Storage Tips: మాంసం ఫ్రిజ్‌లో ఎక్కువ రోజులు ఫ్రెష్‌గా ఉండాలంటే ఇలా చేయండి..

సాధారణంగా అప్పుడప్పుడు నాన్ వెజ్ ఎక్కువగా తీసుకొచ్చినప్పుడు చాలా వరకు అందరూ ఫ్రిజ్‌లోనే స్టోర్ చేస్తూ ఉంటారు. కూరగాయల లాగానే వీటిని కూడా ఫ్రిజ్‌లో ఉంచుతారు. మీరు కూడా ఇలాగే ఎక్కువ మొత్తంలో మాంసాన్ని ఫ్రిజ్‌లో స్టోర్ చేస్తే ఇప్పుడు చెప్పే టిప్స్ మీకు ఖచ్చితంగా హెల్ప్ అవుతాయి. ఎందుకంటే చాలా మందికి ఫ్రిజ్‌లో నాన్ వెజ్ స్టోర్ చేయడం రాక.. మాంసం త్వరగానే పాడైపోవడం జరుగుతూ ఉంటుంది. కానీ ఇప్పుడు చెప్పినట్టు చేస్తే మాత్రం.. ఖచ్చితంగా మాంసం వారం రోజులు అయినా పాడవకుండా తాజాగా ఉంటుంది. మరి ఆ టిప్స్ ఏంటి? ఏం చేయాలో ఇప్పుడు చూడండి.

ఫ్రీజింగ్:

మీరు స్టోర్ చేసే నాన్ వెజ్ త్వరగా పాడవకుండా ఎక్కువ రోజులు తాజాగా ఉండాలంటే.. ఫ్రిజింగ్ అనేది చాలా అవసరం. మీరు బయట నుంచి తీసుకొచ్చిన మాంసాన్ని వెంటనే శుభ్రంగా క్లీన్ చేసి.. ఒక ప్లాస్టిక్ కంటైనర్స్ లేదా అల్యూమినియం ఫాయిల్ పేపర్స్‌లో చుట్టి గాలి తగలకుండా ఫ్రీజింగ్ చేయవచ్చు. ఇలా చేయడం మాంసం త్వరగా పాడవకుండా ఉంటుంది. అలాగే ఎక్కువు రోజులు కూడా ఫ్రెష్‌గా ఉంటుంది. మీకు కావాల్సినప్పుడు ముందుగానే తీసి సాధారణ నీటిలో ఉంచితే సరిపోతుంది.

సాల్టింగ్:

ఈ పద్దతిలో కూడా మాంసం త్వరగా పాడవకుండా ఉంటుంది. ఎక్కువ రోజులు కూడా ఫ్రెష్‌గా ఉంటుంది. ఒక గిన్నెలో కొద్దిగా ఉప్పు, మాంసం వేసి ఓ గంట పాటు అయినా అలాగే ఉంటాయి. ఈ ఉప్పు కారణంగా మాంసం త్వరగా పాడవదు. బ్యాక్టీరియా పెరగకుండా ఉంటుంది. నేరుగా ఉప్పును మాంసంపై కూడా రుద్దవచ్చు. ఇప్పుడు దీన్ని ఫ్రిజింగ్ చేస్తే.. పది రోజుల వరకు నిల్వ ఉంటుంది.

ఇవి కూడా చదవండి

జామ చెట్టు ఆకులను ఇలా వాడారంటే షుగర్, బీపీకి బైబై చెప్పొచ్చు..

బియ్యం కడిగిన నీళ్లతో అందం, ఆరోగ్యం.. డోంట్ మిస్!

కొరియన్స్ లాంటి చర్మం కావాలంటే.. ఇలా ట్రై చేయండి..

ఈ ఆకుకూర వారంలో ఒక్కసారి తిన్నా.. రోగాలే రావు!

ఎండబెట్టి:

ఫ్రిజ్‌లు వంటివి లేనప్పుడు పూర్వం మాంసాన్ని ఎండబెట్టి ఉపయోగించేవారు. దీని టేస్టు కూడా రుచిగానే ఉంటుంది. మాంసం ఎక్కువగా ఉన్నప్పుడు ఈ చిట్కా బాగా యూజ్ అవుతుంది. మాంసాన్ని శుభ్రంగా క్లీన్ చేసి.. ఉప్పు, పసుపు వేసి మ్యారినేట్ చేసి ఓ గంట పాటు అలానే ఉంచాలి. ఇప్పుడు దీన్ని ఎండలో బాగా ఎండ పెట్టాలి. ఇవి బాగా ఎండిన తర్వాత గాలి తగలకుండా స్టోర్ చేసుకోవచ్చు. అలాగే వీటిని ఫ్రిజ్‌లో కూడా స్టోర్ చేయవచ్చు.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ వార్తల కోసం క్లిక్ చేయండి..