‘వి’లో ఆ రెండూ సస్పెన్స్ ఎలెమెంట్స్..!

Nani V Movie: నేచురల్ స్టార్ నాని, సుధీర్ బాబు ప్రధాన పాత్రల్లో మోహన్ కృష్ణ ఇంద్రగంటి తెరకెక్కించిన సినిమా ‘వి’. క్రైమ్ థ్రిల్లర్‌గా రూపొందిన ఈ సినిమా మరికొన్ని గంటల్లో అమెజాన్ ప్రైమ్ వీడియోలో స్ట్రీమ్ కానుంది. నివేధా థామస్, అదితీ రావు హైదరీ హీరోయిన్‌లుగా నటించారు. నానికి ఇది 25వ సినిమా కాగా.. మోహనకృష్ణ ఇంద్రగంటి కలయికలో ఇది మూడో సినిమా. ఈ సినిమాపై అభిమానుల్లో అంచనాలు భారీగా ఉన్నాయి.

ఈ సినిమాలో రెండు ఎలిమెంట్స్ సస్పెన్స్ క్రియేట్ చేస్తున్నాయని చెప్పాలి. దానిలో మొదటిది ఈ సినిమా టైటిల్. అసలు ‘వి’ వెనుక రహస్యం ఏంటన్నది చిత్ర యూనిట్ కు తప్ప మరెవ్వరికీ కూడా తెలియదు. ఇక రెండోది విలన్ పాత్రలో ఎవరు నటించారన్నది పూర్తి సస్పెన్స్ పెట్టారు. మొదటి నుంచి నానినే విలన్ గా చూపిస్తున్నా.. వేరే ఎవరో ఉండి ఉంటారని ఇప్పటికే పలు ప్రిడిక్షన్స్ చెబుతున్నాయి. మరి ఈ రెండు అంశాల వెనుక సస్పెన్స్ మరికాసేపట్లో తెలియనుంది.