ఈ టిప్ తెలిసాక జ్యువెలరీ షాప్‌కు వెళ్లాల్సిన పని లేదు! వెండిని మెరిపించే ఈజీ ట్రిక్..!

బంగారం, వెండిని ఆభరణాలుగా మాత్రమే కాదు.. సంపదకు చిహ్నంగా, ఇంటికి శ్రేయస్సుగా భావిస్తారు. అందుకే చాలా మంది తమ ఇంట్లోకి వెండి పాత్రలు, వెండి గిన్నెలు, ప్లేట్లు, స్పూన్లు, పూజాసామాగ్రి, నగలు వంటివి ఎక్కువగా కొనుగోలు చేస్తుంటారు. అయితే, కాలం గడిచేకొద్దీ ఈ వెండి నల్లగా, మురికిగా, బొగ్గులా కనిపించడం ప్రారంభమవుతుంది. మీరు దానిని ఎంత రుద్దినా తిరిగి మెరుపు రాకుండా ఉంటుంది. అటువంటి పరిస్థితిలో ఖరీదైన పాలిష్‌లు, రసాయనాలను ఉపయోగించే బదులు, ఇంట్లోనే సరళమైన పరిష్కారాలతో వెండిని శుభ్రం చేయవచ్చని చాలా కొద్ది మందికి మాత్రమే తెలుసు. ఈరోజు మనం ఇంట్లోనే వెండిని శుభ్రం చేయడానికి ప్రభావవంతమైన, సురక్షితమైన, చౌకైన మార్గాల గురించి తెలుసుకుందాం..ఈ టిప్స్‌ పాటించటం వల్ల కేవలం 15-20 నిమిషాల్లో వెండిని మళ్ళీ కొత్తగా మెరిసేలా చేసుకోవచ్చు.

మీరు కూడా మీ ఇంట్లోని వెండి వస్తువులు నల్లగా మారితే వెంటనే పాలిష్ కోసం డబ్బు ఖర్చు చేస్తున్నారా..? అయితే, ఆ వృద్ధా ఖర్చు మిగిలినట్టే..ఎందుకంటే.. కొన్ని సింపుల్‌ హోం రెమిడిస్‌తో కేవలం 20 నిమిషాల్లో మీ వెండిని దాని కొత్త మెరుపుకు తీసుకురావొచ్చు. సరైన పద్ధతులు, కొంచెం జాగ్రత్తతో మీ వెండి వస్తువులు, ఆభరణాలు, పూజా సామాగ్రి చాలా కాలం పాటు మెరుస్తూ ఉంటుంది. ముఖ్యంగా గాలిలోని సల్ఫర్‌తో చర్య జరిపినప్పుడు వెండి నల్లగా మారుతుంది. తేమతో కూడిన వాతావరణాలు, వంటగది పొగలు, చెమట, పర్‌ఫ్యూమ్స్‌ , సబ్బులు, సరిగ్గా నిల్వ చేయకపోవడం వల్ల వెండి త్వరగా నల్లబడుతుంది. అలాంటప్పుడు మజ్జిగతో మీరు వెండికి తిరిగి మెరుపు తీసుకురావొచ్చు.

వెండి మెరవాలంటే మజ్జిగ లేదంటే, పుల్లని పెరుగు ఉంటే సరిపోతుంది. వెండిని పుల్లని మజ్జిగలో 20–30 నిమిషాలు నానబెట్టాలి. తరువాత నీటితో శుభ్రం చేసి మెత్తటి గుడ్డతో తుడిచేయాలి. దీంతో మీ సిల్వర్‌ తిరిగి మెరుస్తుంది.

ఇవి కూడా చదవండి

చికెన్‌-మటన్‌ ఇష్టపడని వారి కోసం వెజిటేరియన్‌ మటన్‌! పోషకాల పుట్ట

పెంపుడు కుక్కకు 'నిలువెత్తు బంగారం'తో తులాభారం.. ఎందుకో తెలిస్తే

డబ్బు విలువ ఎప్పటికీ తగ్గదు! ప్రపంచంలో అత్యంత సురక్షిత కరెన్సీ

భారతదేశంలో బంగారం కంటే విలువైన ఏకైక పంట..దీంతో మీరు కోటీశ్వరులే!

వెండిని శుభ్రం చేయడానికి మరో మార్గం నిమ్మకాయ, ఉప్పు. మీరు రసాయనాలను ఉపయోగించకుండా వెండిని శుభ్రం చేయాలనుకుంటే ఈ పరిష్కారం చాలా బాగా ఉపయోగపడుతుంది. ఇందుకోసం ఒక నిమ్మకాయ రసం తీసి అందులో చిటికెడు ఉప్పు కలపండి. దానిని వెండిపై పూర్తిగా అప్లై చేయాలి. 5–10 నిమిషాల తర్వాత నీటితో కడగాలి. ఇలా చేస్తే.. వెండికి సహజమైన మెరుపు వస్తుంది.

మూడో పరిష్కారం టూత్‌పేస్ట్‌తో వెండిని శుభ్రం చేయటం. ఈ పరిహారం నల్లగా మారిన వెండి వస్తువులు, ఆభరణాలకు అనుకూలంగా ఉంటుంది. ఇందుకోసం తెల్లటి టూత్‌పేస్ట్ తీసుకోండి. మృదువైన బ్రష్ లేదా గుడ్డతో వెండిపై సున్నితంగా రుద్దండి. ఆ తరువాత నీటితో శుభ్రం చేసి మెత్తటి క్లాత్‌తో తుడిచేయాలి. ఇలా చేస్తే మీ వెండి మెరుస్తుంది.

బేకింగ్ సోడా, అల్యూమినియం ఫాయిల్ కూడా నల్లబడిన వెండికి కొత్త మెరుపును ఇస్తుంది. దీనికోసం అల్యూమినియం ఫాయిల్, బేకింగ్ సోడా, వేడి నీరు, మీ వెండి వస్తువులకు సరిపడా బౌల్‌, లేదంటే టబ్‌ తీసుకోవాలి. ఇప్పుడు, ఒక గిన్నెలో అల్యూమినియం ఫాయిల్ ఉంచండి. దానిపై వెండి వస్తువులను ఉంచండి. ఇప్పుడు 1–2 టీస్పూన్ల బేకింగ్ సోడా వేయండి. దానిపై వేడి నీరు పోయాలి. 10–15 నిమిషాలు అలాగే ఉంచేసి, ఆ తర్వాత శుభ్రమైన నీటితో కడిగి, మెత్తని గుడ్డతో తుడవండి. ఇలా చేస్తే.. నల్లగా మారిన మీ వెండి వస్తువులు, పూజా సామాగ్రి తిరిగి కొత్తవాటిలా మెరుస్తాయి.

మరిన్ని లైఫ్ స్టైల్ న్యూస్ కోసం క్లిక్ చేయండి..