Lifestyle: కాలిన గాయానికి టూత్‌పేస్ట్ రాస్తున్నారా.?

వంట గదిలో గాయాలు కావడం సర్వసాధారణమైన విషయం. వంట చేస్తున్న సమయంలో పొరపాటున చేతులు కాల్చుకుంటుంటారు. ఇది మహిళలు ఎదుర్కొనే కామన్‌ ప్రాబ్లమ్‌. అయితే ఇలా గాయం కాగానే మనలో చాలా మంది తొలుత వంటింటి చిట్కాలనే ఉపయోగిస్తారు. అయితే ఇలా కాలిన గాయాలకు చేసే కొన్ని చిట్కాలు గాయాన్ని మరింత పెంచే అవకాశం ఉంటుంది. అవేంటో ఇప్పుడు తెలుసుకుందాం..

* కాలిన గాయాలపై టూత్ పేస్ట్ రాస్తే తగ్గిపోతుందని చాలా మంది భావిస్తుంటారు. అయితే దీనివవల్ల వాపు వచ్చే అవకాశం ఉంటుంది. నొప్పి పెరగడమే కాకుండా ఇన్ఫెక్షన్‌ వచ్చే ప్రమాదం ఉంటుందని నిపుణులు చెబుతున్నారు.

* ఇక చేయి కాలిన వెంటనే చల్లటి నీటిని లేదా మంచును అప్లై చేస్తుంటారు. అయితే ఇది కూడా మంచిది కాదని నిపుణులు చెబుతున్నారు. ఇలా చేయడం వల్ల అప్పటికే కాలిన ప్రాంతానికి రక్తసరఫర తగ్గుతుంది. దీంతో చర్మం మరింత దెబ్బ తింటుంది. కాబట్టి చల్లటి నీరు కంటే నార్మల్ వాటర్‌ ఉపయోగించేడమే బెటర్‌.

* గాయం కాగానే వచ్చిన పొక్కనును వెంటనే తొలగిస్తే గాయం త్వరగా నయమవుతుందని చాలా మంది భావిస్తుంటారు. అయితే దీనివల్ల వైద్యల మరింత క్లిష్టతరమయ్యే అవకాశం ఉంటుంది.

* ఇక చర్మం కాలిన స్థాయి బట్టే చికిత్స తీసుకోవాలి. అన్నింటికీ ఇంట్లోనే చికిత్స సరిపోతుందని అనుకోవద్దు. గాయం తీవ్రతను బట్టి వైద్యులను సంప్రదించడం బెస్ట్‌.

* కాలిన గాయం కాగానే మనలో చాలా మంది వెంటనే నెయ్యితో రుద్దుతుంటారు. అయితే దీనివల్ల మరింత ఇబ్బంది ఏర్పాడే అవకాశం ఉంటుంది. మంటను మరింత పెంచే అవకాశం ఉంటుంది. కాబట్టి డాక్టర్లు సూచించిన ఆయింట్‌మెంట్‌లను ఉపయోగించడమే ఉత్తమం.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్ స్టైల్ వార్తల కోసం క్లిక్ చేయండి..