. అయితే త్యాగరాజన్కు మాత్రం ఇది నచ్చలేదు. రోజూ ఆమెకు ఫోన్ చేసి వేధించేవాడు. తనను పెళ్లి చేసుకోవాలని బలవంతపెట్టేవాడు. అంతేకాదు గతంలో ఆమె అతడితో సన్నిహితంగా ఉన్న ఫోటోలోను కాబోయే భర్తకు పంపిస్తానంటూ బెదిరించేవాడు. చివరికి వేధింపులు తాళలేక ఆ యువతి పోలీసులను ఆశ్రయించింది. కేసు నమోదు చేసిన పోలీసులు త్యాగరాజన్ను అదుపులోకి తీసుకొని విచారిస్తున్నారు.
మరిన్ని జాతీయ వార్తల కోసం క్లిక్ చేయండి
