Heart Health: గుండె ఆరోగ్యాన్ని మెరుగుపరిచే సూపర్ ఫుడ్స్.. తింటే చెడు కొలెస్ట్రాల్ ఇట్టే మాయం..
Healthy Heart: కొన్ని రకాల ఆరోగ్య సమస్యలు నిర్ధిష్ట కాలంలో మాత్రమే వస్తుంటాయి. అయితే వాటి కంటే సీజన్‌తో సంబంధం లేకుండా తలెత్తే వ్యాధులు, ఆరోగ్య సమస్యలే ఎక్కువ సంఖ్యలో ఉన్నాయి. అలాంటి వ్యాధుల్లో ప్రముఖమైనవి గుండెపోటు, కొలెస్ట్రాల్ సమస్యలు. ఈ సమస్యలే..
Healthy Heart: కొన్ని రకాల ఆరోగ్య సమస్యలు నిర్ధిష్ట కాలంలో మాత్రమే వస్తుంటాయి. అయితే వాటి కంటే సీజన్‌తో సంబంధం లేకుండా తలెత్తే వ్యాధులు, ఆరోగ్య సమస్యలే ఎక్కువ సంఖ్యలో ఉన్నాయి. అలాంటి వ్యాధుల్లో ప్రముఖమైనవి గుండెపోటు, కొలెస్ట్రాల్ సమస్యలు. ఈ సమస్యలే ప్రపంచ మానవాళిని వణికిస్తున్న ఆరోగ్య సమస్యలలో ప్రథమ స్థానంలో ఉన్నాయి. ఇక ఈ సమస్యలు జీవనశైలి, ఆహారపు అలవాట్ల కారణంగానే పరిణమిస్తాయని వైద్య నిపుణులు పేర్కొంటున్నారు. ఈక్రమంలో కొన్ని రకాల ఆహారాలను మన డైట్‌లో చేర్చుకోవడం ద్వారా హృదయ సంబంధిత సమస్యలను దూరంగా ఉంచవచ్చంటున్నారు నిపుణులు. అయితే ఈ హృదయ సంబంధిత సమస్యలకు ప్రధాన కారణం కొలెస్ట్రాల్. శరీరంలో కొలెస్ట్రాల్ స్థాయి తక్కువగా ఉంటే గుండెపోటు సమస్య తలెత్తే అవకాశం కూడా తగ్గుముఖం పడుతుంది. ఈ నేపథ్యంలో శరీరంలోని కొలెస్ట్రాల్‌ని తగ్గించి, గుండెను కాపాడే ఆహారాలేమిటో ఇప్పుడు తెలుసుకుందాం..
ద్రాక్ష: గుండె ఆరోగ్యాన్ని కాపాడే పండ్లలో ద్రాక్ష ప్రముఖమైనది. ద్రాక్షలోని ఫైబర్, యాంటీ ఆక్సిడెంట్లు కొలెస్ట్రాల్ తగ్గించడంలో దోహదపడతాయి. తద్వారా గుండెను రక్షించుకోవడంతో పాటు జీర్ణ వ్యవస్థ పనితీరును కూడా మెరుగుపరుస్తాయి.
పియర్: కొలెస్ట్రాల్‌ని తగ్గించే గుణాలు పియర్‌లో ఎక్కువగా ఉండడం వల్ల ఇది మీ గుండెను కాపాడగలుగుతుంది. ఇంకా ఇందుకలో పుష్కలంగా ఉండే ప్రోటీన్లు, విటమిన్లు, మినరల్స్, యాంటీ ఆక్సిడెంట్లు ఇతర ఆరోగ్యప్రయోజనాలను కూడా అందిస్తాయి.
యాపిల్: యాపిల్‌లో పుష్కలంగా ఉండే పోలిఫెనాల్స్, యాంటీ ఆక్సిడెంట్లు, ఫైబర్ కొలెస్ట్రాల్‌ను తగ్గించేందుకు ఉపయోగకరంగా ఉంటాయి. ఇవి శరీరంలో మెటబోలిజం స్థాయిని పెంచి కొలెస్ట్రాల్‌ను తగ్గించడంలో దోహదపడతాయి.
బొప్పాయి: బొప్పాయి కూడా గుండె ఆరోగ్యానికి చాలా మంచిది. ఇందులో ఫైబర్, యాంటీ ఆక్సిడెంట్లు, విటమిన్ సి వంటి పోషకాలు చాలా ఎక్కువగా ఉండడం వల్ల కొలెస్ట్రాల్ చాలా వేగంగా కరుగుతుంది. బొప్పాయితో బ్లడ్ ప్రెషర్ కూడా నియంత్రణలో ఉంటుంది.
ఆరెంజ్, నిమ్మ: ఆరెంజ్, నిమ్మలను తీసుకోవడం ద్వారా కొలెస్ట్రాల్ వేగంగా కరుగుతుంది. ఇందులో విటమిన్ సి, యాంటీ ఆక్సిడెంట్లు పెద్ద మొత్తంలో ఉండడమే ఇందుకు ప్రధాన కారణం. తద్వారా హృదయ సంబంధిత వ్యాధులను నియంత్రించగలవు.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..
