Dark Neck: మీ మెడ నల్లగా ఉందని బాధపడుతున్నారా..? ఇలా చేయండి
ఈ మిశ్రమాన్ని మెడకు అప్లై చేసి ఐదు నిమిషాల పాటు ఆరనివ్వాలి. ఆ తర్వాత వేళ్లతో మెల్ల మెల్లగా స్క్రబ్ చేసుకుంటూ వాటర్ తో శుభ్రంగా కడిగేసుకోవాలి. రోజుకు ఒకసారి ఈ విధంగా చేస్తే నలుపు వదిలిపోయి మెడ తెల్లగా మృదువుగా మారుతుంది.
Updated on: Jan 02, 2023 | 10:03 AM
మీ మెడ చుట్టూ నల్లగా ఉందని బాధ పడుతున్నారా ? మెడ నలుపును వదిలించుకోవడానికి ఎన్నెన్నో ప్రయత్నాలు, ప్రయోగాలు చేసి అలిసిపోతున్నారా..? అయితే, మెడ నలుపుకి కారణం ఏంటని ఎప్పుడైనా ఆలోచించారా..? అనారోగ్య సమస్యలు కూడా మెడ నలుపుకు కారణం కావొచ్చునని ఎప్పుడైనా విన్నారా..? ఇలా ఎందుకు జరుగుతుందో నిపుణుల మేరకు.. ప్రెగ్నెన్సీ, ఎండల ప్రభావం, డెడ్ సెల్స్ పేరుకు పోవడం, మేకప్ తో నిద్రించడం, ఊబకాయం, పీసీఓఎస్, హైపోథైరాయిడిజం, అలర్జీలు తదితర కారణాల వల్ల మెడ నల్లగా మారుతుంటుంది. ఇకపోతే, మన శరీరంలో ఫంగల్ ఇన్ఫెక్షన్స్ ఉన్నప్పుడు కూడా మెడ దగ్గర నల్లగా అవుతుంది. కాబట్టి ఇలా ఉన్న వారు వెంటనే డాక్టర్ను సంప్రదించటం మంచిది.
అయితే, మెడ నలుపును తగ్గించుకోవటానికి కొన్ని వంటింటి చిట్కాలు కూడా ఉన్నాయి. వాటిని పాటిస్తే చక్కటి ఉపశమనం కలుగుతుంది. ఈ రెమెడీ పాటిస్తే వారం రోజుల్లో మీ మెడ తెల్లగా మారుతుంది. ఇందుకోసం ముందుగా ఒక బౌల్ తీసుకొని అందులో వన్ టేబుల్ స్పూన్ పెరుగును వేసుకోవాలి. ఆ తర్వాత అందులో వన్ టేబుల్ స్పూన్ బియ్యం పిండి, వన్ టేబుల్ స్పూన్ కాఫీ పౌడర్ ను వేసుకోవాలి. ఇక చివరిగా వన్ టేబుల్ స్పూన్ గ్లిజరిన్, రెండు టేబుల్ స్పూన్లు రోజ్ వాటర్ వేసుకుని అన్ని కలిసేంత వరకు స్పూన్ తో బాగా మిక్స్ చేసుకోవాలి. ఇప్పుడు ఈ మిశ్రమాన్ని మెడకు అప్లై చేసి ఐదు నిమిషాల పాటు ఆరనివ్వాలి. ఆ తర్వాత వేళ్లతో మెల్ల మెల్లగా స్క్రబ్ చేసుకుంటూ వాటర్ తో శుభ్రంగా కడిగేసుకోవాలి. రోజుకు ఒకసారి ఈ విధంగా చేస్తే నలుపు వదిలిపోయి మెడ తెల్లగా మృదువుగా మారుతుంది.
అయితే, మెడ నల్లగా ఉండటానికి అంతర్గత ఆరోగ్యమే ముఖ్య కారణమని నిపుణులు అంటున్నారు. స్థూలకాయం, జన్యుపరమైన కారణాలు, ఇన్సులిన్ నిరోధకత, మహిళల్లో PCOS, మధుమేహం, హైపోథైరాయిడ్, చర్మ అలెర్జీలు వంటి అనేక ఆరోగ్య కారణాల వల్ల మెడ నల్లగా మారుతుందని చెబుతున్నారు. అయితే, నల్లటి మెడను తెల్లగా మార్చుకోవటానికి మరో అద్భుత రెమిడీ కూడా ఉంది…ఇందుకోసం1 టీస్పూన్ పటిక పౌడర్ తీసుకోవాలి. అందులో రోజ్ వాటర్, 1 నుండి 2 టీస్పూన్ నిమ్మరసం సమాన పరిమాణంలో కలిపి పేస్ట్ తయారు చేసి మెడపై అప్లై చేసుకోవాలి. అలా 15 నుండి 20 నిమిషాల పాటు ఆరనివ్వాలి. ఆ తర్వాత శుభ్రమైన నీటితో కడగాలి.
ఇంకా, ముల్తానీ మిట్టి, అలోవెరా జెల్, రోజ్ వాటర్ మిక్స్ చేసి నల్లగా మారిన మెడకు అప్లై చేయాలి. ఆ తర్వాత ప్యాక్ ఆరిపోయాక గోరువెచ్చని నీటితో శుభ్రం చేసుకోవాలి. రంగుమారటం మీరే గమనిస్తారు.
మరిన్ని లైఫ్ స్టైల్ న్యూస్ కోసం ఇక్కడ క్లిక్ చేయండి.
