Kiwi Health Benefits: వావ్.. కివీ ఫ్రూట్స్‌తో ఇన్ని లాభాలా..? టెన్షన్‌ లేకుండా లాగించేయండి..!

కివీ ఫ్రూట్‌తో బోలెడన్ని ప్రయోజనాలు నిండివున్నాయి. కివీ ఫ్రూట్‍‌లో ఫైబర్‌ కంటెంట్‌ జీర్ణవ్యస్థకు మేలు చేస్తుంది. కివీ పండులో విటమిన్‌ C పుష్కలంగా ఉంటాయి.. దీంతో ఇన్ఫెక్షన్లు వచ్చే ఛాన్స్ తక్కువ. రోగనిరోధక వ్యవస్థ మెరుగుపడుతుంది. ఎముకల గట్టితనానికి కివీలోని విటమిన్‌ K బాగా సహాయపడుతుంది. ఊపిరితిత్తుల పనితీరును మెరుగుపరుస్తుంది. కివీ పండు తిన్నాక కడుపు నిండుగా ఉన్నట్లు అనిపిస్తుంది. మలబద్ధకం వంటి జీర్ణ సమస్యలనూ దూరం చేస్తుంది.

కివిలో ఆక్టినిడిన్ అనే ఎంజైమ్ ఉంటుంది, ఇది ప్రోటీన్లను విచ్ఛిన్నం చేయడంలో సహాయపడుతుంది, జీర్ణక్రియను సులభతరం చేస్తుంది. కివీ పండులో సెరోటోనిన్ అనే న్యూరోట్రాన్స్‌మిటర్ నిద్రను ప్రోత్సహించడంలో సహాయపడుతుంది. కొన్ని అధ్యయనాల ప్రకారం, కివీ పండు తినడం వల్ల నిద్ర నాణ్యత, నిద్ర వ్యవధి మెరుగుపడుతుంది. కివీ పండ్లలో కంటి ఆరోగ్యానికి ముఖ్యమైన లుటిన్, జియాక్సంతిన్ వంటి యాంటీఆక్సిడెంట్లు ఉంటాయి. వయస్సు-సంబంధిత మచ్చల క్షీణత (AMD), కంటిశుక్లం వంటి కంటి సమస్యల ప్రమాదాన్ని తగ్గించడంలో ఇవి సహాయపడతాయి.

కివీ పండులోని విటమిన్ సి, యాంటీ ఆక్సిడెంట్లు చర్మ ఆరోగ్యాన్ని మెరుగుపరుస్తాయి. కొల్లాజెన్ ఉత్పత్తికి విటమిన్ సి అవసరం. ఇది చర్మాన్ని యవ్వనంగా, ఆరోగ్యంగా ఉంచడంలో సహాయపడుతుంది. కివీ పండ్లలో గ్లైసెమిక్ ఇండెక్స్ తక్కువగా ఉంటుంది. అంటే అవి రక్తంలో చక్కెర స్థాయిలను త్వరగా పెంచవు. మధుమేహం ఉన్నవారికి లేదా రక్తంలో చక్కెర స్థాయిలను నియంత్రించాలనుకునే వారికి ఇది మంచి ఆహారం.

ఇవి కూడా చదవండి

పట్టాలు తప్పిన రైలు.. మూడు బోగీలు ధ్వంసం

SLBC ప్రమాదంపై సీఎం దిగ్భ్రాంతి.. అధికారులకు కీలక ఆదేశాలు

ధనియాల నీటిని ఇలా రోజూ తాగండి...ఫలితం మామూలుగా ఉండదుగా..

బాబోయ్‌.. వీరు బీట్‌రూట్ అతిగా తింటే అంతే సంగతి.. మీ బాడీలో ఈ పార

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని లైఫ్ స్లైల్ న్యూస్ కోసం క్లిక్ చేయండి..