Refined Oil: పూరీ, పులావ్‌ను రిఫైన్డ్ ఆయిల్‌తో చేస్తున్నారా.. అసలు సంగతి తెలిస్తే షాక్ అవుతారు..

రిఫైన్డ్ ఆయిల్.. ఈ మధ్యకాలంలో అన్ని వంటలు దీనితోనే చేస్తున్నారు. ఇది రిఫండ్ ఆయిల్‌తో చేశారా ..! అంటు అడిగి మరీ తింటున్నారు. ఆరోగ్యానికి మంచిది అంటూ ప్రచారం జోరుగా సాగడంతో పట్టణాల నుంచి పల్లెవాసుల వరకు అందరూ రిఫండ్ ఉపయోగిస్తున్నారు. దీనిని పూరీలు, పులావ్, చిప్స్ మొదలైన వాటిని వేయించడానికి ఉపయోగిస్తాం. ఈ నూనెకు ఎటువంటి వాసన లేదా రుచి ఉండదు. అందుకే చాలా మంది దీనిని ఇష్టపడతారు. కానీ దీన్ని అధికంగా ఉపయోగించడం వల్ల మన ఆరోగ్యానికి ప్రమాదకరం అని చాాలా మంది వైద్యులు సూచిస్తున్నారు. రిఫైన్డ్ ఆయిల్ తీసుకోవడం వల్ల కలిగే నష్టాలు ఏంటో ఇప్పుడు చూద్దాం..

అతి పెద్ద సమస్య ఏంటంటే.. శుద్ధి చేసిన నూనెలలో చాలా రకాల కొవ్వులు ఉంటాయి. వీటిలో చాలా వరకు ట్రాన్స్ ఫ్యాట్స్ , బ్యాడ్ ఫ్యాట్  ఉంటాయి. ఈ కొవ్వు పదార్థాలను ఎక్కువగా తీసుకోవడం మన శరీరానికి ఏమాత్రం మంచిది కాదు. ఈ నూనెను ఎక్కువగా వాడే వారికి గుండె జబ్బులు, మధుమేహం, ఊబకాయం వచ్చే ప్రమాదం ఉంది. ఈ నూనెను ప్రాసెసింగ్ అధిక ఉష్ణోగ్రత వద్ద జరుగుతుంది. ఇది యూరిక్ యాసిడ్‌ను కూడా పెంచుతుంది. ఇది తరువాత కీళ్ల నొప్పులకు కారణమవుతుంది.

ఈ నూనెలను ఉపయోగించండి:

మన రోజువారీ ఆహారంలో శుద్ధి చేసిన నూనెలకు బదులుగా, కొబ్బరి నూనె, ఆలివ్ నూనె, నువ్వుల నూనె వంటి ఆరోగ్యకరమైన సహజ నూనెలను ఉపయోగించాలని డైటీషియన్ ఆయుషి అభిప్రాయపడ్డారు. వీటిని వాడడం వల్ల శరీరంలో ట్రాన్స్ ఫ్యాట్ పెరగకుండా.. ఎన్నో ప్రమాదకరమైన, ప్రాణాంతక వ్యాధుల నుంచి బయటపడతాం.

రిఫైన్డ్ ఆయిల్‌ను పరిమితిలో వాడండి..

రిఫైన్డ్ ఆయిల్‌లో ప్రతికూలతలు ఉన్నప్పటికీ, మీరు దానిని పూర్తిగా వదిలివేయాలని దీని అర్థం కాదు. మీరు దానిని పరిమితిలో తీసుకుంటే లేదా వస్తువులను వేయించినట్లయితే, అది ఆరోగ్యానికి అంత ప్రమాదకరం కాదు, కానీ మీకు ఆరోగ్యకరమైన ఎంపికలు ఉంటే, ఖచ్చితంగా వాటికి ప్రాధాన్యత ఇవ్వండి.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని హెల్త్ న్యూస్ కోసం ఇక్కడ క్లిక్ చేయండి