Fish: ఈ చేపతో జాగ్రత్త.. తిన్నారో మీ పని అయిపోయినట్లే.. అసలు విషయం తెలిస్తే షాకే..

నాన్ వెజ్ తినేవారిలో చాలా మందికి చేపలు అంటే చాలా ఇష్టం. ప్రతిరోజూ వాటిని తమ ఆహారంలో చేర్చుకుంటారు. భారతీయ మార్కెట్‌లో అనేక పోషక విలువలున్న చేపలు అందుబాటులో ఉన్నప్పటికీ, కొన్ని రకాల చేపలు మాత్రం తినడానికి అస్సలు సురక్షితం కాదని, అవి ప్రాణాంతకమైన ప్రమాదానికి దారితీయవచ్చని చాలా మందికి తెలియదు.

క్యాన్సర్‌కు కారణమయ్యే థాయ్ మగూర్

అలాంటి చేపలలో ఒకటి థాయ్ మగూర్. ఈ చేప మానవ ఆరోగ్యానికి మాత్రమే కాకుండా జలచరాలకు కూడా ప్రమాదకరం. కేంద్ర ప్రభుత్వం దీని పెంపకం, అమ్మకం, వినియోగాన్ని పూర్తిగా నిషేధించింది. ఈ థాయ్ మగూర్ చేపలలో క్యాన్సర్‌కు కారణమయ్యే పదార్థాలు ఉంటాయని నిపుణులు హెచ్చరిస్తున్నారు. వీటిని తినడం వల్ల శరీరంలో హానికరమైన విష పదార్థాలు ఉత్పత్తి అయ్యే అవకాశం ఉంది. ఇది దీర్ఘకాలంలో క్యాన్సర్ వంటి తీవ్రమైన వ్యాధులకు దారితీస్తుంది. అందుకే దీనిని క్యాన్సర్ కారక చేప అని కూడా పిలుస్తారు.

ఎందుకు నిషేధించారు..?

థాయ్ ముంగూస్ చేపలను నిషేధించడానికి కేవలం ఆరోగ్య కారణాలు మాత్రమే కాక పర్యావరణపరమైన అంశాలు కూడా ఉన్నాయి.

పర్యావరణ విధ్వంసం: ఈ చేప మొదట థాయిలాండ్ నుండి భారతదేశానికి వచ్చింది. ఇది మాంసాహారం కావడంతో ఇతర చిన్న చేపలను వేటాడి తింటుంది. దీని వలన స్థానిక జాతుల సంఖ్య గణనీయంగా తగ్గి, జలచరాలకు తీవ్రమైన ముప్పు కలిగింది. అందుకే 2000 సంవత్సరంలో నేషనల్ గ్రీన్ ట్రిబ్యునల్ ఈ చేపను నిషేధించింది.

అపరిశుభ్రమైన పెంపకం: ఈ చేపలను పెంచేటప్పుడు మత్స్యకారులు వాటికి కుళ్ళిన మాంసం, మురుగునీటిలోని వ్యర్థాలను తినిపిస్తారు. ఇది నీటి వనరులను కలుషితం చేయడమే కాకుండా ఈ చేపలను విషపూరితం చేస్తుంది.

వ్యాధులు వ్యాప్తి: అదనంగా ఈ చేపలలో ఉండే పరాన్నజీవులు ఇతర స్థానిక చేపలకు తీవ్రమైన వ్యాధులను వ్యాపింపజేస్తాయి.

ప్రజలకు హెచ్చరిక

చేపలు కొనేటప్పుడు వినియోగదారులు ఎల్లప్పుడూ అప్రమత్తంగా ఉండాలి. ఆరోగ్యానికి సురక్షితమైన వాటిని మాత్రమే కొనుగోలు చేయాలి. స్థానిక, సాంప్రదాయ చేపలకు ప్రాధాన్యత ఇవ్వడం ఉత్తమం. థాయ్ క్యాట్‌ఫిష్‌ను మార్కెట్‌లో ఎక్కడ చూసినా దానిని పూర్తిగా నివారించడం మీ ఆరోగ్యానికి అత్యంత మంచిది.

మరిన్ని హెల్త్ వార్తల కోసం క్లిక్‌ చేయండి.