Winter Tips: శీతాకాలం ప్రతిరోజు స్నానం చేస్తే ఏం జరుగుతుందో తెలుసా..? తాజా పరిశోధనలో షాకింగ్‌ విషయాలు..

శీతాకాలంలో ప్రతిరోజూ స్నానం అనవసరం, హానికరం అంటున్నారు కొత్త పరిశోధనలు. చర్మంలోని సహజ నూనెలను తొలగించి, పొడిబారడం, ఇన్ఫెక్షన్లకు గురిచేస్తుంది. వారానికి 2-3 సార్లు స్నానం సరిపోతుంది. చర్మ ఆరోగ్యం కోసం మాయిశ్చరైజర్లు వాడండి, చేతులు ముఖం కడగండి. ఇది మీ చర్మాన్ని రక్షించడానికి, పొడిబారకుండా కాపాడటానికి సహాయపడుతుంది.

Winter Bathing

Jyothi Gadda |
Updated on: Dec 28, 2025 | 8:23 PM

శీతాకాలంలో ప్రతిరోజూ స్నానం చేయడానికి మీకు కష్టంగా ఉంటుందా..? స్నానం చేయలేదని ఇంట్లో తిట్లు పడుతున్నారా..? అయితే, ఇది మీ కోసమే.. ఎందుకంటే కొత్త పరిశోధనలు మీకు ఊరటనిచ్చే అంశాన్ని వెల్లడిస్తున్నాయి. చలికాలంలో రోజువారీ స్నానం అవసరం లేదని సూచిస్తున్నాయి. ఇది ప్రయోజనాలకు బదులుగా హానికరం కావచ్చు అంటున్నారు. ఈ సీజన్‌లో ప్రతిరోజూ స్నానం చేయడం వల్ల కలిగే నష్టాలు, రోజూ స్నానం చేయకపోవడం వల్ల కలిగే ప్రయోజనాలేంటో ఇక్కడ చూద్దాం..

ఇన్‌స్టాగ్రామ్‌లో షేర్ చేసిన ఒక వీడియో ఆధారంగా.. కొత్త పరిశోధన ప్రకారం మీరు ప్రతిరోజూ స్నానం చేయకూడదు. మీరు ప్రతిరోజూ స్నానం చేయవలసిన అవసరం లేదు. ప్రతి మూడు రోజులకు ఒకసారి స్నానం చేస్తే సరిపోతుంది. ప్రతిరోజూ స్నానం చేయడం వల్ల శరీరానికి వివిధ హాని కలుగుతుంది. కాబట్టి ప్రతిరోజూ స్నానం చేసే అలవాటును నివారించాలి అంటున్నారు.

ఇవి కూడా చదవండి

శీతాకాలంలో ప్రతిరోజూ స్నానం చేయడం వల్ల కలిగే నష్టాలు..

ఇటీవలి చర్మవ్యాధి అధ్యయనం ప్రకారం, శీతాకాలంలో ప్రతిరోజూ స్నానం చేయకపోవడం వల్ల మీ జీవితకాలం 34శాతం వరకు పెరుగుతుంది. ప్రతిరోజూ స్నానం చేయడం వల్ల మీ చర్మంలోని సహజ రక్షణ నూనె పొర తొలగిపోతుంది. ఈ నూనె పొర మీ చర్మాన్ని పొడిబారడం, బ్యాక్టీరియా, ఇన్ఫెక్షన్లు, మొటిమల నుండి రక్షిస్తుంది. అందువల్ల, శీతాకాలంలో ప్రతిరోజూ స్నానం చేయడం అవసరం లేదని పరిశోధనలు సూచిస్తున్నాయి. వారానికి 2-3 సార్లు స్నానం చేస్తే సరిపోతుంది.