Health: ఓరీ దేవుడో.. ఒంటరిగా తినటం ఎంత డేంజర్‌ తెలుసా..? మీరు రిస్క్‌లో పడ్డట్లే.. షాకింగ్ స్టడీ..!

నేటి హడావిడి జీవితాల్లో, చాలా మంది ఒంటరిగా తింటారు. ఆఫీసులో లంచ్ బ్రేక్ అయినా, ఇంట్లో డిన్నర్ సమయం అయినా, చాలా మంది తమ ఫోన్ లేదా ల్యాప్‌టాప్ ముందు కూర్చుని ఒంటరిగా తింటారు. ఈ అలవాటు మొదట చిన్న విషయంగా అనిపించవచ్చు. కానీ, నిరంతరం ఒంటరిగా తినడం మానసిక ఆరోగ్యంపై తీవ్రమైన ప్రభావాన్ని చూపుతుందని నిపుణులు హెచ్చరిస్తున్నారు. ఒంటరిగా తినే అలవాటు మానసిక ఆరోగ్యానికి ప్రమాదకరం. కొత్త పరిశోధన ఒక దిగ్భ్రాంతికరమైన విషయాన్ని వెల్లడించింది.

Eating Alone

Jyothi Gadda |
Updated on: Aug 31, 2026 | 11:16 AM

నేటి బిజీ డిజిటల్ యుగంలో ఆఫీసు పని ఒత్తిడి, ఒంటరిగా నివసించడం లేదా ఫోన్లు చూస్తూ తినే అలవాటు వల్ల చాలామంది ఒంటరిగానే భోజనం చేస్తున్నారు. అయితే, ఈ అలవాటు దీర్ఘకాలంలో మన మెదడు ఆరోగ్యం, మానసిక స్థితిపై తీవ్రమైన ప్రతికూల ప్రభావాన్ని చూపుతుందని అధ్యయనాలు చెబుతున్నాయి.

మానసిక ఆరోగ్యంపై ఒంటరి భోజనం ప్రభావం:

డిప్రెషన్ మరియు ఏకాంత భావన : ఆహారం అనేది కేవలం కడుపు నింపుకోవడానికే కాకుండా అనుబంధాలను పంచుకోవడానికి కూడా ఒక వేదిక. ఒంటరిగా తిన్నప్పుడు మనుషులలో ఎవరూ లేరనే భావన పెరిగి, అది క్రమంగా డిప్రెషన్‌కు దారితీసే ప్రమాదం ఉంది.

హార్మోన్ల అసమతుల్యత: మనసుకి ఇష్టమైన వారితో లేదా కుటుంబంతో కలిసి తిన్నప్పుడు మెదడులో ఆక్సిటోసిన్, సెరోటోనిన్ వంటి ‘ఫీల్ గుడ్’ హార్మోన్లు విడుదలవుతాయి. ఒంటరిగా తిన్నప్పుడు ఇవి లోపించి, ఒత్తిడిని కలిగించే ‘కార్టిసోల్’ హార్మోన్ స్థాయి పెరుగుతుంది.

ఇవి కూడా చదవండి

అనారోగ్యకరమైన తిండి అలవాట్లు: ఒంటరిగా తినేవారు తరచుగా టీవీ లేదా మొబైల్ చూస్తూ తింటారు. దీనివల్ల ఎంత తింటున్నామనే స్పృహ ఉండదు . ఇది అధిక బరువు లేదా ఆకలి తగ్గకపోవడం వంటి సమస్యలకు దారితీస్తుంది.

మెదడు చురుకుదనం తగ్గడం: నలుగురితో కలిసి మాట్లాడేటప్పుడు మెదడు చురుగ్గా పనిచేస్తుంది. ఒంటరిగా భోజనం చేయడం వల్ల సామాజిక పరస్పర చర్యలు తగ్గి, మానసిక ఉత్సాహం నశిస్తుంది.