Sesame Seeds Uses: మెదడు ఆరోగ్యాన్ని కాపాడే నువ్వులు.. ఇలా తింటే ఎన్నో లాభాలు..
ఆరోగ్యాన్ని పెంచే వాటిల్లో నువ్వులు కూడా ఒకటి. నువ్వుల్లో రెండు కాలు ఉంటాయి. ఒకటి తెల్లవి అయితే మరొకటి నల్లవి. చాలా మంది వంటల్లో కేవలం తెల్ల నువ్వులు మాత్రమే ఉపయోగిస్తారు. కానీ నల్ల నువ్వులు కూడా ఆరోగ్యానికి చాలా మంచిది. ఇందులో శరీరానికి ఉపయోగపడే పోషకాలు అన్నీ లభిస్తాయి. ఒమేగా 3 ఫ్యాటీ యాసిడ్స్, మెగ్నీషియం, ఫైబర్, విటమిన్లు, కాల్షియం, జింక్, ఐరన్ వంటివి లభిస్తాయి. నువ్వులను రెగ్యులర్‌గా తీసుకోవడం వల్ల ఎన్నో దీర్ఘకాలిక వ్యాధులు రాకుండా..
ఆరోగ్యాన్ని పెంచే వాటిల్లో నువ్వులు కూడా ఒకటి. నువ్వుల్లో రెండు కాలు ఉంటాయి. ఒకటి తెల్లవి అయితే మరొకటి నల్లవి. చాలా మంది వంటల్లో కేవలం తెల్ల నువ్వులు మాత్రమే ఉపయోగిస్తారు. కానీ నల్ల నువ్వులు కూడా ఆరోగ్యానికి చాలా మంచిది. ఇందులో శరీరానికి ఉపయోగపడే పోషకాలు అన్నీ లభిస్తాయి. ఒమేగా 3 ఫ్యాటీ యాసిడ్స్, మెగ్నీషియం, ఫైబర్, విటమిన్లు, కాల్షియం, జింక్, ఐరన్ వంటివి లభిస్తాయి. నువ్వులను రెగ్యులర్‌గా తీసుకోవడం వల్ల ఎన్నో దీర్ఘకాలిక వ్యాధులు రాకుండా ముందుగానే జాగ్రత్త పడొచ్చు. నువ్వులతో నూనె కూడా తయారు చేస్తారు. ఈ నువ్వుల నూనెతో చర్మం, జుట్టుకు సంబంధించిన సమస్యలన్నీ తగ్గించుకోవచ్చు. మరి నువ్వులు తినడం వల్ల ఎలాంటి లాభాలు ఉన్నాయో ఇప్పుడు తెలుసుకుందాం.
మెదడు ఆరోగ్యం:
నువ్వులు తినడం వల్ల మెదడు ఆరోగ్యం మెరుగు పడుతుంది. మెదడునులోని కండరాలను, కణాలను యాక్టివ్ చేస్తుంది. దీంతో మెదడుకు రక్త ప్రసరణ సజావుగా అందుతుంది. మతిమరుపును తగ్గించి జ్ఞాపకశక్తిని పెంచుతుంది. నాడీ వ్యవస్థ పని తీరును కూడా బాగు చేస్తుంది.
ఇమ్యూనిటీని పెంచుతుంది:
నువ్వుల్లో అనేక పోషకాలు లభిస్తాయి. ఇవి తీసుకోవడం వల్ల శరీరంలో రోగ నిరోధక వ్యవస్థ అనేది స్ట్రాంగ్‌గా తయారవుతుంది. దీని వల్ల ఎలాంటి వ్యాధులు వచ్చినా తట్టుకునే సామర్థ్యం పెరుగుతుంది. అంతేకాకుండా త్వరగా ఎలాంటి రోగాలు ఎటాక్ కాకుండా రక్షణగా నిలుస్తుంది.
వెయిట్ లాస్:
నువ్వులతో తయారు చేసిన ఆహారం తినడం వల్ల అధిక బరువు, ఊబకాయం సమస్య నుంచి కూడా కంట్రోల్ అవ్వొచ్చు. ఎందుకంటే ఇందులో ఫైబర్ చాలా ఎక్కువగా లభిస్తుంది. కాబట్టి నువ్వులతో చేసిన ఆహారాలు కొద్దిగా తిన్నా కడుపు నిండిపోతుంది. కాబట్టి ఇతర ఆహారాలు తీసుకోలేం.
బ్యాడ్ కొలెస్ట్రాల్‌కు చెక్:
నువ్వులను రెగ్యులర్‌గా తీసుకుంటే శరీరంలో పేరుకుపోయిన చెడుకు కొవ్వును తగ్గించుకోవచ్చు. ప్రతి రోజూ ఒక స్పూన్ నువ్వులు తీసుకున్నా కొవ్వును కరుగుతుంది. అనారోగ్యకరమైన ఆహారం తినడం వల్ల బాడీలో చెడు కొవ్వు అనేది పేరుకుపోతుంది. ఇది బాగా ఎక్కువ అయిపోతే షుగర్, బీపీ, గుండె సమస్యలు, అధిక బరువు వంటి సమస్యలు రావచ్చు. కాబట్టి చెడు కొవ్వును కరిగించుకోవడం చాలా అవసరం.
ఎముకలు ఆరోగ్యం:
నువ్వులు తినడం వల్ల ఎముకలు కూడా ఆరోగ్యంగా, బలంగా తయారవుతాయి. వీటిల్లో కాల్షియం కూడా అధికంగానే లభిస్తుంది. ఇవి ఎముకలు బలంగా ఉండేందుకు సహాయ పడతాయి.
(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..