అసెంబ్లీ ఎన్నికల్లో పోటీకి సై… తలైవా

చెన్నై : తమిళనాడు అసెంబ్లీ ఎన్నికల్లో పోటీ చేస్తానని సూపర్‌స్టార్‌ రజనీకాంత్‌ ప్రకటించారు. ప్రస్తుతం దర్బార్‌ సినిమా చేస్తున్న ఆయన.. ఈ మూవీ షూటింగ్‌ కోసం ముంబై వెళ్లే ముందు తన ఇంటి వద్ద మీడియాతో మాట్లాడారు. మీరు రాజకీయాల్లోకి వస్తారని అభిమానులు ఆశ పెట్టుకున్నారని, ఆ విషయం ఏమైందని మీడియా ప్రశ్నించగా.. వారి ఆశల్ని నిరాశపరచనని, అసెంబ్లీ ఎన్నికలు ఎప్పుడు జరిగితే అప్పుడు కచ్చితంగా పోటీ చేస్తానని రజనీ స్పష్టం చేశారు. కాగా గురువారం తమిళనాడులోని 18 అసెంబ్లీ స్థానాలకు ఉప ఎన్నికలు జరిగాయి. ఒక వేళ ఈ ఎన్నికల ఫలితాల అనంతరం అన్నాడీఎంకే మెజార్టీ తగ్గితే.. ప్రభుత్వం పడిపోయే అవకాశం ఉంది.