పండ్లు, కూరగాయలు తాజాగా ఉండటం లేదా..? అయితే ఒక్కసారి వీటిని పాటించండి.. తేడా మీకే తెలుస్తుంది..

How to Keep Vegetables Fresh : ఒక్కసారి మార్కెట్‌కి వెళితే వారం రోజులు సరిపడా కూరగాయలు, పండ్లు తెచ్చేసుకుంటాం.. అయితే వాటిని నిల్వ చేయడం ఇబ్బందిగా ఉంటుంది. చాలా రోజులు ఇవి తాజాగా ఉండాలంటే ఏం చేయాలో ఇప్పుడు తెలుసుకుందాం..

  • uppula Raju
  • Publish Date - 12:52 pm, Sat, 27 March 21
1/5
Vegetables 1
కూరగాయలు ఎక్కువ రోజులు తాజాగా ఉండాలంటే జిప్పర్‌ బ్యాగ్స్‌లో పెట్టి ఫ్రిజ్‌లో నిల్వ చేయాలి. అలాంటి బ్యాగులు అందుబాటులో లేకపోతే మామూలు కవర్లకే చిన్న చిన్న రంధ్రాలు చేయచ్చు. ఫలితంగా కాయగూరలకు గాలి తగిలి అవి కుళ్లిపోకుండా ఉంటాయి.
2/5
Vegetables 2
కొన్ని రకాల పండ్లు, కూరగాయలు ఇథిలీన్‌ వాయువును విడుదల చేస్తాయి. అది ఆ పండ్లు, కాయగూరల్ని త్వరగా పక్వానికి వచ్చేలా చేస్తుంది. యాపిల్స్‌, ఆప్రికాట్స్‌, ఖర్బూజా వంటి ఇథిలీన్‌ విడుదల చేసే పండ్లను ఫ్రిజ్‌లో నిల్వ చేసినప్పటికీ వాటిని ఆకుకూరలకు దూరంగా ఉంచాలన్న విషయం తెలుసుకోండి.
3/5
Vegetables3
అన్ని వంటకాల్లో ఉపయోగించే టమోటను కిలోలకు కిలోలు కొంటుంటారు. ఈ క్రమంలోనే అన్నీ పండినవి కాకుండా కొన్ని పచ్చిగా ఉన్న టొమాటోలను తీసుకోవడానికి ఆసక్తి చూపిస్తుంటారు. అలా పూర్తిగా పండని టొమాటోలను గది ఉష్ణోగ్రత వద్ద, సూర్యకాంతి తగలకుండా నిల్వ చేస్తే రెండు మూడు రోజుల్లో పండుతాయి.
4/5
Vegetables4
ద్రాక్ష పండ్లను నిల్వ చేసే ముందు వాటిని నీటితో బాగా కడిగి.. తడిలేకుండా ఆరబెట్టాలి. అనంతరం టిష్యూ పేపర్లలో చుట్టి ఫ్రిజ్‌లో పెట్టుకుంటే ఎక్కువ కాలం తాజాగా ఉంటాయి.
5/5
Vegetables 5
అరటి పండ్లను ఫ్రిజ్‌లో పెట్టడం కంటే బయట ఉంచితేనే ఎక్కువ కాలం తాజాగా ఉంటాయి. వాటిని ఫ్రిజ్‌లో పెట్టడం వల్ల వాటి తొక్క త్వరగా నల్లగా మారుతుంది.