World Environment Day 2023: వాటితో పొంచి ఉన్న పెనుముప్పు.. పిల్లల ఆరోగ్యం పెద్ద ప్రభావం
ప్లాస్టిక్ సీసాలు, టిఫిన్లు, కంటైనర్లు, చిప్స్ ప్యాకెట్లు, సింగిల్ యూజ్ స్ట్రాస్ నుండి ఉత్పన్నమయ్యే మైక్రోప్లాస్టిక్స్ మన శరీరంలోకి ప్రవేశిస్తున్నాయి. ఈ కణాలు సముద్రాలు, నదులు, నేల, మనం పీల్చే గాలిలో కూడా కనిపిస్తాయి. ముఖ్యంగా చిన్నపిల్లలు మైక్రోప్లాస్టిక్లను తీసుకునే ప్రమాదం ఎక్కువగా ఉంటుంది.
Updated on: Jun 05, 2023 | 4:45 PM
ప్రస్తుతం ప్రపంచం అంతా ప్లాస్టిక్ వైపే తిరుగుతుంది. ప్లాస్టిక్ మానవాళికి పెను ప్రమాదమని తెలిసినా చాలా మంది ప్లాస్టిక్ ఉత్పత్తుల వాడుతూ ఉంటారు. మైక్రోప్లాస్టిక్స్ అంటే 5 మిల్లీమీటర్ల కంటే తక్కువ పరిమాణంలో ఉండే చిన్న చిన్న ప్లాస్టిక్ శకలాలు మన పర్యావరణం, పరిసరాలకే కాకుండా మన ఆరోగ్యానికి కూడా ముప్పుగా మారుతున్నాయి. ప్లాస్టిక్ సీసాలు, టిఫిన్లు, కంటైనర్లు, చిప్స్ ప్యాకెట్లు, సింగిల్ యూజ్ స్ట్రాస్ నుండి ఉత్పన్నమయ్యే మైక్రోప్లాస్టిక్స్ మన శరీరంలోకి ప్రవేశిస్తున్నాయి. ఈ కణాలు సముద్రాలు, నదులు, నేల, మనం పీల్చే గాలిలో కూడా కనిపిస్తాయి. ముఖ్యంగా చిన్నపిల్లలు మైక్రోప్లాస్టిక్లను తీసుకునే ప్రమాదం ఎక్కువగా ఉంటుంది. ఎందుకంటే వారు రోజువారీ ఉపయోగించే వస్తువులను తరచుగా నోటిలో పెట్టుకుంటూ ఉంటారు. మైక్రోప్లాస్టిక్స్ జీర్ణ సమస్యలు, వాపు, పోషకాల శోషణకు అంతరాయం కలిగించవచ్చు. వారు పిల్లలలో అభివృద్ధి ఆలస్యం కూడా కారణం కావచ్చు. ముఖ్యంగా ప్లాస్టిక్ ప్యాకేజింగ్, బాటిల్స్ లేదా లంచ్ బాక్స్కు దూరంగా ఉండటం చాలా ముఖ్యం. వాటి వల్ల కలిగే అనార్థాలు ఏంటో ఓ సారి తెలుసుకుందాం.
పిల్లల్లో వచ్చే సమస్యలు ఇవే
మైక్రోప్లాస్టిక్స్ పిల్లలలో అనేక ఆరోగ్య సమస్యలను ఆహ్వానిస్తాయి. ఈ రసాయనాలు పునరుత్పత్తి, ఊబకాయం, అవయవ సమస్యలు, పిల్లల్లో అభివృద్ధి ఆలస్యం వంటి వివిధ ఆరోగ్య సమస్యలతో ముడిపడి ఉంటాయి. ఊబకాయం అన్ని వ్యాధులకు తల్లి అని తెలిసిన విషయమే. ఊబకాయం శరీరంలోని అన్ని అవయవాలపై ప్రభావం చూపుతుంది. ముఖ్యంగా ఇవి మన తిండి అలవాట్ల కారనంగానే మన శరీరంలో కి చేరతాయి. కాబట్టి తల్లిదండ్రులు తమ పిల్లల ఆరోగ్యం విషయంలో జాగ్రత్త వహించాలి నిపుణులు సూచిస్తున్నారు. ముఖ్యంగా ప్లాస్టిక్ ప్యాకేజింగ్కు దూరంగా ఉండాలని సూచిస్తున్నారు. మీ పిల్లలకు ఆడుకోవడానికి ప్లాస్టిక్ బొమ్మలు ఇవ్వవద్దని కూడా చెబుతున్నారు. ముఖ్యంగా పిల్లలకు ఆహారం ఇవ్వడానికి ప్లాస్టిక్కు బదులుగా గాజు పాల సీసాలు ఎంచుకోండి. ప్లాస్టిక్ బొమ్మలు, వస్తువులను ఉంచిన పిల్లలకు ఇవ్వకండి. ఒకవేళ ఇచ్చినా వాటిని నోటిలో పెట్టుకోకుండా జాగ్రత్తలు తీసుకోవాలి.
2022 నుంచి సమర్థ చర్యలు
మైక్రోప్లాస్టిక్స్ యొక్క హానికరమైన ఆరోగ్య ప్రభావాల గురించి మనమందరం చాలా కాలం నుంచి చూస్తూ ఉన్నాం. భారత ప్రభుత్వం మైక్రోప్లాస్టిక్లకు ప్రధాన దోహదపడే సింగిల్ యూజ్ ప్లాస్టిక్లను (ఎస్యూపీ) నిషేధించడానికి 2022లో మొదటి సానుకూల చర్యను ఇప్పటికే తీసుకుంది. దాదాపు 30-35% మైక్రోప్లాస్టిక్లు వివిధ రకాలైన ప్లాస్టిక్లను నిషేధించింది. ఈ ప్లాస్టిక్లను సమర్ధవంతంగా రీసైకిల్ చేయడం సాధ్యం కాదు కాబట్టి ఇది సరైన చర్య. అలాగే ఇతర ప్లాస్టిక్ ఉత్పత్తులను దాని వినియోగం తర్వాత రీసైక్లింగ్ చేయడాన్ని ప్రోత్సహిస్తుంది.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..
