అమ్మమ్మల కాలం నాటి చిట్కా.. రోజూ ఉదయాన్నే ఈ ఆకులు తిన్నారంటే జ్ఞాపకశక్తి రెట్టింపు!
జ్ఞాపకశక్తి సక్రమంగా లేకపోతే ఏ పని చేయలేం. ఈ రకమైన సమస్య చిన్న పిల్లలలో కూడా కనిపిస్తుంది. దీని కారణంగా పిల్లలు చదువులపై దృష్టి పెట్టలేరు. చిన్న విషయాలను కూడా గుర్తుంచుకోవడం కష్టమవుతుంది. ఇది వారి విద్యా పురోగతిని నేరుగా ప్రభావితం చేస్తుంది. కానీ అమ్మమ్మ కాలం నాటి ఓ చిట్కాతో ఇంట్లోనే..
Updated on: Jun 05, 2025 | 9:24 PM
మెదడు ఆరోగ్యంగా లేకపోతే ఏ పని సజావుగా చేయలేం. జ్ఞాపకశక్తిని క్రమంగా తగ్గిస్తుంది. ఈ రకమైన సమస్య చిన్న పిల్లలలో కూడా కనిపిస్తుంది. దీని కారణంగా పిల్లలు చదువులపై దృష్టి పెట్టలేరు. చిన్న విషయాలను కూడా గుర్తుంచుకోవడం కష్టమవుతుంది. ఇది వారి విద్యా పురోగతిని నేరుగా ప్రభావితం చేస్తుంది. కానీ అమ్మమ్మ కాలం నాటి ఓ చిట్కాతో ఇంట్లోనే ఈ సమస్యను దూరం చేసుకోవచ్చు. జ్ఞాపకశక్తిని సైతం పెంచుకోవచ్చు. దీనికి రెండు పదార్థాలు మాత్రమే అవసరం. ఒకటి తమపాకు, రెండు తేనె. ఈ రెండు ఉంటే సమస్య తీరిపోయినట్లే. ఎలా వాడాలంటే..?
తమలపాకులు అందరికీ సుపరిచితమే. వీటిని ప్రతి ఇంట్లో ఏదో ఒక విధంగా ఉపయోగిస్తారు. పట్టణ ఇళ్లలో వీటి వాడకం కొంత తక్కువగా ఉన్నప్పటికీ, గ్రామాల్లో వీటిని సమృద్ధిగా ఉపయోగిస్తారు. అంతేకాకుండా వీటికి అనేక ఆరోగ్య ప్రయోజనాలు ఉన్నందున వీటిని ఎటువంటి భయం లేకుండా ఉపయోగించవచ్చు. ఈ ఆకు శరీరానికి సహజ ఔషధం. వివిధ ఆరోగ్య సమస్యలకు దివ్యౌషధం. అంతేకాకుండా అమ్మమ్మలు వీటితో తయారుచేసిన ఈ ఇంటి చిట్కా పిల్లల తెలివితేటలను పెంచడంలో సహాయపడుతుంది. ఈ ఆకులు నాడీ వ్యవస్థను బలోపేతం చేయడానికి పనిచేస్తాయి.
తమలపాకులతో జ్ఞాపక శక్తిని ఎలా పెంచుకోవచ్చంటే?
ఒక తమలపాకు తీసుకుని, తేనెలో ముంచి ప్రతిరోజూ ఉదయం ఖాళీ కడుపుతో పిల్లలకు ఇస్తే సరిపోతుంది. ఇది చాలా సులభమైన ప్రక్రియ. గతంలో అమ్మమ్మల పిల్లలకు దీనిని మందుగా ఇచ్చేవారు. ఇలా చేస్తే పిల్లల తెలివితేటలు పెరగడమేకాదు.. వారికి మాటలు కూడా త్వరగా వస్తాయట. తమలపాకు ఇలా తినడం వల్ల నాడీ వ్యవస్థలోని బలహీనతలు తగ్గుతాయి. మెదడు చురుగ్గా మారుతుంది. జ్ఞాపకశక్తి పెరుగుతుంది. అందుకే ఆరోగ్య నిపుణులు కూడా ఈ పద్ధతిని సిఫార్సు చేస్తున్నారు. పాఠశాలకు వెళ్లే పిల్లలకు ఇది చాలా ప్రయోజనకరంగా ఉంటుంది. ప్రతిరోజూ ఈ విధంగా తమలపాకులు, తేనె కలిపి తినడం వల్ల వారి జ్ఞాపకశక్తి గణనీయంగా పెరుగుతుంది. ఇది చదువుపై ఆసక్తిని కూడా పెంచుతుంది.
గమనిక: ఈ కంటెంట్ సాధారణ సమాచారాన్ని మాత్రమే అందిస్తుంది. మరింత సమాచారం కోసం వైద్యుడిని సంప్రదించడం మంచిది.
మరిన్ని ఆరోగ్య కథనాల కోసం క్లిక్ చేయండి.
