మృదువైన చపాతీల కోసం గోధుమ పిండిలో ఐస్ క్యూబ్స్ వేసి చూడండి.. తయారీ విధానం మీ కోసం

భారతీయులు ఆహార ప్రియులు. అన్నం, చపాతీలు ప్రతి ఇంట్లో అంతర్భాగం. అయితే చపాతీలు తయారు చేయడం అందరికీ అంత సులభం కాదు.. ఎందుకంటే పిండి కలిపే విధానంతోనే చపాతీ మృదువుగా నోట్లో వేసుకుంటే కరిగిపోయేవిగా ఉంటాయి. అందుకనే చపాతీ పిండి కలిపే సమయంలో రకరకాల చిట్కాలను ఉపయోగిస్తారు చాలా మంది. అయితే చపాతీ పిండి తయారీలో ఐస్ క్యూబ్స్ కూడా ఉపయోగించవచ్చని ఎప్పుడైనా ఆలోచించారా? అవును ఐస్ క్యూబ్‌లను జోడించడం ద్వారా చపాతీలను డిఫరెంట్ గా రెడీ చేసుకోవచ్చు. ఇది చపాతీలను మృదువుగా, మెత్తగా చేయడమే కాదు వాటిని ఎక్కువ కాలం తాజాగా ఉంచుతుంది. ఐస్ క్యూబ్స్ వేసి చపాతీలను తయారుచేసే విధానం…

కావలసిన పదార్ధాలు:

1. గోధుమ పిండి- 2 కప్పులు
2. ఉప్పు – 1/2 స్పూన్
3. నీరు- 1/4 కప్పు
4. ఐస్ క్యూబ్స్- 1/4 కప్పు
ఇవి కూడా చదవండి



యూరిక్‌యాసిడ్ ఉంటే నిర్లక్ష్యంవద్దు జీవనశైలిలో మార్పులు తప్పనిసరి



వేసవిని ప్రశాంతంగా ఎంజాయ్ చేయాలనుకుంటున్నారా చంబా బెస్ట్ ఎంపిక..



ఆస్పత్రికి వెళ్లిన రోగి.. స్కానింగ్ రిపోర్ట్ చూసి వైద్యులు షాక్



ఈ డ్రింక్స్ తాగండి, శరీరానికి చల్లదనంతో పాటు శక్తి లభిస్తుంది

తయారు చేసే పద్ధతి: ఒక పెద్ద గిన్నెలో గోధుమ పిండి, ఉప్పు వేసి బాగా కలపాలి. ఇప్పుడు కొద్దికొద్దిగా నీళ్ళు పోసి పిండిని కలపడం ప్రారంభించండి. పిండి కొద్దిగా గట్టిపడినప్పుడు.. ఐస్ క్యూబ్స్ వేయండి. ఐస్ క్యూబ్స్ జోడించిన తరువాత పిండి మెత్తగా,మృదువుగా అయ్యే వరకు మరో 5-7 నిమిషాలు బాగా కలపండి. ఇప్పుడు చపాతీ పిండి ముద్డపై తడి గుడ్డతో కప్పి 15-20 నిమిషాలు పక్కన పెట్టండి. 20 నిమిషాల తరువాత పిండిని బాల్స్‌గా చేసి రోటీలుగా ఒత్తుకోండి. మీడియం మంట మీద పాన్ మీద చపాతీలను కాల్చండి. వేడి వేడి రోటీలను మీకు నచ్చిన కూరతో ఆస్వాదించండి.

ఐస్ క్యూబ్స్ వేసి రోటీలతో కలిగే ప్రయోజనాలు

1. మృదువైన, మెత్తటి రొట్టెలు: ఐస్ క్యూబ్స్ పిండిని చల్లగా ఉంచుతాయి. ఇది గ్లూటెన్ అభివృద్ధిని తగ్గిస్తుంది. దీంతో రోటీలు మెత్తగా, మెత్తగా ఉంటాయి.
2. రోటీస్ ఎక్కువ కాలం తాజాగా ఉంటాయి: ఐస్ క్యూబ్స్ రోటీలలో తేమను నిలుపుకుని, ఎక్కువ కాలం వాటిని తాజాగా ఉంచుతాయి.
3. సులువుగా పిండి కలపడం: ఐస్ క్యూబ్స్ పిండిని మృదువుగా చేస్తాయి. తద్వారా పిండిని చాలా సులభంగా కలపవచ్చు.
4. సమయం ఆదా: ఐస్ క్యూబ్స్ పిండిని త్వరగా చల్లబరుస్తాయి. చపాతీలను చాలా ఈజీగా తయారు చేసుకోవచ్చు.

ఐస్ క్యూబ్స్ జోడించి చపాతీలను తయారుచేసే విధానం మీ వంటగదిలో విప్లవాత్మక మార్పులను కలిగిస్తుంది. ఇలా చేసిన రోటీలు రుచిగా ఉండటమే కాదు ఆరోగ్యాన్ని కూడా కలిగి ఉంటాయి. కనుక ఈరోజే ఈ పద్ధతిని ప్రయత్నించండి. మీ కుటుంబానికి వేడి, మృదువైన, మెత్తటి చపాతీలను అందించండి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..