Leafy Greens: వారానికి ఎన్ని రోజులు ఆకుకూరలు తినాలి? నిపుణులు ఏం చెబుతున్నారో తెలుసుకోండి

ఆకుకూరల్లో అధిక మొత్తంలో ఫైబర్ ఉంటుంది. ఇందులో ఐరన్, జింక్ మరియు ఫోలిక్ యాసిడ్ కూడా పుష్కలంగా ఉన్నాయి. ఆకు కూరలు తినడం ద్వారా మలబద్ధకాన్ని నివారించవచ్చు, ఎందుకంటే వాటిలో అధిక మొత్తంలో ఫైబర్ ఉంటుంది. ఆకుకూరల్లో విటమిన్ ఎ మరియు సి, అలాగే కాల్షియం పుష్కలంగా ఉంటాయి. ఈ కారణంగా, మీరు వారానికి కనీసం మూడు సార్లు మీ ఆహారంలో ఆకుపచ్చ కూరగాయలను చేర్చుకోవాలి. ఇలా చేయడం ద్వారా మీరు అనేక రకాల ఆరోగ్య సమస్యలను నివారించవచ్చు. ఈ ఆకుకూరలను మీ రోజువారీ ఆహారంలో చేర్చుకోవడం వల్ల శరీరానికి అవసరమైన పోషకాలు అందడమే కాకుండా, దీర్ఘకాలిక ఆరోగ్య ప్రయోజనాలు కూడా పొందవచ్చు.

తోటకూర..

తోటకూర పొటాషియం, మెగ్నీషియం, విటమిన్ సి, ఐరన్ కాల్షియం వంటి పోషకాలతో నిండి ఉంటుంది. ఇందులో యాంటీఆక్సిడెంట్ లక్షణాలు కూడా ఉన్నాయి, ఇవి రోగనిరోధక శక్తిని బలోపేతం చేస్తాయి. కంటి చూపును మెరుగుపరుస్తాయి. అంతేకాకుండా, దీనిలోని ఫైబర్ జీర్ణక్రియను సులభతరం చేస్తుంది. మలబద్ధకం సమస్యను తగ్గిస్తుంది.

పాలకూర

పాలకూర కూడా అద్భుతమైన ఆకుకూర, ఇందులో రక్త శుద్ధి చేసే గుణాలు పుష్కలంగా ఉన్నాయి. ఇది విటమిన్ ఎ, బి, సి, కెతో పాటు మెగ్నీషియం ఫోలిక్ యాసిడ్ వంటి ఖనిజాలను కలిగి ఉంటుంది. పాలకూర క్యాన్సర్ వంటి తీవ్రమైన వ్యాధుల నుండి రక్షణ కల్పిస్తుంది ఊపిరితిత్తులు, గుండె సంబంధిత సమస్యలను నివారిస్తుంది.

గోంగూర

గోంగూరలో పొటాషియం, ఫైబర్ కాల్షియం సమృద్ధిగా ఉంటాయి. ఇది గుండె జబ్బులను అరికడుతుంది, ఎముకలను బలంగా ఉంచుతుంది. రక్తంలో ఇన్సులిన్ స్థాయిలను మెరుగుపరుస్తుంది కొలెస్ట్రాల్‌ను తగ్గిస్తుంది.

మెంతులు

మెంతి ఆకులు ఫైబర్, ప్రోటీన్, ఐరన్, సోడియం, రాగి, భాస్వరం, జింక్ విటమిన్లతో నిండి ఉంటాయి. ఇందులోని ఫైబర్ జీవక్రియను మెరుగుపరిచి బరువు తగ్గడానికి సహాయపడుతుంది. అలాగే ఒమేగా 3, 6 కొవ్వు ఆమ్లాలు జుట్టు రాలడం సమస్యను తగ్గిస్తాయి.

పుదీనా

పుదీనా విటమిన్ ఎ, సి బి కాంప్లెక్స్‌లతో సమృద్ధిగా ఉంటుంది. ఇది ఆహారం జీర్ణం కావడాన్ని సులభతరం చేస్తుంది, గ్యాస్ సమస్యను తగ్గిస్తుంది, శ్వాసకోశ సమస్యలను నివారిస్తుంది కండరాల నొప్పి, తలనొప్పి నుండి ఉపశమనం కలిగిస్తుంది.

బచ్చలికూర

ఇందులో విటమిన్ ఎ, లుటిన్, కెరోటిన్ వంటి యాంటీఆక్సిడెంట్లు పుష్కలంగా ఉంటాయి. ఇందులోని సెలీనియం, నియాసిన్ ఒమేగా-3 కొవ్వు ఆమ్లాలు రక్తపోటును నియంత్రిస్తాయి, కళ్ళు మెదడు పనితీరును మెరుగుపరుస్తాయి, అలాగే చర్మాన్ని మృదువుగా మార్చుతాయి.

కరివేపాకు

కరివేపాకు కంటి చూపును మెరుగుపరుస్తుంది, చక్కెర వ్యాధి, అధిక బరువు, మలబద్ధకం వంటి సమస్యలను అదుపులో ఉంచుతుంది. దీనిలోని యాంటీబయాటిక్ యాంటీ ఫంగల్ గుణాలు ఇన్ఫెక్షన్లను నివారిస్తాయి, అలాగే యాంటీఆక్సిడెంట్లు గుండె మూత్రపిండాల ఆరోగ్యాన్ని కాపాడతాయి.

కొత్తిమీర

కొత్తిమీర వంటలకు రుచి, సుగంధాన్ని జోడించడమే కాకుండా ఆరోగ్యానికి కూడా ఎంతో మేలు చేస్తుంది. ఇందులో ఫైబర్, విటమిన్లు, ప్రోటీన్లతో పాటు ఇనుము మాంగనీస్ సమృద్ధిగా ఉంటాయి. ఇది ఆస్తమా, జీర్ణ సమస్యలను తగ్గిస్తుంది, ఒత్తిడిని నివారిస్తుంది, రక్తపోటును నియంత్రిస్తుంది అధిక బరువును తగ్గించడంలో సహాయపడుతుంది.