ద్రాక్ష పండ్లు మాత్రమే కాదు.. ఆకులు తింటే ఏమవుతుందో తెలుసా..? అద్భుతమైన ప్రయోజనాలు
ద్రాక్ష ఆకులలో డైటరీ ఫైబర్ అధికంగా ఉంటుంది. ఇది జీర్ణ వ్యవస్థను మెరుగుపరుస్తుంది. మలబద్ధకాన్ని నివారిస్తుంది. ద్రాక్ష ఆకులు యాంటీ ఇన్ఫ్లమేటరీ లక్షణాలను కలిగి ఉంటాయి. ఆర్థరైటిస్,ప్రేగు వ్యాధి సమస్యలతో పాటు సాధారణ శరీర నొప్పి లక్షణాలను తగ్గిస్తాయని వైద్య నిపుణులు చెబుతున్నారు.
Updated on: Jun 09, 2025 | 8:56 PM
ద్రాక్ష పండ్లను మాత్రమే కాదు వాటి ఆకులను తింటే కూడా అనేక ఆరోగ్య ప్రయోజనాలు పొందవచ్చు అంటున్నారు ఆయుర్వేద ఆరోగ్య నిపుణులు. ఇదే విషయాన్ని పలు అధ్యయనాలు సూచిస్తున్నాయి. ద్రాక్ష ఆకులు ఫ్లేవనాయిడ్లు, ఫినోలిక్ ఆమ్లాలు, విటమిన్ సి తో నిండి ఉంటాయి. ఇవి ఫ్రీ రాడికల్స్ను తటస్థీకరిస్తాయి. ద్రాక్ష ఆకులు విటమిన్ K కి అద్భుతమైన మూలం అని చెప్పొచ్చు. ఇది ఎముక ఖనిజ సాంద్రతను పెంచడానికి ఎంతో ఉపయోగపడుతుంది. ఇది ఎముక నష్టం లేదా పగుళ్లను నివారించడంలో కూడా సహాయపడుతుంది.
ద్రాక్ష ఆకుల్లో కూడా విటమిన్ ఎ, బీటీ కెరోటిన్ ఉంటాయి. ఇవి కంటి ఆరోగ్యానికి చాలా అవసరం. రెటీనా పనితీరుకు మద్దతు ఇస్తాయి. ద్రాక్ష ఆకులలో డైటరీ ఫైబర్ అధికంగా ఉంటుంది. ఇది జీర్ణ వ్యవస్థను మెరుగుపరుస్తుంది. మలబద్ధకాన్ని నివారిస్తుంది. ద్రాక్ష ఆకులు యాంటీ ఇన్ఫ్లమేటరీ లక్షణాలను కలిగి ఉంటాయి. ఆర్థరైటిస్,ప్రేగు వ్యాధి సమస్యలతో పాటు సాధారణ శరీర నొప్పి లక్షణాలను తగ్గిస్తాయని వైద్య నిపుణులు చెబుతున్నారు.
ద్రాక్ష ఆకులు పొటాషియం, మెగ్నీషియంను అందిస్తాయి. ఇవి రక్తపోటును నియంత్రించడంలో మరియు కొలెస్ట్రాల్ను తగ్గించడంలో సహాయపడతాయి. గుండె ఆరోగ్యంతో పాటు స్ట్రోక్ ప్రమాదాన్ని తగ్గిస్తాయి.
మరిన్ని లైఫ్ స్టైల్ న్యూస్ కోసం క్లిక్ చేయండి…
