TS First Compressed Biogas Project: తెలంగాణలో కోళ్ల వ్యర్థాలతో తొలి బయోగ్యాస్ ప్రాజెక్టు ప్రారంభం

TS First Compressed Biogas Project: పౌల్ట్రీఫారమ్ లోని కోళ్ల వ్యర్థాల ఆధారంగా పని చేసే తొలి బయోగ్యాస్ ప్రాజెక్టు రాష్ట్రంగా ఏర్పాటు అయింది. హైదరాబాద్ శివారులోని ఉడిత్యాల్ గ్రామంలో సోలికా ఎనర్జీ, శ్రీనివాస హ్యచరీస్, ఎక్స్ ఈఎంఎక్స్ ప్రాజెక్టు సంయుక్తంగా ఏర్పాటు చేసిన ఈ బయోగ్యాస్ ప్రాజెక్టు గురువారం ప్రారంభమైంది. అయితే రోజుకు 2.4 టన్నుల ఉత్పత్తి సామర్థ్యం కలిగిన కంప్రెస్డ్ బయోగ్యాస్ ప్రాజెక్టును ఇండియన్ ఆయిల్ కార్పొరేషన్ ఈడీ ఆర్ఎస్ఎస్ రావు ప్రారంభించారు. 4.50 లక్షల కోళ్లు కలిగిన అతిపెద్ద కోళ్ల ఫారమ్ పక్కనే ఈ ప్రాజెక్టును ఏర్పాటు చేశారు.

కాగా, కేంద్ర పెట్రోలియం, సహజవాయువుల మంత్రిత్వ శాఖ ఆధ్వర్యంలో సోలికా ఈ ప్రాజెక్టును నిర్మించింది. ఈ ప్లాంట్ లో ఉత్పత్తి చేసే బయోగ్యాస్ ను అత్తాపూర్ లోని ఐఓఎల్ ఔట్ లెట్ కు సరఫరా చేయనున్నారు. రాష్ట్రంలో 3.6 టన్నుల ఉత్పత్తి సామర్థ్యంతో రెండో బయోగ్యాస్ ప్రాజెక్టును ఏర్పాటు చేయనున్నట్లు సోలికా ప్రమోటర్ హిమదీప్ తెలిపారు.

వెదర్ రిపోర్ట్ : తమిళనాడు తీర ప్రాంతంలో ఉపరితల ఆవర్తనం, వచ్చే 48 గంటల్లో తెలంగాణలో ఓ మోస్తారు వర్షాలు