Lung Cancer Causes: ఊపిరితిత్తుల క్యాన్సర్ రావడానికి ప్రధాన కారణం ఇదేనట.. వారిలో మరీ ఎక్కువ..
ధూమపానం చేసేవారిలోనూ, పొగతాగనివారిలోనూ ఊపిరితిత్తుల క్యాన్సర్ లక్షణాలు ఒకేలా ఉంటాయని ఆరోగ్య నిపుణులు అంటున్నారు. ఎల్లప్పుడూ అలసటగా అనిపించడం, తరచుగా దగ్గు, నోటి నుంచి రక్తం పడటం, ఛాతీ నొప్పి, శ్వాస తీసుకోవడంలో ఇబ్బంది లేదా శ్వాస ఆడకపోవడం వంటి లక్షణాలను నిర్లక్ష్యం చేయొద్దని చెబుతున్నారు. కుటుంబంలో ఎవరికైనా ఇప్పటికే ఈ సమస్య ఉంటే సమయానికి వైద్యుడిని సంప్రదించాలని సూచించారు.
Updated on: Dec 19, 2023 | 4:57 PM
ప్రపంచ ఆరోగ్య సంస్థ నివేదిక ప్రకారం, ఊపిరితిత్తుల క్యాన్సర్తో బాధపడుతున్న రోగుల మరణాల సంఖ్య అత్యధికంగా ఉంది. గణాంకాల ప్రకారం, ఊపిరితిత్తుల క్యాన్సర్ కారణంగా 2.2 మిలియన్ల మంది మరణించారు. ఊపిరితిత్తుల క్యాన్సర్ రోజురోజుకు తీవ్ర సమస్యగా మారుతోంది. అందుకే ఊపిరితిత్తుల క్యాన్సర్ గురించి తెలుసుకోవడం చాలా ముఖ్యం. ప్రపంచవ్యాప్తంగా కరోనా మహమ్మారి భయం ఇంకా వెంటాడుతోంది. చాపకింద నీరులా ప్రస్తుతం కోవిడ్ వ్యాప్తి పెరుగుతోంది. కరోనా రోగుల్లో ఎక్కువగా ఊపిరితిత్తులు ప్రభావితమవుతాయి. ఈ వైరస్ నేరుగా ఊపిరితిత్తులపై దాడి చేస్తుంది. ఊపిరితిత్తుల క్యాన్సర్కు కారణమేమిటో ఇక్కడ తెలుసుకుందాం..
ఊపిరితిత్తుల క్యాన్సర్ అనేది సిగరెట్లు, బీడీలు, ఇతర పొగాకు రకాల వల్ల వస్తుంది. వాయు కాలుష్యం, పొగాకు కారణంగా ఊపిరితిత్తుల క్యాన్సర్ వచ్చే అవకాశం ఉంది. అలాగే, సెకండ్ హ్యాండ్ స్మోకింగ్ వారిలో కూడా అంటే దీని అర్థం సిగరెట్ తాగుతున్న వారి చుట్టూ నిలబడి ఉండటం కూడా ఊపిరితిత్తుల క్యాన్సర్కు కారణం అంటున్నారు ఆరోగ్య నిపుణులు. అలాగే, వాతావరణం, ఉష్ణోగ్రతలలో మార్పులు శ్వాసకోశ వ్యాధులకు కారణమవుతాయి.
సిగరెట్ ధూమపానం ఊపిరితిత్తుల క్యాన్సర్ ప్రమాదాన్ని గణనీయంగా పెంచుతుంది. అయితే ఇటీవలి అధ్యయనాలు ధూమపానం చేయనివారిలో కూడా ఊపిరితిత్తుల క్యాన్సర్ ప్రమాదాన్ని పెంచుతున్నాయి. ఊపిరితిత్తుల క్యాన్సర్ అనేది మీరు ఎంతసేపు పొగపీల్చారు. లేదంటే పొగాకు వాడటంపై ఆధారపడి ఉంటుంది. ధూమపానం మానేసిన వ్యక్తులకు ఊపిరితిత్తుల క్యాన్సర్ వచ్చే ప్రమాదం తక్కువ. లండన్లోని ఓ యూనివర్సిటీ చేసిన ఈ అధ్యయనం ప్రకారం, ధూమపానం చేయని వారు కూడా ఊపిరితిత్తుల క్యాన్సర్ బారినపడుతున్నారని తేల్చింది. సిగరెట్ తాగని వారికి కూడా ఊపిరితిత్తుల క్యాన్సర్ వస్తుందని ఈ అధ్యయనం వెల్లడించింది. దీనికి స్పష్టమైన, ఏకైక కారణం కాలుష్యం. ప్రపంచవ్యాప్తంగా, ఊపిరితిత్తుల క్యాన్సర్తో బాధపడుతున్న 99 శాతం మంది ప్రమాద కారక, కలుషితమైన గాలి నాణ్యత కారణంగానే ఊపిరితిత్తుల క్యాన్సర్కు గురవుతున్నారు.
స్మోకింగ్ లేదా సెకండ్ హ్యాండ్ స్మోక్ అంటే సిగరెట్ పొగకు గురికావడం వల్ల ఊపిరితిత్తుల క్యాన్సర్ ముప్పు పెరుగుతుందని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (CDC) నిపుణులు చెబుతున్నారు. యునైటెడ్ స్టేట్స్లో, 10-20 శాతం ఊపిరితిత్తుల క్యాన్సర్లు ఎక్కువగా ధూమపానం చేయని వ్యక్తులలోనే కనిపించాయని స్పష్టం చేశారు. అటువంటి వ్యక్తులలో అడెనోకార్సినోమా క్యాన్సర్ అధిక సంభావ్యత కలిగి ఉన్నట్టుగా గమనించారు. ఈ రకమైన క్యాన్సర్ కణాలలో మొదలై ఊపిరితిత్తులలోని చిన్న చిన్న గాలి సంచులలోకి చేరుతుంది. కొన్నిసార్లు ఇది ఊపిరితిత్తులలోని సన్నని పొలుసుల కణాలకు కూడా వ్యాపిస్తుంది.
ఆరోగ్య నిపుణుల అభిప్రాయం ప్రకారం, పొగ త్రాగకపోయినా కొన్ని పర్యావరణ పరిస్థితులు ఊపిరితిత్తుల క్యాన్సర్ను పెంచుతాయి. సెకండ్ హ్యాండ్ స్మోకింగ్ ఒక ప్రధాన కారణం. అటువంటి పరిస్థితులలో, సెకండ్హ్యాండ్ పొగకు గురైన వ్యక్తులు ఊపిరితిత్తుల క్యాన్సర్ ప్రమాదాన్ని పెంచుతారు. రాడాన్, వాయు కాలుష్యం, కుటుంబ చరిత్ర కూడా ఊపిరితిత్తుల క్యాన్సర్కు కారణం కావచ్చు. కాబట్టి అందరూ జాగ్రత్తగా ఉండాలి.
ధూమపానం చేసేవారిలోనూ, పొగతాగనివారిలోనూ ఊపిరితిత్తుల క్యాన్సర్ లక్షణాలు ఒకేలా ఉంటాయని ఆరోగ్య నిపుణులు అంటున్నారు. ఎల్లప్పుడూ అలసటగా అనిపించడం, తరచుగా దగ్గు, నోటి నుంచి రక్తం పడటం, ఛాతీ నొప్పి, శ్వాస తీసుకోవడంలో ఇబ్బంది లేదా శ్వాస ఆడకపోవడం వంటి లక్షణాలను నిర్లక్ష్యం చేయొద్దని చెబుతున్నారు. కుటుంబంలో ఎవరికైనా ఇప్పటికే ఈ సమస్య ఉంటే సమయానికి వైద్యుడిని సంప్రదించాలని సూచించారు.
మరిన్ని లైఫ్ స్టైల్ న్యూస్ కోసం క్లిక్ చేయండి..
