Vastu Tips: మీ ఇంట్లో కూడా ఇలాంటి అలంకరణ వస్తువులు ఉన్నాయా..? వాస్తు నియమాలు తెలుసుకోండి..
మీ ఇంటిని అలాంటి షోపీస్‌లతో అలంకరించినట్లయితే, వెంటనే వాటిని తొలగించండి. ఎందుకంటే ఇలాంటి వాస్తు తప్పిదాలు మీ ఇంట్లో అశాంతిని కలుగజేస్తాయి. కుటుంబ సభ్యుల మధ్య విభేదాలు ఏర్పడతాయని, ఇంట్లో అశాంతి వాతావరణం నెలకొంటుందని వాస్తు శాస్త్ర నిపుణులు చెబుతారు. /
Updated on: Jul 04, 2023 | 7:34 AM
ఇల్లు అందంగా ఉండాలంటే ఇంటిని అందమైన షోపీస్‌లతో అలంకరిస్తారు. కానీ వాస్తు ప్రకారం, షోపీస్ సరైన దిశలో లేదా సరైన స్థలంలో ఉంచకపోతే, అది వాస్తు దోషానికి దారి తీస్తుంది. మీరు కూడా మీ ఇంటిని అలాంటి షోపీస్‌లతో అలంకరించినట్లయితే, వెంటనే వాటిని తొలగించండి. ఎందుకంటే ఇలాంటి వాస్తు తప్పిదాలు మీ ఇంట్లో అశాంతిని కలుగజేస్తాయి. కుటుంబ సభ్యుల మధ్య విభేదాలు ఏర్పడతాయని, ఇంట్లో అశాంతి వాతావరణం నెలకొంటుందని వాస్తు శాస్త్ర నిపుణులు చెబుతారు.
1. ఇలాంటి పక్షుల ఫోటోలు కూడా..
అడవి జంతువుల మాదిరిగా, హింసాత్మక పక్షుల ఫోటోలు కూడా ఉండవు. గద్దలు, గబ్బిలాలు, కాకులు, గుడ్లగూబలు వంటి పక్షుల చిత్రాలను మర్చిపోయి కూడా ఇంట్లో ఉంచరాదు. క్రూరమైన జంతువులు, పక్షుల చిత్రాలను చూసి కుటుంబ సభ్యులు కూడా క్రూరంగా మారుతారని అంటారు. కుటుంబ సభ్యుల మధ్య క్లేశలు ఏర్పడతాయని, ఇంట్లో అశాంతి వాతావరణం నెలకొంటుందని చెబుతారు.
2. అడవి జంతువుల చిత్రం..
ఇంట్లో వన్యప్రాణుల చిత్రాలు, వేటాడే జంతువుల చిత్రాలు ఉంటే వాటిని వెంటనే తొలగించండి. వాస్తు ప్రకారం.. అడవి జంతువుల ఫోటోలు, హింసాత్మక జంతువుల చిత్రాలను ఇంట్లో పెట్టుకోరాదు. ఇటువంటి షోపీస్‌లు ప్రతికూలతను పెంచుతాయని నమ్ముతారు. అంతే కాదు ఇంటి శ్రేయస్సుకు, ప్రగతికి ఇది ప్రాణాంతకంగా చెబుతున్నారు.
3. తాజ్ మహల్..
తాజ్ మహల్ షోపీస్‌లను చాలా మంది ప్రజలు తమ ఇళ్లలో ఉంచుకోవడం మీరు తరచుగా చూసే ఉంటారు. చాలా సార్లు తాజ్ మహల్‌ను ఒకరికొకరు బహుమతిగా ఇస్తారు. తాజ్ మహల్ ప్రపంచంలోని ఏడవ వింతగా పిలువబడుతున్నప్పటికీ, వాస్తు శాస్త్రం ప్రకారం దీనిని ఇంట్లో ఉంచడం నిషేధించబడింది. తాజ్ మహల్ ముంతాజ్ సమాధి అని చెబుతారు. హిందూ మతంలో ఇంట్లో సమాధి, సమాధి వంటి చిత్రాలు, బొమ్మలు ఉంచడం అశుభకరమైనదిగా పరిగణించబడుతుంది. కాబట్టి ఇలాంటి షోపీస్‌లను ఇంట్లో పెట్టుకోకండి.
4. నీటిలో మునిగిపోతున్న వస్తువు..
క్షీణతను సూచించే కొన్ని వస్తువులను ఇంట్లో ఉంచుకోవడం వాస్తు శాస్త్రంలో నిషేధించబడింది. ఏదైనా మునిగిపోతున్న వస్తువు అధోకరణం, ఓటమికి చిహ్నంగా పరిగణించబడుతుంది. ఇటువంటి షో పీస్‌లు ఇంట్లో ప్రతికూలతను పెంచుతాయి. దీనితో పాటు ఇంటి పురోగతి, శ్రేయస్సులో అడ్డంకులను సృష్టిస్తాయి. కాబట్టి, మునిగిపోతున్న పడవ, అస్తమిస్తున్న సూర్యుడి ఫోటోలను కూడా ఇంట్లో ఉంచవద్దు.
Note: ఇక్కడ ఇచ్చిన సమాచారం నమ్మకాల మీద ఆధారపడి ఉంటుంది. దీనికి శాస్త్రీయ ఆధారాలు లేవు. మనుషుల ఆసక్తిని నమ్మకాన్ని దృష్టిలో ఉంచుకుని ఇక్కడ అందించాం.
మరిన్ని లైఫ్ స్టైల్ న్యూస్ కోసం క్లిక్ చేయండి..
