కీరా దోసకాయ కొంటున్నారా? 4 సింపుల్ ట్రిక్స్‌తో చేదుగా ఉందో లేదో కనిపెట్టేయండి

వేసవి కాలంలో శరీరాన్ని చల్లబరిచే అద్భుతమైన ఆహారం కీరా దోసకాయ. నీటి శాతం ఎక్కువగా ఉండటం వల్ల ఇది మనల్ని హైడ్రేటెడ్‌గా ఉంచుతుంది. అయితే, మార్కెట్ నుండి తెచ్చిన కీరా ఒక్కోసారి చేదుగా ఉండి మూడ్‌ని పాడు చేస్తుంది. పైన బాగానే కనిపించినా లోపల చేదుగా ఉండటానికి కారణం ఏమిటి? చేదు లేని కీరాను ఎలా ఎంచుకోవాలి? అనే విషయాల గురించి తెలుసుకుందాం.

• కీరా కొనేటప్పుడు రంగు చాలా ముఖ్యం. ముదురు ఆకుపచ్చ రంగులో ఉండి, కాంతివంతంగా మెరుస్తున్న కీరాలు ఎప్పుడూ ఫ్రెష్‌గా ఉంటాయి. ఒకవేళ కీరా పసుపు రంగులోకి మారిపోయి కనిపిస్తే అది ఎక్కువగా పండిపోయిందని అర్థం. అలాంటి కీరాలు దాదాపు చేదుగానే ఉంటాయి.
• చాలామంది పెద్దగా ఉన్న కీరా దోసకాయలను చూసి ఆకర్షితులవుతారు. కానీ, అతి పెద్ద కీరాల్లో గింజలు ఎక్కువగా ఉండి, రుచి తక్కువగా ఉంటుంది. అలాగని మరీ చిన్నవి కూడా అంత బాగుండవు. ఎప్పుడూ మధ్యస్థ సైజ్ కీరాలనే ఎంచుకోండి. ఇవి తినడానికి రుచిగా, గింజలు తక్కువగా ఉంటాయి.
• కీరా దోసకాయను చేతితో పట్టుకుని ఒకసారి నొక్కి చూడండి. మంచి కీరా ఎప్పుడూ గట్టిగా ఉంటుంది. మీరు నొక్కినప్పుడు అది మృదువుగా లేదా సాఫ్ట్‌గా అనిపిస్తే అది నిల్వ ఉన్నదని అర్థం. లోపల పాడైపోయి ఉండటం లేదా చేదుగా ఉండే అవకాశం ఇలాంటి వాటికి ఎక్కువగా ఉంటుంది.
• సూటిగా, స్మూత్‌గా ఉన్న కీరాలు రుచిగా ఉంటాయి. వంకరగా, అసమానంగా ఉన్న కీరాలు సరిగ్గా పెరగలేదని, అందువల్ల అవి చేదుగా ఉండొచ్చని గుర్తుంచుకోండి. అలాగే మరీ బరువుగా అనిపించే కీరాల్లో గింజలు నిండిపోయి ఉంటాయి. తేలికగా, ఫ్రెష్‌గా అనిపించే కీరాలే మేలు.

కీరా దోసకాయ కొనేటప్పుడు ఈ చిన్నపాటి జాగ్రత్తలు పాటిస్తే మీ డబ్బు వృథా కాదు. ఆకుపచ్చగా ఉండాలి, మధ్యస్థ సైజులో ఉండాలి, గట్టిగా ఉండాలి.. ఈ మూడు సూత్రాలు పాటిస్తే మీరు తియ్యని కీరాను ఆస్వాదించవచ్చు.