పాషన్ ఫ్రూట్ ప్రయోజనాలు పుష్కలం..! తెలిస్తే ఇకపై అస్సలు వదులుకోరు..
ఇది తిన్న తర్వాత రక్తంలో చక్కెర పెరుగుదలను నియంత్రిస్తుంది. పాషన్ ఫ్రూట్లో విటమిన్ ఎ పుష్కలంగా ఉంటుంది. ఇది కంటి చూపును మెరుగుపరచడంలో సహాయపడుతుంది. ఇది రేచీకటి, దృష్టి లోపం వంటి సమస్యలను దూరం చేస్తుంది. ఎముకలు, దంతాలు దృఢంగా ఉంటాయి. ఊపిరితిత్తులు బలోపేతమవుతాయి. శ్వాస సమస్యలు తొలగిపోతాయి.
Updated on: Apr 14, 2024 | 10:48 AM
పండ్లలో చాలా రకాలు ఉన్నాయి. అయితే, ఇటీవల బాగా ప్రాచుర్యంలోకి వచ్చిన ఒక కొత్త పండు పాషన్ ఫ్రూట్. ఈ పాషన్ ఫ్రూట్ లోపల గుజ్జు, గింజలతో నిండి ఉంటుంది. దీని తొక్క మాత్రం గట్టిగా చూడటానికి ఏ మారేడు కాయో అనిపించేలా ఉంటుంది. ఊదా రంగులోనూ, పసుపు రంగులోనూ ఈ పండు ఉంటుంది. ఈ పండులో అవసరమైన విటమిన్లు, ఖనిజాలు పుష్కలంగా ఉంటాయి. ముఖ్యంగా ఇందులో ఉండే విటమిన్ సి రోగనిరోధక శక్తిని పెంచుతుంది. ఆరోగ్యకరమైన చర్మానికి సహాకరిస్తుంది. పాషన్ ఫ్రూట్ లో పెద్ద మొత్తంలో విటమిన్ ఎ, కాల్షియం, పొటాషియం, మెగ్నీషియం కూడా ఉంటాయి. ఫైబర్, యాంటీఆక్సిడెంట్లు కూడా సమృద్ధిగా ఉంటాయి. యాంటీఆక్సిడెంట్లకు శక్తివంతమైన మూలం. ఇది ఇతర ఆరోగ్య ప్రయోజనాలను కూడా కలిగి ఉంది.
పాషన్ ఫ్రూట్లో విటమిన్ ఎ అధిక స్థాయిలో ఉంటుంది. ఇది చర్మం, దృష్టి, రోగనిరోధక వ్యవస్థకు ముఖ్యమైనది. ఇందులో విటమిన్ సి కూడా పుష్కలంగా ఉంటుంది. పాషన్ ఫ్రూట్లో విటమిన్ ఎ అధిక స్థాయిలో ఉంటుంది. పాషన్ ఫ్రూట్లో యాంటీ ఆక్సిడెంట్లు పుష్కలంగా ఉంటాయి. ఇది శరీరంలో హానికరమైన ఫ్రీ రాడికల్స్ను తటస్థీకరించడంలో సహాయపడే సమ్మేళనం. శరీర వ్యవస్థలను ఆరోగ్యంగా ఉంచడంలో యాంటీఆక్సిడెంట్లు ముఖ్యమైన పాత్ర పోషిస్తాయి. ఇది సెల్యులార్ ఒత్తిడిని తగ్గిస్తుంది. శరీరంలో వాపును తగ్గిస్తుంది. పాషన్ ఫ్రూట్ గుజ్జులో చాలా డైటరీ ఫైబర్ ఉంటుంది. ప్రతి ఆహారంలో ఫైబర్ కీలకమైన భాగం. ఇది జీర్ణవ్యవస్థను క్రమబద్ధీకరించడానికి, ప్రేగులను ఆరోగ్యంగా ఉంచడానికి సహాయపడుతుంది. ప్యాషన్ ఫ్రూట్ సీడ్స్లో ఉండే సమ్మేళనం మన ఇన్సులిన్ సెన్సిటివిటీని మెరుగుపరుస్తుంది. ఇన్సులిన్ సెన్సిటివిటీని మెరుగుపరచడం మధుమేహంతో సహా అనేక వ్యాధుల ప్రమాదాన్ని తగ్గించడంలో సహాయపడుతుంది.
మధుమేహ వ్యాధిగ్రస్తులకు ఇది మంచి ఎంపిక. పాషన్ ఫ్రూట్ అనేది తక్కువ గ్లైసెమిక్ ఇండెక్స్ (GI) విలువ కలిగిన ఉష్ణమండల పండు. ఇది తిన్న తర్వాత రక్తంలో చక్కెర పెరుగుదలను నియంత్రిస్తుంది. పాషన్ ఫ్రూట్లో విటమిన్ ఎ పుష్కలంగా ఉంటుంది. ఇది కంటి చూపును మెరుగుపరచడంలో సహాయపడుతుంది. ఇది రేచీకటి, దృష్టి లోపం వంటి సమస్యలను దూరం చేస్తుంది. ఎముకలు, దంతాలు దృఢంగా ఉంటాయి. ఊపిరితిత్తులు బలోపేతమవుతాయి. శ్వాస సమస్యలు తొలగిపోతాయి.
మరిన్ని లైఫ్ స్టైల్ న్యూస్ కోసం క్లిక్ చేయండి…
