ఆరోగ్యానికి ఎంత డార్క్ చాక్లెట్..! ఒక రోజులో ఎంత తినాలో తెలుసుకోండి..
డార్క్ చాక్లెట్ తినడం ఆరోగ్యానికి చాలా మంచిది. ఈ విషయాన్ని వైద్యనిపుణులు తరచూ చెబుతుంటారు. కానీ, ఏ డార్క్ చాక్లెట్ అని, ఎంత పరిమాణంలో ఆరోగ్యానికి మేలు చేస్తుందో మనకు ఎలా తెలుస్తుంది.. ఈ విషయాలు కూడా తప్పనిసరిగా తెలుసుకోవాలంటున్నారునిపుణులు. సాధారణంగా మార్కెట్లో లభించే చాక్లెట్లు ముదురు రంగులో ఉండవు. కోకో శాతం ఎంత మొత్తంలో ఉంటుందో తెలియకపోవడంతో చాక్లెట్ల విషయంలో గందరగోళం ఉంటుంది. కాబట్టి ఏ చాక్లెట్ డార్క్ హెల్తీగా పనిచేస్తుంది..? ఒక రోజులో ఎంత చాక్లెట్ తినడం ఆరోగ్యకరమో తెలుసుకుందాం.
Updated on: Feb 10, 2025 | 10:46 AM
చాక్లెట్లో ఉపయోగించే కోకో మొక్క నుండి వస్తుంది. ఇందులో అధిక స్థాయిలో యాంటీఆక్సిడెంట్లు, ఖనిజాలు ఉంటాయి. కానీ మార్కెట్లో లభించే చాక్లెట్లో చక్కెర, పాలు, కోకో వెన్న, చాలా తక్కువ మొత్తంలో కోకో ఉంటాయి. కానీ డార్క్ చాక్లెట్లో కోకో ఎక్కువగా ఉంటుంది. చక్కెర తక్కువగా ఉంటుంది. యునైటెడ్ స్టేట్స్ డిపార్ట్మెంట్ ఆఫ్ అగ్రికల్చర్ ప్రకారం, 70 నుండి 85 శాతం కోకో కలిగిన 101 గ్రాముల చాక్లెట్ బార్లో దాదాపు 8 గ్రాముల ప్రోటీన్, దాదాపు 11 శాతం డైటరీ ఫైబర్ ఉంటుంది. ఇందులో 12 mg ఇనుము, 230 mg మెగ్నీషియం ఉంటాయి.
మెడికల్ న్యూస్ టుడే అధ్యయనం ప్రకారం, రోజుకు 20 నుండి 30 గ్రాముల డార్క్ చాక్లెట్ తినవచ్చు. కోకో ఎంత ఎక్కువగా ఉంటే, అందులో ఫ్లేవనాయిడ్లు అంత ఎక్కువగా ఉంటాయి. కాబట్టి కనీసం 70 శాతం లేదా అంతకంటే ఎక్కువ కోకో ఉన్న చాక్లెట్ ఆరోగ్యానికి మంచిది. డార్క్ చాక్లెట్ తినడం వల్ల అనేక ఆరోగ్య ప్రయోజనాలు ఉన్నాయి.
– మెదడు పనితీరును మెరుగుపరుస్తుంది
– టైప్ 2 డయాబెటిస్లో ప్రయోజనకరంగా ఉంటుంది.
– చెడు కొలెస్ట్రాల్ను తగ్గించడంలో, మంచి కొలెస్ట్రాల్ను పెంచడంలో సహాయపడుతుంది
– అధిక రక్తపోటుకు డార్క్ చాక్లెట్ ప్రయోజనకరంగా ఉంటుంది.
– యాంటీఆక్సిడెంట్లు సమృద్ధిగా ఉంటాయి.
– డార్క్ చాక్లెట్ ఒత్తిడిని తగ్గించడంలో సహాయపడుతుంది.
– డార్క్ చాక్లెట్లో ఉండే కోకో ఫ్లేవనాయిడ్లు ఒత్తిడి హార్మోన్ కార్టిసాల్ స్థాయిలను తగ్గించడంలో సహాయపడతాయి.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
