Rice vs Chapati: చపాతీ.. అన్నం.. రాత్రి కమ్మని నిద్ర పట్టాలంటే ఏది తినాలి? మీరనుకునేది మాత్రంకాదు..
కొంతమంది రాత్రి భోజనానికి వేర్వేరు ఆహారాలు తింటుంటారు. మనలో చాలా మంది రాత్రి భోజనానికి చపాతీ తింటారు. కొందరు మధ్యాహ్న భోజనానికి అన్నం తింటారు. బరువు తగ్గడానికి ప్రయత్నిస్తున్న వారు రాత్రి పూట ఎక్కువగా చపాతీని ఎంచుకుంటారు. అయితే కొన్నిసార్లు ఎంత కళ్ళు మూసుకున్నా రాత్రి తర్వాత నిద్రపోలేరు. ఇందుకు కారణం ఏంటో తెలుసా..
Updated on: Sep 01, 2025 | 9:24 PM
మనం తినే ఆహారం నిద్రను ప్రభావితం చేస్తుందనే సంగతి మీకు తెలుసా? కొంతమంది రాత్రి భోజనానికి వేర్వేరు ఆహారాలు తింటుంటారు. మనలో చాలా మంది రాత్రి భోజనానికి చపాతీ తింటారు. కొందరు మధ్యాహ్న భోజనానికి అన్నం తింటారు. బరువు తగ్గడానికి ప్రయత్నిస్తున్న వారు రాత్రి పూట ఎక్కువగా చపాతీని ఎంచుకుంటారు. అయితే కొన్నిసార్లు ఎంత కళ్ళు మూసుకున్నా రాత్రి తర్వాత నిద్రపోలేరు. కానీ రాత్రి కమ్మని నిద్ర పట్టాలంటే, ఈ రెండింటిలో ఏది మంచిదో తెలుసుకోవడం చాలా ముఖ్యం. అన్నం.. చపాతీ… ఏ ఆహారం బాగా నిద్రపోవడానికి సహాయపడుతుంది? దీని గురించి నిపుణులు ఏం చెబుతున్నారో ఇక్కడ తెలుసుకుందాం..
అన్నం తినడం వల్ల ఏమిటి ప్రయోజనం?
రాత్రి భోజనంలో అన్నం తినడం వల్ల కడుపు నిండిన అనుభూతి కలుగుతుంది. అన్నం త్వరగా జీర్ణమవుతుంది. అందుకే చాలా మంది రాత్రిపూట అన్నం తినడానికి ఇష్టపడతారు. బియ్యం అధిక గ్లైసెమిక్ ఆహారం. ఇది మెదడులో ట్రిప్టోఫాన్ విడుదల చేయడం ద్వారా రాత్రి పూట త్వరగా నిద్రపోవడానికి సహాయపడుతుంది.
అదే.. చపాతీ తింటే..?
చపాతీలలో ఫైబర్, కాంప్లెక్స్ కార్బోహైడ్రేట్లు పుష్కలంగా ఉంటాయి. ఇవి శక్తిని నెమ్మదిగా విడుదల చేస్తాయి. ఇవి రక్తంలో చక్కెర స్థాయిలను నియంత్రిస్తాయి. కాబట్టి, బరువు తగ్గాలనుకునేవారు, మధుమేహం ఉన్నవారు చపాతీలు తినడం మంచిది. ఈ చపాతీలు జీర్ణం కావడానికి ఎక్కువ సమయం పడుతుంది. అందువల్ల రాత్రిపూట చపాతీలు తినడం వల్ల కడుపు నిండిన అనుభూతి, భారంగా అనిపించవచ్చు.
అన్నం vs చపాతీ: నిద్రకు ఏది మంచిది?
మీరు తినే ఆహారం నిద్ర చక్రంపై ప్రభావం చూపుతుందనే విషయం గుర్తుంచుకోండి. అందుకే రాత్రి భోజనానికి అన్నం తినడం మంచిది. ఎందుకంటే ఇది సులభంగా జీర్ణమవుతుంది. శరీరంపై అంత భారం పడదు. దీంతో త్వరగా నిద్రపోవడానికి సహాయపడుతుంది. చపాతీ తినడం వల్ల కడుపు ఉబ్బరంగా, బరువుగా అనిపిస్తుంది. అందువల్ల రాత్రి భోజనానికి చపాతీ కంటే అన్నం మంచిదని నిపుణులు అంటున్నారు. ఎందుకంటే ఇది మీకు బాగా నిద్రపోవడానికి సహాయపడుతుంది.
మరిన్ని ఆరోగ్య కథనాల కోసం క్లిక్ చేయండి.
